Mədə qanamasının müalicəsi üçün yeni cihaz FDA təsdiqi aldı

ABŞ Qida və Dərman İdarəsi (FDA) qastrointestinal (mədə-bağırsaq) qanamalarının müalicəsi üçün Hemospray adlı yeni tibbi cihaza 7 may 2018-ci ildə istifadə təsdiqi verdi.

Hemospray adlanan cihaz bəzi yuxarı və aşağı mədə-bağırsaq qanaması olan xəstələrin müalicəsində cərrahi olmayan seçim təqdim edir. Bununla bir çox xəstənin mədə qanamasına bağlı ölüm riskini azaltmaq hədəflənir.

Qastrointestinal (mədə-bağırsaq) qanaması nədir?

Mədə-bağırsaq bölməsi iki hissəyə ayrılır: yuxarı hissə qida borusu, mədə və ya nazik bağırsağı, aşağı hissə isə kolon və düz bağırsağı əhatə edir. Bu nahiyələrdə yaranan qanamalara qastrointestinal (GİS) qanama deyilir və qanama qida borusu, mədə və ya nazik bağırsaqdadırsa yuxarı GİS qanaması, kolon və düz bağırsaqdadırsa aşağı GİS qanaması adlandırılır.

Mədə-bağırsaq qanamasının səbəbləri arasında bunlar ola bilər:

• Qastrik (mədə) xoralar,
• Damarın struktur dəyişiklikləri (arteriovenoz malformasiyalar),
• Divertikul,
• Xərçəng (məsələn, mədə və ya kolon xərçəngi) və ya
• İltihabi bağırsaq xəstəliyi.

Ciddi mədə-bağırsaq qanamaları xüsusilə yaşlı xəstələr üçün yüksək ölüm riski daşıyır.

Hemospray yuxarı və ya aşağı mədə-bağırsaq qanama növlərinin çoxunu müalicə etmək üçün hazırlanmışdır. Cihaz qanayan nahiyəyə mineral qarışığı çatdıran aerozol spreydir. Cihaz endoskopik prosedurda tətbiq edilir və böyük xora və ya şiş kimi geniş nahiyələrə tətbiq oluna bilər.

Cihaz alkoqola bağlı qaraciyər xəstəlikləri kimi bəzi tibbi vəziyyətlərdə yaranan qida borusu varikoz qanaması olan xəstələrdə istifadə üçün hazırlanmamışdır.

Hemospray-a FDA təsdiqi qazandıran tədqiqatlarda yuxarı və aşağı mədə-bağırsaq qanaması olan ümumilikdə 750 xəstədən alınan məlumatlar araşdırıldı. Hemospray cihazı istifadədən beş dəqiqə sonra xəstələrin %95-ində mədə-bağırsaq qanamasını dayandırdı. Bu xəstələrin % 20-sində əsasən 72 saat ərzində yenidən qanama oldu və istifadəsi 30 günə qədər uzana bildi. Xəstələrin təxminən %1-ində ciddi əlavə təsir kimi bağırsaq perforasiyası (deşilməsi) görüldü. Hemospray mədə-bağırsaq fistulası olan və ya mədə-bağırsaq perforasiyası riski yüksək xəstələr üçün uyğun deyil.

Hemospray cihazının dizaynı aşağıda görünür: