Alkoqolsuz Yağlı Qaraciyərlə Bağlı Qaraciyər Xərçənginin Xüsusiyyətləri

Qaraciyər xərçəngləri-nin (hepatosellülar karsinoma, HCC) 2 əsas səbəbi hepatit B-C infeksiyaları və alkoqoldur. Bununla belə piylənmə də qaraciyər xərçənginin səbəbidir və piylənmənin bəşər tarixində heç vaxt olmadığı qədər geniş yayılması ilə piylənmə qaraciyər xərçənglərinin əsas səbəblərindən birinə çevrilməyə başlamışdır.

Son vaxtlar aparılan bir tədqiqatda, alkoqolsuz yağlı qaraciyər xəstəliyi ilə əlaqəli hepatosellülar karsinomanın (HCC) daha çox cərrahi xəstələnmə/ağırlaşma və əməliyyatdan sonrakı qaraciyər çatışmazlığı ilə əlaqəli olduğu, lakin uzunmüddətli sağqalımın alkoqolsuz olmayan yağlı qaraciyər xərçənglərindən daha yaxşı olduğu tapılmışdır. Bu nəticələr Koh və həmkarları tərəfindən Journal of the American College of Surgeons adlı jurnalda dərc edildi.

Tədqiqatın Təfərrüatları

Bu tək mərkəzli tədqiqat hepatosellülar karsinoma üçün qaraciyər şişi əməliyyatı aparılan 996 xəstəni təhlil etdi. Xəstələr hepatik steatoz (qaraciyər yağlanması) əlamətlərinə əsasən alkoqolsuz yağlı qaraciyər xəstəliyi ilə əlaqəli 152 hepatosellülar karsinoma xəstəsi və alkoqolsuz yağlı qaraciyər xəstəliyi ilə əlaqəli olmayan 844 hepatosellülar karsinoma xəstəsi kimi təsnif edildi. Tədqiqatçılar daha sonra iki qrupun demoqrafik, klinik və cərrahi xüsusiyyətlərini, həmçinin əməliyyatdan sonrakı ağırlaşma nisbətlərini və sağqalım nəticələrini müqayisə etdilər.

Nəticələr

Komorbid hallar (yanaşı xəstəliklər və problemlər) alkoqolla bağlı olmayan yağlı qaraciyər xəstəliyi ilə əlaqəli hepatosellülar karsinoma (HCC) xəstələrində daha geniş yayılmışdı və bu xəstələrdə xəstəxanada daha çox qalmaqla yanaşı əməliyyat zamanı qan itkisi və əməliyyatdan sonrakı ağırlaşmalar bildirildi. Alkoqolsuz yağlı qaraciyər xəstəliyi ilə əlaqəli HCC-li xəstələrdə tədqiqatçılar daha böyük median şiş ölçüsü, daha yüksək sirroz tezliyi və daha aşağı median neytrofil / limfosit nisbəti bildirdi.

Beş illik ümumi sağqalım, alkoqolsuz yağlı qaraciyər xəstəliyi ilə əlaqəli HCC xəstələrində daha yaxşı tapıldı. Bununla belə, alkoqolsuz yağlı qaraciyər xəstəliyi ilə əlaqəli HCC-si olan və qaraciyər toxuması anormal olan xəstələr daha pis 5 illik ümumi sağqalım müddətinə malik idi.

Daha qısa ömür nəticələri ilə əlaqəli amillər yaş, durğunluq ürək çatışmazlığı, chil B vəziyyəti (qaraciyər çatışmazlığının bir növ təsnifatı), sirroz, şiş ölçüsü, çoxdüyünlülük və R1 rezeksiyası (şişin əməliyyatla tam çıxarıla bilməməsi) idi.

Tədqiqatın müəllifləri, “Alkoqolsuz yağlı qaraciyər xəstəliyi ilə əlaqəli HCC daha çox cərrahi xəstələnmə və hepatektomiyadan (qaraciyər toxumasının çıxarılması) sonra qaraciyər çatışmazlığı ilə əlaqəli tapıldı. Buna baxmayaraq, uzunmüddətli sağqalım nəticələri alkoqolsuz yağlı qaraciyər xəstəliyindən başqa səbəblərə bağlı qaraciyər xərçəngləri ilə müqayisədə daha əlverişlidir.” deyə bildirmişdir.

• Marağınızı Çəkə Bilər: İrəliləmiş mərhələli qaraciyər xərçəngində müalicə seçimləri: