Mindfulness (şüurlu fərqindəlik) əsaslı ağrı azaltmada plasebo təsirinin rolu

PLASEBO TƏDQİQATLARI ÜZRƏ 2-Cİ RƏSMİ SIPS KONFRANSInda təqdim edilmiş tədqiqat diqqətimi çəkdi. Onlayn mövcud olmayan, Avstraliya mənşəli "Mindfullness əsaslı analgeziyada plasebo təsirlərinin rolu" adlı bu tədqiqatın təfərrüatları belədir:

Tədqiqatın məqsədi: Mindfulness (fərqindəlik meditasiyası) həm eksperimental, həm də klinik şəraitdə ağrını azalda bilər, lakin həssaslığa xas və plaseboyabənzər gözlənti təsirlərinin bu müsbət təsirlərdə nə qədər rol oynadığı bilinmir. Bu tədqiqatın məqsədi: 1. plasebo təsirlərinin şüurlu fərqindəlik vasitəli analgeziyaya (ağrı azaltmağa) töhfə verib-vermədiyini müəyyən etmək; və 2. fərqindəlik vasitəli analgeziyada plaseboya cavabdeh koqnitiv mexanizmləri müəyyənləşdirməkdir.

Üsullar: Fokuslanmış diqqət fərqindəliyi təliminin (6 x 20 dəq), sham (saxta) fərqindəlik və müalicəsiz (heç bir müalicə verməmə) tətbiqlərin eksperimental istilik ağrısına təsirlərini ikiqat kor, randomizə nəzarətli tədqiqatla müqayisə etdik. Sham diqqətli olma təlimatlarında həqiqi təlimin "aktiv komponentləri" yox idi, lakin bütün digər kontekst amilləri uyğunlaşdırılmışdı.

Nəticələr: Həm həqiqi, həm də diqqətli fərqindəlik təlimi müalicə verməməklə müqayisədə daha yüksək ağrı dözümlülüyü təmin etdi, lakin həqiqi və saxta təlim arasında fərq yox idi. Müalicə ilə müqayisədə iki fərqindəlik qrupunda artmış gözlənti, inam və ağrı ilə bağlı koqnitiv proseslər buna müşayiət etdi, lakin yenə bu nəticələrdə həqiqi və saxta təlim arasında fərq yox idi. Ağrının şiddətinə, necə hiss edilməsinə və ya həddinə heç bir təsir yox idi.

Yekun: Bu nəticələr mindfulness (şüurlu fərqindəlik) təliminin, ən azı fokuslanmış diqqət ehtiva edənlərin, xüsusi diqqətlə bağlı hər hansı mexanizmdən çox plasebo təsiri vasitəsilə ağrı dözümlülüyünü artıra biləcəyini göstərir. Bu təsirlərin potensial vasitəçiləri müzakirə edilməlidir.

Bu tədqiqatı iki baxımdan diqqətəlayiq sayıram:

1. Bir qədər təxəyyül, ustalıq və iradə ilə bədən / zehin terapiyalarının hətta klinik sınaqlarında saxta prosedurların hazırlanıb istifadə edilə biləcəyini göstərir.
2. Əldə edilən nəticələr plasebo təsirləri nəzarətə alındıqda bu müalicələrin plasebo terapiyasından artıq ola bilməyəcəyini sübut edir.

Bunun klinik tətbiq üçün hansı təsirləri ola bilər?

Mindfulness (şüurlu fərqindəlik) terapiyaları hazırda olduqca populyardır. Bununla yanaşı, təsirinin tamamilə plaseboya əsaslana biləcəyi xəbəri bu müalicəyə həvəsi azaltsa, təəccüblü olmaz. Bir çox insan soruşa bilər: təsir mexanizmi əhəmiyyətsiz olsa belə, xəstələr fayda gördükcə bunun əhəmiyyəti varmı?

Bilmək vacibdir...

Yuxarıdakı yazı ənənəvi, tamamlayıcı və alternativ müalicələrin, dünya üzrə aparıcı adı Prof. Dr. Edzard Enrstin bloq yazısından tərcümə edilib.

Mindfulness yaşadığın indiki anda özündə və ətrafında baş verənləri mümkün qədər olduğu kimi, anbaan fərq etməkdir. Ağlından keçən düşüncələri görmək, yaşadığın emosiyaları, bədənindəki hissləri olduğu kimi qavramaq və adətən etdiyin kimi baş verənlərə ad qoymadığın və mühakimə etmədiyin üçün reaksiya vermədən onlarla qala bilməkdir.