FDA sidik kisəsi xərçənginin müalicəsi üçün Nivolumab adlı yeni nəsil immunoterapiyanı təsdiqlədi

2 yanvar 2017-ci ildə Amerika Qida və Dərman İdarəsi (FDA) nivolumab (Opdivo) adlı yeni nəsil immunoterapiya dərmanına yerli irəliləmiş və ya metastaz vermiş sidik kisəsi və sidik yolları xərçənglərinin müalicəsi üçün təsdiq verdi.

İmmun nəzarət nöqtəsi tənzimləyici immunoterapiyaların iş mexanizmləri Sidik yolları xərçəngi deyiləndə ilk olaraq ağıla sidik kisəsi xərçəngi gəlir. Ən mühüm risk amili siqaret olan sidik kisəsi xərçəngi sidik yollarında ən çox, dünya miqyasında bütün xərçənglər arasında isə 9-cu tezlikdə rast gəlinən xərçəngdir. Keçid epitel hüceyrəli kimi də tanınan urotelial xərçənglərböyrəkdənkənar sidik yolları xərçənglərinin %90-ını təşkil edən histoloji alt tipdir.

Nivolumab 2015-ci ildə 4-cü mərhələ böyrək xərçənginin müalicəsi üçün FDA təsdiqi almışdı

Nivolumaba sidik kisəsi xərçəngində istifadə təsdiqi qazandıran tədqiqat:

Tədqiqatda xərçəngi yerli (lokal) irəliləmiş və ya metastaz vermiş 270 urotelial xərçəng xəstəsi qiymətləndirilib. Bu şəxslər sidik kisəsi xərçənginin əsas dərmanı olan platinli kimyaterapiyalar zamanı xəstəliyi pisləşən (proqressiya edən) və ya 12 ay ərzində platinli neoadyuvant (əməliyyatdan əvvəl kiçildici), yaxud adyuvant müalicə alan xəstələrdən seçilib (yəni xəstəlik gedişi aqressiv qrup).

Nəticə olaraqnivolumab tətbiq edilən xəstələrin müalicəyə obyektiv cavab nisbəti %19.6 olub. Həmçinin 7 xəstə müalicəyə tam, 46 xəstə isə qismən cavab verib.

Ən çox bildirilən yan təsirlər halsızlıq, əzələ-skelet ağrıları, ürəkbulanma və iştahanın azalması olub.

Nivolumab üçün tövsiyə olunan doza və cədvəl hər 2 həftədən bir venadaxili (venadan) 240 mg-dır.