Pembrolizumab - Keytruda

2 oktyabr 2015 tarixində FDA-dan təsdiq alan Pembrolizumab (Keytruda®) əvvəllər platin tərkibli kimyaterapiya almış, səthində PD-L1 (Programmed Death Ligand 1 = proqramlaşdırılmış ölüm liqandı) molekulu daşıyan, uzaq toxumalara qədər yayılmış (metastatik) kiçik hüceyrəli olmayan ağciyər xərçəngli xəstələrdə istifadə olunur. Xərçəng hüceyrələri müdafiə sistemimizdən qaça bilmək üçün üzərlərindəki PD L1 molekulundan istifadə edir. Bu molekul immun sisteminin elementi olan T hüceyrəsinə onun üzərindəki PD 1 reseptoru vasitəsilə bağlanır və bu yolla müdafiə sistemindən qaça bilir.

Pembrolizumab bu bağlanmanın qarşısını alır və beləliklə immun sisteminin xərçəng hüceyrələrini daha asan tanımasını, məhv etməsini təmin edir. Ən çox görülən yan təsirləri yorğunluq, iştahın azalması, nəfəs almaqda çətinlik və öskürək kimi bildirilmişdir.