საყლაპავის კიბოს სამკურნალოდ იმუნოთერაპიამ პირველად მიიღო FDA-ს დამტკიცება

იმუნოთერაპიულმა პრეპარატმა პემბროლიზუმაბმა (Keytruda) PD-L1 დადებითობის %10 ან უფრო მაღალი მაჩვენებლის მქონე შორსწასულ საყლაპავის კიბოშისაერთო გადარჩენა მნიშვნელოვნად გაზარდა. რანდომიზებული ფაზა III KEYNOTE-181 კვლევის ეს შედეგები აშშ-ში, სან-ფრანცისკოში 2019 წლის კუჭ-ნაწლავის კიბოს სიმპოზიუმზე წარადგინა დოქტორმა Takashi Kojima-მ, იაპონიის ქალაქ კაშივაში მდებარე კიბოს ეროვნული ცენტრის საავადმყოფოდან.

KEYNOTE-181 კვლევის დეტალები და შედეგები

• კვლევაში შორსწასული საყლაპავის კიბოს მქონე 628 პაციენტი ჩაერთო. მანამდე სულ მცირე 1 ხაზის პლატინაზე დაფუძნებული ქიმიოთერაპიის მიმღები პაციენტები შემთხვევითად ორ თანაბარ ჯგუფად განაწილდნენ; ერთ ჯგუფს პემბროლიზუმაბის სახელის მქონე იმუნური საკონტროლო წერტილის ინჰიბიტორი 200 mg დოზით ყოველ 3 კვირაში, მაქსიმუმ 35 კურსამდე მიეცა. ქიმიოთერაპიის ჯგუფში მკვლევარი ექიმის არჩევანით პაკლიტაქსელი, დოცეტაქსელი ან ირინოტეკანი გამოიყენეს.
• პაციენტების 401-ში კიბო ბრტყელუჯრედოვანი ქვეტიპის იყო, სხვებში კი ადენოკარცინომა. 222 პაციენტში PD-L1 დონე %10 ან უფრო მაღალი იყო.
• კვლევის პირველად საბოლოო წერტილად საერთო გადარჩენა განისაზღვრა.
• საერთო გადარჩენის მედიანა PD-L1-ზე %10 ან უფრო დადებითი სიმსივნეების მქონე პაციენტებში პემბროლიზუმაბის მიმღებებში 9.3 თვე იყო, ქიმიოთერაპიის მიმღებებში კი 6.7 თვე. 12. თვეზე საერთო გადარჩენა % 43 და % 20 იყო.
• პემბროლიზუმაბის მიმღებ პაციენტებს ქიმიოთერაპიის მიმღებებთან შედარებით წამალთან დაკავშირებული ნაკლები გვერდითი მოვლენა ჰქონდათ.
• PD-L1-დადებითების გარდა სხვა ქვეჯგუფებში გადარჩენის მნიშვნელოვანი განსხვავება არ გამოვლინდა.

შედეგად, ამ კვლევაში PD-L1-ზე %10 ან მეტად დადებითი სიმსივნის მქონე შორსწასული საყლაპავის კიბოს პაციენტების მეორე ხაზის მკურნალობაში პემბროლიზუმაბის იმუნოთერაპიამ ქიმიოთერაპიასთან შედარებით საერთო გადარჩენა მნიშვნელოვნად გაზარდა.

მე-4 სტადიის საყლაპავის კიბოს პაციენტების პირველი ხაზის მკურნალობაში პემბროლიზუმაბისა და ქიმიოთერაპიის შესაფასებლად კიდევ ერთი კლინიკური კვლევა მიმდინარეობს (ClinicalTrials.gov კოდი NCT02564263).