პლაცებო, როგორც მკურნალობა, კიბოსთან დაკავშირებულ დაღლილობას ამსუბუქებს

პირველი ამგვარი კვლევის შედეგების მიხედვით, მკურნალობის ერთ სახეობად პლაცებოს აბებმა შეიძლება თავად კიბოთი ან მისი მკურნალობით გამოწვეული დაღლილობა შეამსუბუქოს.

რა არის პლაცებო?

პლაცებო მოქმედი აქტიური ნივთიერების არშემცველი პრეპარატის მიერ შთაგონებაზე დაფუძნებული ეფექტის წარმოქმნაა. სიტყვასიტყვით “სიამოვნების მინიჭებას” ნიშნავს და ლათინური წარმოშობისაა. პლაცებოს პრეპარატი სხვა ნამდვილი წამლების მსგავსად შეიძლება ორგანიზმში პირით ან ინექციით შეიყვანონ.

ამერიკელმა მკვლევრებმა კიბოს ტკივილის მქონე 74 პაციენტზე ერთცენტრიანი რანდომიზებული კვლევა ჩაატარეს, რუტინული მკურნალობის მსგავსად დღეში ორჯერ პლაცებოს აბებს აძლევდნენ და ჩვეულებრივ ჩვეულებრივ მოვლის მიმღებებს ადარებდნენ.

ამ კვლევაში; 21 დღის განმავლობაში პლაცებოს აბის ჩარევის ჯგუფმა (39 ადამიანი), საკონტროლო ჯგუფთან (35 ადამიანი) შედარებით, დაღლილობასთან დაკავშირებულ ორ მდგომარეობაში (ჩივილის სიმძიმე და ცხოვრების ხარისხის გაუარესება) სტატისტიკურად მნიშვნელოვანი გაუმჯობესება აჩვენა.

კერძოდ, საკონტროლო პაციენტებთან შედარებით, პლაცებოს აბების მიმღებმა ჯგუფმა დაღლილობის ჩივილებში %29 და დაღლილობით გამოწვეულ ცხოვრების ხარისხის დაქვეითებაში % 39 გაუმჯობესება აღწერა, რაც დიდი ეფექტია.

ყველა მონაწილეს სულ მცირე საშუალო ხარისხის (კლინიკურად მნიშვნელოვანი) დაღლილობა ჰქონდა, თუმცა უმეტესობას (% 62) ძლიერი დაღლილობა ჰქონდა. ყველა მკურნალობის შემდგომ პერიოდში იყო (6 თვიდან 10 წლამდე). უმეტესობა ქალი (% 74) და თეთრკანიანი (% 69) იყო.

ამ კვლევაში პლაცებოს ახალი გამოყენება, კლინიკურ კვლევებში ცნობილი გამოყენებისგან განსხვავდება. ჩვეულებრივ მკვლევრები დაფარულ პლაცებოს იყენებენ, ამიტომ მონაწილემ არ იცის წამალს იღებს თუ პლაცებოს. ამ კვლევაში კი მონაწილეს ეუბნებოდნენ, რომ სინამდვილეში პლაცებოს იღებდა. ეს ქრონიკული უარყოფითი მდგომარეობის მქონე ონკოლოგიურ პოპულაციაში პირველი ღია პლაცებოს კვლევაარის.

დღეს კიბოს დროს დაღლილობის ყველაზე აღიარებული მკურნალობებია ფიზიკური აქტივობის გაზრდა და ფსიქოსოციალური ან გონება-სხეულის ჩარევები. ასევე დაღლილობის ეფექტიანად სამართავად ძილის რეჟიმი და უძილობაც უნდა შეფასდეს. კიბოსთან დაკავშირებული დაღლილობისთვის მოდაფინილი ფართოდ გამოიყენება და საშუალოდ ეფექტიანია, თუმცა კვლევებში მისი პლაცებოზე მნიშვნელოვნად მეტი ეფექტიანობა არ გამოვლინდა და აქვს ისეთი გვერდითი მოვლენები, როგორიცაა ჩაძინების სირთულე.

• სისუსტე და დაღლილობა კიბოს დროს: რატომ ჩნდება და როგორ მკურნალობენ?

ღია პლაცებოს ეფექტიანობა ადრე ნაჩვენები იყო სხვა მდგომარეობებშიც, როგორიცაა გაღიზიანებული ნაწლავის სინდრომი, პერიოდული მწვავე შაკიკის შეტევები, ქრონიკული წელის ტკივილი, ალერგიული რინიტი და დეპრესია.

კვლევის ერთ-ერთმა მკვლევარმა ჰოენემაიერმა აღნიშნა, რომ პლაცებოს მკურნალობად გამოყენების იდეამ კლინიცისტები არ უნდა შოკში ჩააგდოს და დაამატა: “ბევრი ექიმი პრაქტიკაში პლაცებოს მსგავს მკურნალობებს იყენებს. მაგალითად, ლაბორატორიული შედეგების ნახვის გარეშე ვიტამინის დამატებას ან ანტიბიოტიკის გამოწერას.” ჰოენემაიერი ამბობს, რომ პლაცებოს სამედიცინო გამოყენება ეთიკურია, თუ ექიმი პაციენტს ეუბნება, რომ მკურნალობა პლაცებოა.

პლაცებოს ძალა კვლავ იდუმალია

გასაოცარია, რომ პლაცებოს ეფექტზე ცოდნის მიუხედავად, მას ვერ ვიგებთ. პლაცებოს მკვლევრები ჯერ კიდევ ცდილობენ გაარკვიონ, როგორ მოქმედებს ის.

პლაცებოს აბების მიმართ ეჭვის გამომთქმელ პაციენტებს უთხრეს, რომ ეს გასაგები იყო, და წაახალისეს ენახათ, რა მოხდებოდა. ინფორმირების შემდეგ პაციენტებს მისცეს კონვერტი, რომელშიც მათი მკურნალობის ჯგუფი იყო მითითებული. 11. დღეს ყველა პაციენტი კიბოს ცენტრის თანამშრომლებმა ტელეფონით შეამოწმეს. 21-დღიანი კვლევის დასრულების შემდეგ ისინი კლინიკაში დაბრუნდნენ დაღლილობის კვლევის კითხვარების შესავსებად.

ავტორები ამბობენ, რომ კლინიცისტების ყურადღებიანმა მოვლამ პლაცებოს ეფექტი შეიძლება გააძლიეროს: "ეფექტის უმეტესი ნაწილი, როგორც ჩანს, პაციენტის მხარდამჭერი ადამიანის ურთიერთქმედებას უკავშირდება."

• როგორი უნდა იყოს პაციენტის, ახლობლისა და ექიმის კომუნიკაცია?

მთავარი კვლევის დასრულების შემდეგ 21 დღის განმავლობაში ღია პლაცებოს სხვა ჯგუფსაც აძლევენ და სულ 35 მონაწილიდან 34 ცდის მას. ეს ჯგუფი დაღლილობის სიმძიმესა და მისგან გამოწვეულ ცხოვრების ხარისხის გაუარესებაში მსგავს გაუმჯობესებას აღწერს (შესაბამისად % 23 და% 35).

პლაცებოს მკურნალობის ეს შედეგები საკმაოდ დამაფიქრებელია და ძალიან საინტერესო იქნება შემოწმება, მოქმედებს თუ არა ღია პლაცებო სხვა ქრონიკულ მდგომარეობებზეც, რომლებსაც კიბოს მკურნალობაგავლილი ადამიანები აწყდებიან, როგორიცაა სახსრების ტკივილი და ხელ-ფეხის დაბოლოებებში პათოლოგიური შეგრძნებები (ნეიროპათია).

• შეიძლება სისუსტე და დაღლილობა კიბოს პირველი ნიშანი იყოს?