პლაცებოს როლი გაცნობიერებულ ყურადღებაზე (Mindfulness) დაფუძნებულ ტკივილგამაყუჩებელ თერაპიაში

პლაცებოს კვლევების შესახებ SIPS-ის მე-2 ოფიციალურ კონფერენციაზეწარმოდგენილმა კვლევამ მიიპყრო ჩემი ყურადღება. ავსტრალიური, ონლაინ მიუწვდომელი „პლაცებოს ეფექტების როლი Mindfulness-ზე დაფუძნებულ ანალგეზიაში“ სახელწოდების ამ კვლევის დეტალები ასეთია:

კვლევის მიზანი: Mindfulness-ს (გაცნობიერებული ყურადღების მედიტაციას) ექსპერიმენტულ და კლინიკურ გარემოში ტკივილის შემცირება შეუძლია, თუმცა უცნობია, რამდენადაა ამ სარგებელზე პასუხისმგებელი სპეციფიკური მგრძნობელობა და პლაცებოს მსგავსი მოლოდინის ეფექტები. მიზანია: 1. პლაცებოს ეფექტების მიერ გაცნობიერებული ყურადღებით გამოწვეულ ანალგეზიაში წვლილის დადგენა; და 2. ამ ანალგეზიაში პლაცებოზე პასუხისმგებელი კოგნიტიური მექანიზმების გამოვლენა.

მეთოდები: ორმაგად ბრმა რანდომიზებულ კონტროლირებულ კვლევაში შევადარეთ ფოკუსირებული ყურადღების სწავლება (6 x 20 წუთი), sham (ყალბი) გაცნობიერებული ყურადღება და მკურნალობის არქონა ექსპერიმენტულ სითბურ ტკივილზე. ყალბი მითითებები ნამდვილი სწავლების „აქტიურ კომპონენტებს“ არ შეიცავდა, თუმცა ყველა სხვა კონტექსტურ ფაქტორს შეესაბამებოდა.

შედეგები: როგორც ნამდვილი, ისე ყურადღებითი სწავლება უმკურნალობასთან შედარებით ტკივილის მეტ ამტანობას იძლეოდა, თუმცა ნამდვილსა და ყალბს შორის განსხვავება არ იყო. ორივე ჯგუფში ამას ახლდა გაზრდილი მოლოდინი, რწმენა და ტკივილთან დაკავშირებული კოგნიტიური პროცესები, მაგრამ აქაც ნამდვილსა და ყალბ სწავლას შორის სხვაობა არ ყოფილა. ტკივილის ინტენსივობაზე, მის განცდასა თუ ზღურბლზე გავლენა არ არსებობდა.

დასკვნა: ეს შედეგები აჩვენებს, რომ Mindfulness სწავლება, სულ მცირე ფოკუსირებული ყურადღების შემცველი, ტკივილის ამტანობას შესაძლოა პლაცებოს ეფექტით ზრდიდეს და არა სპეციფიკური ყურადღებითი მექანიზმით. ამ ეფექტების შესაძლო შუამავლები განსახილველია.

კვლევა ორი მხრივ მიმაჩნია საყურადღებოდ:

1. გარკვეული წარმოსახვით, ოსტატობითა და ნებისყოფით, სხეულისა / გონების თერაპიების კლინიკურ ცდებშიც კი შესაძლებელია ყალბი პროცედურების შექმნა და გამოყენება.
2. შედეგები ამტკიცებს, რომ პლაცებოს ეფექტების კონტროლისას ეს მკურნალობები შეიძლება პლაცებოთერაპიაზე მეტი არ იყოს.

რა გავლენა შეიძლება ჰქონდეს ამას კლინიკურ პრაქტიკაზე?

Mindfulness თერაპიები დღეს ძალიან პოპულარულია. თუმცა არ იქნება გასაკვირი, თუ ცნობა, რომ ეფექტი შესაძლოა მთლიანად პლაცებოს ეფუძნებოდეს, ენთუზიაზმს შეამცირებს. ბევრი იკითხავს: თუ პაციენტი სარგებელს იღებს, აქვს კი მნიშვნელობა, მოქმედების მექანიზმი უმნიშვნელოც რომ იყოს?

მნიშვნელოვანია ვიცოდეთ...

ზემოთ მოცემული ტექსტი ტრადიციული, დამატებითი და ალტერნატიული მკურნალობებისმსოფლიოში წამყვანი წარმომადგენლის, პროფესორ ექიმ Edzard Enrst-ისბლოგპოსტიდან ითარგმნა.

Mindfulness ნიშნავს მომენტიდან მომენტამდე საკუთარ თავში და ირგვლივ მიმდინარე მოვლენების შეძლებისდაგვარად ისეთად გაცნობიერებას, როგორიც არის. გონებაში აზრების დანახვას, ემოციებისა და სხეულის შეგრძნებების უცვლელად აღქმას და მათთან რეაქციის გარეშე დარჩენას, რადგან ჩვეულებისამებრ სახელებს არ არქმევთ და არ განსჯით.