Tez-tez istifadə olunan alaqöldürücü preparatda potensial xərçəngtörədici qlifosat müəyyən edildi

ABŞ-ın ən böyük kənd təsərrüfatı bölgələrindən biri olan Kaliforniya alaq otlarının məhv edilməsində istifadə olunan preparatın tərkibindəki qlifosat maddəsini kanserogen /xərçəngtörədici siyahısına daxil etdi. Bu halda alaq öldürücü kənd təsərrüfatı preparatlarının qablaşdırmasında “potensial kanserogen” ifadəsi olacaq.

Qlifosat nədir?

Qlifosat 1974-cü ildə satışa çıxarılıb. Digər bitkilərə zərər vermədən alaq bitkilərinin məhv edilməsində istifadə olunur. Qlifosat rəngsiz və qoxusuzdur. Ümumdünya Səhiyyə Təşkilatı qlifosat kimyəvi maddəsini potensial kanserogen kimi müəyyənləşdirib. Qlifosat ehtiva edən kənd təsərrüfatı preparatları 160-dan çox ölkədə satılır və 250-dən çox qarğıdalı tarlasında istifadə edilir.

Ölkəmizdə də tez-tez istifadə olunan alaqöldürücü preparatlar olan pestisidlərin əksəriyyətində qlifosat molekulu var (ən geniş tanınan ticarət adı Roundup). Xüsusilə vurğulamaq lazımdır ki, bu növ alaqöldürücü preparatlar idman meydançalarında, parklarda və bağlarda da istifadə olunur.

Kənd təsərrüfatı preparatlarındakı kanserogenlərdən necə qorunmalıyam?

• Məcbur olmadıqca alaqöldürücü kənd təsərrüfatı preparatlarından istifadə etməkdən çəkinin. Aldığınız kənd təsərrüfatı preparatlarının qablaşdırmasındakı xəbərdarlıqları diqqətlə oxuyun. “Qlifosat” ehtiva edən kənd təsərrüfatı preparatlarını almayın.
• Bu növ kənd təsərrüfatı preparatlarını tətbiq edən şəxslər qoruyucu maska və geyim istifadə etməlidirlər.
• Kənd təsərrüfatı preparatı heyvanların yaşayış sahəsində istifadə edilməməlidir. Kənd təsərrüfatı preparatlarının qablaşdırmaları və tullantıları təbiətdə buraxılmamalıdır.
• Kənd təsərrüfatı preparatı tətbiq olunan sahədəki meyvə və tərəvəzlər müəyyən müddət yeyilməməli, yeyildiyi halda çox yaxşı yuyulmalıdır.