Süd vəzi xərçənginə bağlı menopauza şikayətləri üçün hormon əlavəsi istifadə edilə bilərmi?

Süd vəzi xərçəngi müalicəsi alan və sonrakı müddətdə menopauza əlamətləri yaşayan bir çox qadın var. Lakin menopauzanın yaratdığı şikayətləri yüngülləşdirmək üçün hormon əlavəsi həmişə hər qadın üçün uyğun olmaya bilər. Menopauza şikayətlərini yüngülləşdirmək məqsədilə istifadə olunan bu hormon əlavələri süd vəzi xərçəngi diaqnozu almış qadınlar üçün təhlükəsiz olmaya bilər. Bəs süd vəzi xərçəngi müalicəsi almış və menopauza narahatlıqları yaşayan qadınlar necə dəstək ala bilər?

• Menopauza nədir? Menopauza dövrünün əlamətləri, təsirləri və idarəetmə strategiyaları

Bir çox qadın süd vəzi xərçəngi müalicəsindən sonra istilik basmaları, gecə tərləməsi kimi menopauza şikayətləri yaşayır. Hətta qadın süd vəzi xərçənginin müalicəsinə görə erkən menopauzaya girə, menopauza şikayətlərini daha uzun və daha şiddətli yaşaya bilər. Hormonal müalicələrlə qadın hormonlarının basqılanması, kimyaterapiya və ya əməliyyatla yumurtalıqların çıxarılması kimi xərçəng müalicələri menopauza şikayətlərinin səbəbi ola bilər.

Süd vəzi xərçəngi müalicəsindən sonra menopauza şikayətləri üçün hormon əlavəsi qəbul etmək niyə təhlükəlidir?

Menopauza dövrünün şikayətlərini azaltmaq üçün bəzi qadınlar estrogen, progesteron kimi hormon əlavələri qəbul edir. Lakin süd vəzi xərçəngi müalicəsi almış qadınlara menopauza şikayətləri üçün hormon əlavəsi verməkdən çəkinirik. Çünki qadın hormonuna həssas (hormon pozitiv) xərçəngi olanlara kənardan hormon əlavəsi verilməsi süd vəzi şişlərinin böyüməsinə səbəb ola bilər.

Araşdırmalar qandakı estrogen səviyyəsinin süd vəzi xərçənginin təkrarlanması haqqında etibarlı marker olmayacağını göstərmişdir. Yenə klinik araşdırma nəticələri menopauzadan sonra hormon əlavəsinin süd vəzi xərçəngi müalicəsindən sonra verilməsinin ikinci süd vəzi xərçəngi yaranması və ya əvvəlki xərçəngin təkrarlanması (residiv) riskini bu müalicəni almayan qadınlarla müqayisədə artırdığı istiqamətindədir.

Menopauza şikayətlərini hormon müalicəsindən başqa necə yüngülləşdirə bilərsiniz?

Menopauzadan qaynaqlanan narahatlıqlarınız varsa, əvvəlcə bunu həkiminizlə danışmalısınız. Hormon müalicəsi əvəzinə seçə biləcəyiniz digər imkanları soruşun. Bəziləri bunlar ola bilər:

• Akupunktur: Araşdırmalar akupunkturunxərçəng müalicəsinə bağlı yaranan istilik basmaları kimi menopauza şikayətlərinə yaxşı təsir etdiyi istiqamətindədir.
• Soya və digər bitki mənşəli məhsullar: Bəzi həkimlər bitki mənşəli əlavələrlə hormonları tənzimləyə bildiklərini iddia edirlər. Bu seçim təbii müalicə vəd etdiyi üçün bir çoxlarına xoş və digər yanaşmalarla müqayisədə daha təhlükəsiz görünə bilər. Lakin soya məhsullarının menopauza şikayətlərinə yaxşı təsir edib-etmədiyi barədə dəqiq məlumat yoxdur. Qida əlavələrinin də təhlükəsizliyi və şikayətləri yüngülləşdirməsi barədə hələlik dəqiq nəticədən danışmaq mümkün deyil. Bunu düşünən qadınlar əvvəlcə həkimləri ilə məsləhətləşməlidirlər.
• Hormonal olmayan dərmanlar: hormon müalicəsindən fərqli, istilik basmalarına yaxşı təsir edə bilən bəzi dərmanlar mövcuddur. Məsələn; - Antidepressant venlafaksin (Effexor) - Təzyiq dərmanı klonidin - Sinirlərə təsir edən dərman gabapentin (Neurontin)

İstifadə edəcəyiniz dərmanlar bir-biri ilə qarşılıqlı təsirə girə, sizə mənfi təsir göstərə və ya yan təsirləri mövcud şikayətlərinizdən çox ola bilər. Bunların qarşısını almaq üçün nəzarətli şəkildə, həkiminizin yönləndirdiyi qaydada istifadə edin.

• Süd vəzi xərçənginin müalicəsində yeniliklər