ოპერირებულ პანკრეასის კიბოში გემციტაბინის ქიმიოთერაპიაზე კაპეციტაბინის დამატება სიცოცხლის ხანგრძლივობას ზრდის
ამ სტატიაში
2017 წლის იანვარში ავტორიტეტულ სამედიცინო ჟურნალ Lancet-ში გამოქვეყნებული კვლევის თანახმად, პანკრეასის კიბოს ოპერაციის შემდეგ დაავადების განმეორების რისკის შესამცირებლად ადიუვანტურად გამოყენებულ გემციტაბინის სახელწოდების ქიმიოთერაპიაზე კაპეციტაბინის სახელწოდების, პერორალურად აბის სახით მისაღები ქიმიოთერაპიული პრეპარატის დამატებამ სიცოცხლის ხანგრძლივობა მნიშვნელოვნად გაზარდა.
პანკრეასის კიბო ერთ-ერთი ყველაზე გავრცელებული კიბო არ არის, თუმცა შეერთებულ შტატებში კიბოთი გამოწვეული სიკვდილიანობით როგორც ქალებში, ისე მამაკაცებში 4. ადგილზეა; მსოფლიოში კი მამაკაცებში წელიწადში 138 ათასი სიკვდილით 8. ადგილზე, ხოლო ქალებში წელიწადში 127 ათასი სიკვდილით 9. ადგილზეა.
ამ დაავადებისთვის, რომელიც 45 წლამდე საკმაოდ იშვიათია, დადგენილია ისეთი რისკფაქტორები, როგორიცაა მოწევა, სიმსუქნე, ფიზიკური უმოქმედობა, ქრონიკული პანკრეატიტი, მემკვიდრეობითი ფაქტორები და დიაბეტი.
ეს დაავადება ადრეულ სტადიებში უმეტესად ნიშნებს არ იძლევა და პაციენტების მხოლოდ დაახლოებით %10-ში დგინდება ადრეულ ეტაპზე (ქირურგიული ჩარევისთვის შესაფერისი, ოპერირებადი ლოკალიზებული დაავადება). თუ სიმსივნის ამოკვეთა შესაძლებელია, უნდა ჩატარდეს ოპერაცია, რომელიც ამ დაავადების განკურნების ერთადერთი შანსია. სიმსივნის სრულად ქირურგიულად ამოკვეთის შემთხვევაშიც პანკრეასის კიბოს განმეორების რისკი მაღალია. წინა კვლევებმა აჩვენა, რომ ოპერაციის შემდგომი ადიუვანტური ქიმიოთერაპია ამცირებს პაციენტების სიცოცხლის ხანგრძლივობასა და დაავადების განმეორების რისკს; გემციტაბინი კი ადრეული სტადიის პანკრეასის კიბოს ადიუვანტური მკურნალობის სტანდარტულ მიდგომად იქცა.
კვლევა
კვლევაში ჩართეს პანკრეასის კიბოს მქონე 732 პაციენტი, რომელთაც სიმსივნე ოპერაციით სრულად ამოუკვეთეს. ადიუვანტური მკურნალობისთვის პაციენტები 2 ჯგუფად გაყვეს: ერთი ჯგუფი 12 კვირის განმავლობაში ყოველკვირეულად იღებდა გემციტაბინსა და კაპეციტაბინს (3 კვირა მიღება, 1 კვირა შესვენება), ხოლო მეორე ჯგუფი მხოლოდ გემციტაბინს იღებდა.
გემციტაბინთან კომბინირებული კაპეციტაბინის გამოყენებამ მხოლოდ გემციტაბინთან შედარებით სიკვდილის რისკი %18-ით შეამცირა.
საერთო გადარჩენის მედიანა კომბინაციის ჯგუფში 28 თვე, ხოლო მხოლოდ გემციტაბინის მიმღებებში 25.5 თვე აღმოჩნდა.
შედეგად, ეს ადიუვანტური კომბინაციური მკურნალობა ოპერირებული პანკრეასის კიბოს პაციენტებისთვის მკურნალობის ახალ სტანდარტად უნდა განიხილებოდეს.
წყაროები
Comparison of adjuvant gemcitabine and capecitabine with gemcitabine monotherapy in patients with resected pancreatic cancer (ESPAC-4): a multicentre, open-label, randomised, phase 3 trial.
Lancet. 2017 Jan 24. doi: 10.1016/S0140-6736(16)32409-6
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.