ველოსიპედი და რეგულარული ვარჯიში იმუნურ სისტემას აახლებს
მსოფლიოში ფიზიკური აქტივობა მცირდება. ყოველდღიურ ცხოვრებაში აქტივობის დასამატებლად ველოსიპედით სიარული ან სეირნობა მკაცრად რეკომენდებულია. რატომ არის აქტიური ცხოვრება ასეთი მნიშვნელოვანი? რეგულარული ველოსიპედით სიარულით ან სეირნობით როგორ ვიქნებით ერთი ნაბიჯით წინ?
აპრილში 2017-ში BMJ-ში გამოქვეყნებულ, 263 ათასი მონაწილის მომცველ პოპულაციაზე დაფუძნებულ სამომავლო (პროსპექტულ) კვლევაში აქტიური ცხოვრება, განსაკუთრებით ქალებისთვის უფრო დაბალ გულ-სისხლძარღვთა (კარდიოვასკულურ) დაავადების რისკთან კავშირში იყო აღწერილი. აქტივობების გავლენა სიცოცხლის ხანგრძლივობასა და კიბოსთან კავშირზეც უგულებელყოფისთვის ზედმეტად მნიშვნელოვანია. ინგლისში ამ მასშტაბური ანალიზის შედეგები გამოიყენეს სხვადასხვა აქტივობასა და გულ-სისხლძარღვთა დაავადებებს, კიბოსა და ყველა მიზეზით სიკვდილიანობას შორის კავშირის შესასწავლად. აქტივობებს შორის ველოსიპედით და ფეხით სიარული გამოიკვეთა. კვლევით დადგინდა, რომ რეგულარული ველოსიპედით სიარული ნებისმიერი მიზეზით სიკვდილის რისკს % 40-ზე მეტით, კიბოსა და გულის დაავადებების რისკს კი % 45-ით ამცირებს.
ვარჯიშით შეგვიძლია ავიცილოთ დაბერებით მეტი მყიფეობა და სისუსტე
ვარაუდობენ, რომ ველოსიპედით სიარულს დაბერების გავლენის შენელება და იმუნური სისტემის განახლება შეუძლია. 55-79 წლის 125 მოყვარული ველოსიპედისტი რეგულარულად არმოვარჯიშე ჯანმრთელ ზრდასრულებს შეადარეს. Aging Cell ჟურნალში ორ სტატიაში შეჯამებული მიგნებებით; ველოსიპედისტები ასაკის მატებასთან ერთად სხეულის ცხიმისა და ქოლესტერინის დონეს, კუნთის მასასა და გამძლეობას ინარჩუნებდნენ. კაცებში ერთ-ერთი სხვაობა ტესტოსტერონის დონის ზრდა იყო. გასაოცარია ისიც, რომ ველოსიპედის დაბერების საწინააღმდეგო გავლენა იმუნურ სისტემაზეც გავრცელდა.
თიმუსი, რომელიც T-უჯრედებად წოდებული იმუნური უჯრედების წარმოქმნაში მონაწილეობს, ჩვეულებრივ 20 წლიდან იწყებს შემცირებას. თუმცა აღმოჩნდა, რომ ხანდაზმული ველოსიპედისტების თიმუსი სულ მცირე იმდენ T უჯრედს წარმოქმნიდა, რამდენსაც ახალგაზრდების.
ჩვენს წელთაღრიცხვამდე 400-იან წლებში მცხოვრებმა, მედიცინის მამად მიჩნეულმა ჰიპოკრატემაც კი თქვა, რომ ვარჯიში ადამიანის საუკეთესო წამალია, თუმცა ეს ცოდნა დროთა განმავლობაში დაიკარგა და სულ უფრო მჯდომარე და უმოძრაო გავხდით.
რეგულარულად ველოსიპედით მოსიარულე და ამის საზოგადოებასთან / ჯგუფთან ერთად შემსრულებელთა შესახებ მრავალი კვლევა ადასტურებს, რომ სხვა ტრანსპორტის მომხმარებლებთან შედარებით ფიზიკურთან ერთად უფრო ძლიერი ფსიქიკური ჯანმრთელობა აქვთ, უფრო ბედნიერები და ნაკლებად მიდრეკილი არიან დეპრესიისადმი.
წყაროები
Association between active commuting and incident cardiovascular disease, cancer, and mortality: prospective cohort study.
BMJ, April 2017.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.