არალკოჰოლურ ცხიმოვან ღვიძლთან დაკავშირებული ღვიძლის კიბოს მახასიათებლები

ღვიძლის კიბოს(ჰეპატოცელულური კარცინომის, HCC) 2 მთავარი მიზეზია B-C ჰეპატიტის ინფექციები და ალკოჰოლი. თუმცა სიმსუქნეც ღვიძლის კიბოს მიზეზია და მისი ისტორიაში უპრეცედენტო გავრცელებით სიმსუქნე ღვიძლის კიბოს ერთ-ერთ მთავარ მიზეზად იქცევა.

ბოლოდროინდელ კვლევაში არალკოჰოლურ ცხიმოვან ღვიძლის დაავადებასთან დაკავშირებული HCC უფრო მეტ ქირურგიულ ავადობას/გართულებასა და ოპერაციის შემდგომ ღვიძლის უკმარისობას უკავშირდებოდა, თუმცა ხანგრძლივი გადარჩენა სხვა ცხიმოვან ღვიძლის კიბოებზე უკეთესი იყო. Koh-მა და კოლეგებმა შედეგები Journal of the American College of Surgeons-ში გამოაქვეყნეს.

კვლევის დეტალები

ერთცენტრულ კვლევაში HCC-ისთვის ღვიძლის სიმსივნეზე ოპერირებული 996 პაციენტი გააანალიზეს. სტეატოზის მიხედვით ისინი დაიყო არალკოჰოლურ ცხიმოვან დაავადებასთან დაკავშირებული HCC-ის 152 და მასთან დაუკავშირებელი HCC-ის 844 პაციენტად. შეადარეს დემოგრაფიული, კლინიკური და ქირურგიული ნიშნები, ოპერაციის შემდგომი გართულებები და გადარჩენა.

შედეგები

თანმხლები დაავადებები არალკოჰოლურ ცხიმოვან დაავადებასთან დაკავშირებულ HCC-ში უფრო ხშირი იყო. მათ უფრო ხანგრძლივი ჰოსპიტალიზაცია, მეტი საოპერაციო სისხლის დაკარგვა და შემდგომი გართულება ჰქონდათ. ასევე აღწერეს სიმსივნის ზომის უფრო მაღალი მედიანა, უფრო ხშირი ციროზი და ნეიტროფილების/ლიმფოციტების თანაფარდობის უფრო დაბალი მედიანა.

ხუთწლიანი საერთო გადარჩენა, ამ ჯგუფში უკეთესი იყო. თუმცა არალკოჰოლურ ცხიმოვან დაავადებასთან დაკავშირებული HCC-ისა და პათოლოგიური ღვიძლის ქსოვილის მქონეებს უარესი 5-წლიანი საერთო გადარჩენა ჰქონდათ.

მოკლე სიცოცხლესთან დაკავშირებული ფაქტორები იყო ასაკი, გულის შეგუბებითი უკმარისობა, chil B სტატუსი (ღვიძლის უკმარისობის კლასიფიკაცია), ციროზი, სიმსივნის ზომა, მრავალკვანძიანობა და R1 რეზექცია (არასრული ქირურგიული ამოღება).

ავტორებმა „არალკოჰოლურ ცხიმოვან დაავადებასთან დაკავშირებული HCC უფრო მეტ ქირურგიულ ავადობასა და ჰეპატექტომიის შემდეგ ღვიძლის უკმარისობას უკავშირდებოდა. ამის მიუხედავად, ხანგრძლივი გადარჩენა სხვა მიზეზის ღვიძლის კიბოებთან შედარებით უფრო ხელსაყრელია“, აღნიშნეს.

• შეიძლება დაგაინტერესოთ: შორსწასული ღვიძლის კიბოს მკურნალობის ვარიანტები: