რჩევები კიბოს მქონე პაციენტებსა და ახლობლებს გასინჯვის მოსაცდელში

თუ ახლახან ძუძუს კიბოს ახალი დიაგნოზი დაგისვეს, ონკოლოგიის მოსაცდელში ექიმის ნახვამდე ძლიერ შფოთვას შეიძლება გრძნობდეთ. პროცესის გაურკვევლობა და ახალი დიაგნოზი სტრესულია. გვსურს რამდენიმე დამხმარე რჩევა გაგიზიაროთ.

რჩევები პაციენტებს

• შეიძლება უნებურად ტირილი დაიწყოთ. ნუ შეგრცხვებათ: იქ ყველას მსგავსი გრძნობები აქვს და გიგებენ.
• ონკოლოგიის მოსაცდელი პატარა ბავშვებისთვის შესაფერისი შეიძლება არ იყოს. მათთან ერთად მკურნალობასა და ექიმის შეხვედრებზე მისვლამ ისედაც რთულ მდგომარეობაში სტრესი შეიძლება გაზარდოს. საავადმყოფოში მოსვლისას შეძლებისდაგვარად დატოვეთ ადამიანთან, ვინც მოუვლის.
• თუ თავს ცუდად გრძნობთ, ძლიერ ღელავთ და სტრესში ხართ, ონკოლოგიურ ექთანს გაესაუბრეთ და უთხარით, რომ ცალკე დაჯდომა გსურთ.
• თუ ჭამა გჭირდებათ და საჭმელი მოგაქვთ, უსუნო საკვები აირჩიეთ. სხვა ქიმიოთერაპიის პაციენტებმა შეიძლება სუნი ვერ აიტანონ და გაუჭირდეთ.
• თუ გვერდით მჯდომი ძუძუს კიბოზე ან სხვა არასასიამოვნო თემაზე საუბარს ცდილობს, თქვენ კი არ გსურთ, უთხარით, რომ თავს ცუდად გრძნობთ და ჩუმად დასვენება გჭირდებათ.
• გახსოვდეთ, სხვა პაციენტებსაც შეიძლება ემოციურად უჭირდეთ და სხვადასხვა ეტაპზე იყვნენ. შეიძლება გაბრაზება ან გრძნობები ხმამაღლა გამოხატონ. ყურსასმენებით მუსიკას მოუსმინეთ — სიმშვიდეში დაგეხმარებათ.

რჩევები თანმხლებ პირებს

• მოსაცდელში ან ქიმიოთერაპიის სივრცეში სხვებს საუბარში შეგიძლიათ გაეცნოთ. ეს სასიამოვნოა, მაგრამ შედარებას მოერიდეთ. ძუძუს კიბოს დიაგნოზის მქონე ორი ადამიანი სრულიად ერთნაირი არ არის.
• ეცადეთ ყურადღება საკუთარი დროის გატარებაზე კი არა, უფრო პაციენტის კომფორტის დახმარებაზე გაამახვილოთ.
• მოსაცდელსა და მკურნალობისას არ გამოიყენოთ სუნამო, მძიმე სურნელის საპონი, თმის ლაქი ან ტანის ლოსიონი, რომლებმაც ქიმიოთერაპიის ხშირი ეფექტი — გულისრევა შეიძლება გამოიწვიოს.
• მოწევის შემდეგ ტანსაცმელში ჩარჩენილი კვამლის სუნით პაციენტებთან მაშინვე შესვლამ ან ელექტრონული სიგარეტის მოწევამაც შეიძლება ძალიან შეაწუხოს ისინი. მოერიდეთ გვერდითი ეფექტების გამომწვევ მდგომარეობებს.
• პაციენტებს დაძალების გარეშე მაქსიმალურად წაახალისეთ ურთიერთობისკენ, საუბრისკენ და მოსაცდელში ხანგრძლივი თავისუფალი დროის სასარგებლოდ გამოყენებისკენ, მხატვრული აქტივობებისკენ ; შეგიძლიათ ერთად თამაშებიც ითამაშოთ.

კიბოს მკურნალობისას ხშირად ხაზს უსვამენ გრძნობების გამოხატვისა და დადებითი ფსიქოლოგიური მდგომარეობის მნიშვნელობას. ვფიქრობთ, ეს რჩევები პაციენტებსა და ახლობლებს დაეხმარება.