რა არის კომპანია Moderna-ს კიბოს ვაქცინა? 4 რამ, რაც მის შესახებ უნდა იცოდეთ
ამ სტატიაში
COVID-19-ის პანდემიის პერიოდში ყველაზე ხშირად განიხილებოდა ბიოტექნოლოგიური კომპანიების BioNTech-ისა და Moderna-ს მიერ შემუშავებული კორონავირუსის ვაქცინები. გარდა ამისა, არაერთხელ გავრცელდა ინფორმაცია, რომ ეს კომპანიები კიბოს „სამკურნალო“ ვაქცინებზე მუშაობდნენ. BioNTech-ის კიბოს ვაქცინის გამოცდების შესახებ 2022 წლის აპრილში მოგიყევით; ამ კვირაში კი მთელ მსოფლიოში Moderna-ს კიბოს ვაქცინაზე საუბრობენ.
შენიშვნა: კიბოს შემთხვევაში ვაქცინაციის 2 მიდგომა არსებობს: პროფილაქტიკური და სამკურნალო ვაქცინები. B ჰეპატიტისა და HPV-ის ვაქცინები, კიბოს პროფილაქტიკური ვაქცინებია. ისინი ამცირებენ მომავალში კიბოს რისკს, რომელიც HPV-ისა და ჰეპატიტის ვირუსებით გამოწვეულ ქრონიკულ ინფექციებს უკავშირდება. მართალია, კიბოს სამკურნალო ვაქცინები ბევრად უფრო სასურველი მიღწევაა, მაგრამ დღემდე მათ მხოლოდ 2 კიბოს გარკვეული შემთხვევებისთვის და მხოლოდ აშშ-ის საზღვრებში გამოყენებისთვის მიიღეს დამტკიცება: პროსტატის კიბოსთვის დენდრიტული უჯრედების ვაქცინა Sipuleucel-T, მელანომისთვის ონკოლიზური ვირუსის ვაქცინა T-vec.
Moderna-ს მიერ COVID-19-ის ვაქცინის შემუშავებისას გამოყენებული ინფორმაციული RNA-ის (mRNA) ტექნოლოგია მოიცავს DNA-ში არსებული ინფორმაციის გაშიფვრის, კოპირებისა და გადატანის პროცესებს. ეს პროცესები აუცილებელია იმისთვის, რომ უჯრედებმა DNA-ში არსებული გენები დააკოდირონ და განსაზღვრონ მათ მიერ წარმოებული ცილები.
mRNA ტექნოლოგიაზე დაფუძნებულმა კიბოს ვაქცინამ, როდესაც იგი იმუნური საკონტროლო წერტილის დამთრგუნველ იმუნოთერაპიულ პრეპარატთან, პემბროლიზუმაბთან (Keytruda) ერთად გამოიყენეს, ღია დიზაინის ფაზა 2b კლინიკურ კვლევაში იმედისმომცემი შედეგები აჩვენა. Moderna-ს მონაცემების თანახმად, პემბროლიზუმაბისა და ვაქცინის კომბინაციამ, მხოლოდ პემბროლიზუმაბთან შედარებით, კანის აგრესიული კიბოს, მელანომის მქონე პაციენტებში კიბოს განმეორების ან სიკვდილის რისკი 44 პროცენტით შეამცირა.
ამ სტატიაში წარმოდგენილია ოთხი რამ, რაც mRNA-4157/V940 კიბოს ვაქცინისა და კომპანიის მომავალი კლინიკური კვლევების გეგმების შესახებ უნდა იცოდეთ.
mRNA კიბოს ვაქცინა პერსონალიზებული მკურნალობაა
Moderna-ს mRNA ვაქცინა თითოეული პაციენტისთვის პერსონალიზებულია. ვაქცინა იმუნურ სისტემას ამზადებს ისე, რომ პაციენტმა მისთვის ინდივიდუალური სიმსივნის საწინააღმდეგო პასუხის წარმოქმნა შეძლოს.
პაციენტის კონკრეტული მუტაციების დასადგენად მკვლევრები მისი ნორმალური ქსოვილიდან და სიმსივნიდან DNA-ს გამოყოფენ და სეკვენირებენ (მის რუკას ადგენენ). ნორმალური და სიმსივნური DNA ერთმანეთს უდარდება, რათა პაციენტის კიბოსთვის დამახასიათებელი მუტაციების ერთობლიობა გამოვლინდეს. შემდეგ მკვლევრები ქმნიან ერთ სინთეზურ mRNA კოდს 34 ნეოანტიგენისთვის, რომლებიც სიმსივნის სპეციფიკური მუტაციების საფუძველზეა შემუშავებული. მიზანია, mRNA-4157/V940 პაციენტის იმუნურ სისტემას დაეხმაროს მხოლოდ სიმსივნური უჯრედების ვერ ამოცნობასა და მათზე თავდასხმაში.
ვაქცინის შემუშავებისა და გავრცელების პროცესი სწრაფია
Moderna-ს ონკოლოგიური განვითარების ხელმძღვანელის, Kyle Holen-ის თანახმად, პერსონალიზებული ვაქცინის წარმოებას რამდენიმე კვირა სჭირდება.
“RNA-ის სეკვენირებას მხოლოდ 2 საათიანი შემუშავების პროცესი აქვს; ეს გასაოცარია, რადგან მართლაც სწრაფად ხდება" — ამბობს Holen-ი, — "კიბოს მქონე პაციენტებისთვის მნიშვნელოვანია, რომ ვაქცინა ასე სწრაფად მომზადდეს."
პაციენტებისგან ნიმუშების აღებას, სეკვენირებას, კონკრეტული მუტაციების დასადგენად ალგორითმის გაშვებას, RNA-ის წარმოებასა და პაციენტებისთვის ვაქცინის მიწოდებას მთლიანობაში დაახლოებით 6 კვირა სჭირდება.
კომბინირებული მკურნალობის ჯგუფში გვერდითი მოვლენები უფრო ხშირია
mRNA-4157/V940-ისა და პემბროლიზუმაბის კომბინაციის მიმღებ პაციენტთა 14,4%-ს მკურნალობასთან დაკავშირებული მძიმე გვერდითი მოვლენები განუვითარდა, მაშინ როცა მხოლოდ პემბროლიზუმაბის მიმღებთა 10%-ს მძიმე გვერდითი მოვლენა აღენიშნა. ეს გვერდითი მოვლენები შეესაბამებოდა ვაქცინის ფაზა 1 კვლევაში ნანახს და Merck/Moderna-ს ფაზა 2b კვლევაში მკურნალობასთან დაკავშირებული არასასურველი მოვლენების შესახებ ახალი გაფრთხილებები არ გაუვრცელებია.
Moderna-ს ვაქცინის გეგმები მელანომის გარდა სხვა კიბოებისთვის
Moderna კვლავ ამუშავებს mRNA-4157/V940-ის ფაზა 3 კლინიკურ კვლევას და კომპანია იმედოვნებს, რომ ამ კვლევას 2023 წელს დაიწყებს. Moderna ასევე გეგმავს პერსონალიზებული mRNA ვაქცინის მიდგომის გამოცდას მელანომის გარდა სხვა ტიპის სიმსივნეებზეც, თუმცა ეს ეტაპი ჯერ არ დაუწყია.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.