İsraildə xərçəng yox imiş - tarixin ən böyük yalanlarından biri!

Son illərdə xərçəng sahəsində getdikcə artan sayda yalan və sui-istifadələr görürük. Gündəlik həyatda bu yalanların çoxlu xəstə və xəstə yaxınına mənfi təsir etdiyinə şahid olur, sağlam şəxslərin də elmə baxışının dərindən sarsıldığını təəssüflə izləyirik. Bu yalanların bir qisminin kommersiya məqsədilə yayıldığını görsək də, böyük hissəsinin məlumatsızlıqdan qaynaqlandığına inanırıq. Biz də bu sahədə hazırladığımız yazılarla sizi elmi məlumatlar əsasında maarifləndirməyə çalışacağıq.

İsraildə xərçəng yoxdurmu iddiasını şərh etməzdən əvvəl faktlara baxaq:

2012-ci ildə dünyada illik yeni xərçəng sayı hər 100 min nəfərdə 182-dir. Bu rəqəm kişilərdə qadınlardan daha çoxdur (hər 100 min kişidə 205, hər 100 min qadında 165).

Hər 100 min nəfərdə illik 338 yeni xərçəng xəstəsi göstəricisi ilə Danimarka xərçəngin ən çox görüldüyü ölkədir.

Heç xərçəng hadisəsi görülmədiyi və ya çox az görüldüyü iddia olunan İsrail isə bütün dünyada xərçəngin ən çox müşahidə edildiyi 19. ölkədir; belə ki, İsraildə ildə 100 min nəfərdə orta hesabla 283 yeni xərçəng xəstəsi görülür. İsrail əhalisinin 8.5 milyon olduğu düşünülsə, heç xərçəng olmadığı iddia edilən İsraildə hər il 24 min yeni xərçəng diaqnozu gözlənilir. Həmçinin İsraildə xərçəngə bağlı ölüm göstəriciləri yəhudilərlə ərəblər arasında fərqlənmir.

Cədvəl: Ümumdünya Səhiyyə Təşkilatının 2012 xərçəng statistikası

İsrailin öz dərc etdiyi statistikaya baxdıqda isə 2012-ci ildə 25.531 nəfərə xərçəng diaqnozu qoyulmuş və həmin il 10.640 nəfər xərçəngə görə həyatını itirmişdir (İsrail Xərçəng Assosiasiyası “ICA-Israel Cancer Association” veb-saytı).

Statistik məlumatlara görə hər 3 israillidən birinə həyatının müəyyən dövründə xərçəng diaqnozu qoyulacağı təxmin edilir.

Bu məlumatlara və öz statistikasına görə İsrail dünyada Non-Hodgkin limfomasının (aqressiv limfa düyünü xərçəngi) ən çox görüldüyü ölkədir; həmçinin bu limfoma növünə bağlı həyat itkisi göstəricisinin ən yüksək olduğu 2. ölkədir. Bundan əlavə, irsi süd vəzi xərçənginəsəbəb olan BRCA1 və BRCA2 gen mutasiyalarının dünyada ən çox olduğu cəmiyyət Aşkenazi yəhudiləricəmiyyətidir.

İsrailin çox danışılmayan, lakin diqqət çəkməli əsas xüsusiyyəti klinik tədqiqatlara verdiyi əhəmiyyətdir. Sağlamlıq turizmi İsrailin mühüm gəlir mənbələrindən biridir. Başda Rusiya coğrafiyası olmaqla Yaxın Şərq və Avropadan çoxlu xəstə qəbul etməsi İsrailin maliyyə gücünə töhfə verir. Sağlamlıq turizmi ilə yanaşı İsrailin əhəmiyyət verdiyi başqa mövzu xərçəng sahəsində apardığı klinik tədqiqatlardır. Klinik tədqiqatlar yeni xərçəng dərmanının təsdiq və lisenziya alması prosesinin ən mühüm müəyyənedicisidir. İsrail Yaxın Şərqdə xərçəng təbabətində ən çox klinik tədqiqat aparan ölkə kimi diqqət çəkir. Təxminən 8 milyon əhalisi ilə xərçəng sahəsində 2017-ci ildə 250 klinik tədqiqat apardığı halda, ölkəmizin əhalisinin 70 milyonu aşdığını nəzərə alsaq, 120 klinik tədqiqatla İsraildən xeyli geridədir.

Ölkəmizdə də sağlamlıq turizminə və klinik tədqiqatlara verilən əhəmiyyət getdikcə artır və artıq hər böyük xərçəng mərkəzi sağlamlıq turizminə və müxtəlif xərçəng növlərində klinik tədqiqatlara əhəmiyyət verməyə başlamışdır. Arzumuz Türkiyənin gələcəkdə dünyanın sayılı sağlamlıq turizmi və klinik tədqiqat mərkəzlərindən biri olmasıdır.

İsraildə xərçəng olmadığı sözünə gəlsək, bu söz yuxarıda təqdim etdiyimiz elmi məlumatlarda da göründüyü kimi YALANDIR. Kubada xərçəng yoxdur, İsraildə xərçəng yoxdur yalanlarını müdafiə edən və ya yayan hər kəs bilərək və ya bilməyərək İsrail və Kubanın sağlamlıq turizminə töhfə verir. Ölkəmizin xərçəng və sağlamlıq sahəsindəki bacarığı ən qabaqcıl ölkələrlə rəqabət aparacaq səviyyədədir. Gəlin bu yalanların ardınca qaçmaq əvəzinə ölkəmizi irəli aparacaq elmi araşdırmalar, klinik tədqiqatlar edək; gözəl ölkəmizi və alimlərimizi daha çox dəstəkləyək.