შეიძლება ჰორმონული დანამატების გამოყენება ძუძუს კიბოსთან დაკავშირებული მენოპაუზური ჩივილებისთვის?
ძუძუს კიბოს მკურნალობის მიმღები და შემდეგ ამ პროცესში მენოპაუზის სიმპტომების მქონე ბევრი ქალი არსებობს. თუმცა მენოპაუზით გამოწვეული ჩივილების შესამსუბუქებლად ჰორმონული დანამატი ყოველთვის ყველა ქალისთვის შესაფერისი არ არის. ამ მიზნით გამოყენებული დანამატები ძუძუს კიბოს დიაგნოზის მქონე ქალებისთვის შეიძლება უსაფრთხო არ იყოს. როგორ შეუძლიათ დახმარების მიღება ძუძუს კიბოს მკურნალობაგავლილ ქალებს, რომლებსაც მენოპაუზური დისკომფორტი აქვთ?
ბევრი ქალი, ძუძუს კიბოს მკურნალობის შემდეგ მენოპაუზურ ჩივილებს, მაგალითად ალებსა და ღამის ოფლიანობას განიცდის. ძუძუს კიბოს მკურნალობამ შეიძლება მენოპაუზა ნაადრევადაც გამოიწვიოს და ქალმა მენოპაუზური ჩივილები უფრო ხანგრძლივად და მძიმედ განიცადოს. ჰორმონული მკურნალობით ქალის ჰორმონების დათრგუნვა, ქიმიოთერაპია ან საკვერცხეების ქირურგიული ამოღება შეიძლება მენოპაუზური ჩივილების მიზეზი იყოს.
რატომ არის სახიფათო ძუძუს კიბოს მკურნალობის შემდეგ მენოპაუზური ჩივილების გამო ჰორმონული დანამატის მიღება?
მენოპაუზის ჩივილების შესამსუბუქებლად ზოგი ქალი ესტროგენის, პროგესტერონის მსგავსი ჰორმონების დანამატებს იღებს. თუმცა ძუძუს კიბოს მკურნალობაგავლილ ქალებში მენოპაუზური ჩივილებისას ჰორმონული დანამატის მიცემას ვერიდებით, რადგან ქალის ჰორმონებზე მგრძნობიარე (ჰორმონდადებითი) კიბოს დროს გარედან ჰორმონის მიწოდებამ შეიძლება ძუძუს სიმსივნეების ზრდა გამოიწვიოს.
კვლევებმა აჩვენა, რომ სისხლში ესტროგენის დონე ძუძუს კიბოს განმეორების სანდო მარკერი ვერ იქნება. ასევე კლინიკური კვლევების შედეგებით, ძუძუს კიბოს მკურნალობის შემდეგ მენოპაუზისშემდგომი ჰორმონული დანამატების გამოყენება მეორე ძუძუს კიბოს განვითარების ან ძველი კიბოს განმეორების (რეციდივის) რისკს ზრდის იმ ქალებთან შედარებით, რომლებსაც ეს მკურნალობა არ მიუღიათ.
როგორ შეამსუბუქოთ მენოპაუზის ჩივილები ჰორმონული მკურნალობის გარდა?
თუ მენოპაუზით გამოწვეული დისკომფორტი გაქვთ, თავდაპირველად ექიმს ესაუბრეთ. ჰკითხეთ ჰორმონული მკურნალობის ნაცვლად ასარჩევი სხვა შესაძლებლობები. ზოგი მათგანია:
- აკუპუნქტურა: კვლევები მიუთითებს, რომ აკუპუნქტურაკიბოს მკურნალობით გამოწვეულ ალების მსგავს მენოპაუზურ ჩივილებს ამსუბუქებს.
- სოია და სხვა მცენარეული პროდუქტები: ზოგი ექიმი ამტკიცებს, რომ მცენარეული დანამატებით ჰორმონების რეგულირება შეიძლება. რადგან ეს ვარიანტი ბუნებრივ მკურნალობას გვპირდება, ბევრისთვის მიმზიდველად და სხვა მიდგომებზე უსაფრთხოდ შეიძლება ჩანდეს. თუმცა დანამდვილებით არ ვიცით, სოიის ეს პროდუქტები მენოპაუზურ ჩივილებს ამსუბუქებს თუ არა. ჯერჯერობით არც საკვები დანამატების უსაფრთხოებასა და ჩივილების შემსუბუქებაზე მკაფიო დასკვნის თქმა შეიძლება. ამ ვარიანტის მსურველმა ქალებმა ჯერ ექიმს უნდა მიმართონ.
- არაჰორმონული წამლები: ჰორმონული მკურნალობისგან განსხვავებული ზოგი წამალი ალებს შეიძლება დაეხმაროს. მაგალითად: - ანტიდეპრესანტი ვენლაფაქსინი (Effexor) - წნევის წამალი კლონიდინი - ნერვებზე მოქმედი წამალი გაბაპენტინი (Neurontin)
თქვენი წამლები ერთმანეთთან შეიძლება ურთიერთქმედებდეს, უარყოფითად მოქმედებდეს თქვენზე ან მათი გვერდითი მოვლენები არსებულ ჩივილებზე ძლიერი იყოს. ამის თავიდან ასაცილებლად გამოიყენეთ კონტროლირებულად, ექიმის მითითებით.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.