როგორ შეგიძლიათ საუზმით გულის დაავადებების რისკის შემცირება?

American College of Cardiology -ში გამოქვეყნებული ახალი კვლევის მიხედვით, საუზმის გამოტოვება ათეროსკლეროზის (არტერიის გაცხიმოვნების, სისხლძარღვთა გამაგრების) რისკს ზრდის და ფოლაქების დაგროვებით არტერიების გამაგრებასა და შევიწროებას უკავშირდება.

ჯანსაღი საუზმე ძალიან მნიშვნელოვანია გულის ჯანმრთელობისთვისაც, მათ შორის იდეალური წონისა და ქოლესტერინისთვის.

მკვლევრები ფიქრობენ, რომ ადამიანები, რომლებსაც საუზმის ჩვევა არ აქვთ, ზოგადად არაჯანსაღად ცხოვრობენ. ამ კვლევამ შესაძლებელი გახადა მტკიცებულებების წარმოდგენა, როგორ შეიძლება ამ არასწორი ჩვევის შეცვლით გულ-სისხლძარღვთა დაავადებების რისკის შემცირებაც.

მადრიდში შეისწავლეს 4.052 მოხალისე ქალი და მამაკაცი, რომლებსაც გულ-სისხლძარღვთა ან თირკმლის ქრონიკული დაავადება არ ჰქონდათ. საუზმის ენერგია დღიური საერთო ენერგიის პროცენტს შეადარეს. %2.9 არ საუზმობდა, %69.4 დაბალენერგიულ საუზმეს იღებდა, %27.7 კი ჩვეულებრივ საუზმობდა.

ათეროსკლეროზი, ანუ არტერიების გამაგრება, უფრო ხშირი იყო მათში, ვინც არ საუზმობდა ან დაბალენერგიულ, შეიძლება ითქვას, ნაჩქარევ საუზმეს მიირთმევდა.

რეგულარულად მსაუზმებლებთან შედარებით დაბალენერგიული საუზმის მიმღებებში ან გამომტოვებლებში კარდიომეტაბოლური რისკის მაჩვენებლებიც უფრო გავრცელებული იყო.

საუზმის გამომტოვებლებში წელის გარშემოწერილობა უფრო დიდი იყო, ხოლო სხეულის მასის ინდექსი, არტერიული წნევა, სისხლის ცხიმები და უზმოზე გლუკოზა — უფრო მაღალი. გამოვლინდა, რომ ისინი უფრო არაჯანსაღად ცხოვრობენ და ჰიპერტენზიისა და სიმსუქნისკენ მეტად არიან მიდრეკილნი. შესაბამისად, წონის დაკლების მსურველებმა განსაკუთრებით არ უნდა გამოტოვონ საუზმე.

შეიძლება ითქვას, რომ ადამიანების %20-30 საუზმეზე უარის თქმით სიმსუქნის რისკთან ერთად კარდიომეტაბოლურ დარღვევებსაც სულ უფრო ავრცელებს. საუზმის ჩვევა ბავშვობიდან უნდა ჩამოყალიბდეს. ბავშვებში გამოტოვება ადრეული სიმსუქნის რისკსაც ზრდის. უსაუზმობა დღის შემდეგ საათებში მეტ და არაჯანსაღ საკვებზე უბიძგებს. მან შეიძლება ჰორმონული დისბალანსი გამოიწვიოს და ცირკადულ რიტმზე უარყოფითად იმოქმედოს. ამ კვლევით საუზმის მნიშვნელობა კიდევ ერთხელ გავიგეთ.