FDA-მ შარდის ბუშტის კიბოსთვის ახალი თაობის იმუნოთერაპია ნივოლუმაბი დაამტკიცა

2 იანვარს, 2017 წელს, ამერიკის სურსათისა და წამლის ადმინისტრაციამ (FDA), ნივოლუმაბი (Opdivo), ახალი თაობის იმუნოთერაპია, ადგილობრივად გავრცელებული ან მეტასტაზის მქონე შარდის ბუშტისა და საშარდე გზების კიბოსთვის დაამტკიცა.

იმუნური საკონტროლო წერტილის მარეგულირებელი იმუნოთერაპიის მოქმედების მექანიზმები საშარდე გზების კიბოზე პირველ რიგში შარდის ბუშტის კიბო გვახსენდება. მთავარი რისკფაქტორია მოწევა შარდის ბუშტის კიბო საშარდე სისტემაში ყველაზე ხშირია, მსოფლიოში ყველა კიბოს შორის კი 9. ადგილზეა. გარდამავალი ეპითელური უჯრედების სახელით ცნობილი უროთელური კიბოები, თირკმლის გარეთ საშარდე გზების კიბოების 90%-ის შემადგენელი ჰისტოლოგიური ქვეტიპია.

ნივოლუმაბმა 2015 წელს 4. სტადიის თირკმლის კიბოსთვის FDA-ის დამტკიცება მიიღო

კვლევა, რომელმაც შარდის ბუშტის კიბოში ნივოლუმაბის დამტკიცება მოიტანა:

კვლევაში ადგილობრივად გავრცელებული ან მეტასტაზური უროთელური კიბოს მქონე 270 პაციენტი შეაფასეს. შეირჩნენ ისინი, ვისაც ძირითადი პლატინის ქიმიოთერაპიის დროს დაავადება გაუუარესდა (პროგრესირდა), ან 12 თვის განმავლობაში პლატინის ნეოადიუვანტური (ოპერაციამდელი შემამცირებელი) ან ადიუვანტური მკურნალობა მიიღო (ანუ აგრესიული მიმდინარეობის ჯგუფი).

შედეგად, ნივოლუმაბის მიმღებთა ობიექტური პასუხი 19.6% იყო. აგრეთვე 7-ს სრული, 46-ს ნაწილობრივი პასუხი ჰქონდა.

ყველაზე ხშირი გვერდითი მოვლენები იყო სისუსტე, კუნთოვან-ჩონჩხოვანი ტკივილი, გულისრევა და მადის დაქვეითება.

რეკომენდებული სქემა და დოზაა ყოველ 2 კვირაში ინტრავენურად (ვენაში) 240 mg.