მაღალი რისკის ძუძუს კიბოში კაპეციტაბინით კიდევ ერთი ნაბიჯი გადაიდგა!

ადგილობრივად შორსწასულ, her2 უარყოფით, შემამცირებელი ქიმიოთერაპიის შემდეგ ნაოპერაციებ, ნარჩენი სიმსივნის მქონე მაღალი რისკის პაციენტებში პროფილაქტიკურმა კაპეციტაბინმა (capecitabine) რეციდივი შეამცირა.

ძუძუს კიბო Her2 სტატუსით, სამიზნე წამლის ტესტით, ორ ჯგუფად იყოფა. Her 2, რეცეპტორ (მიმღებ) დადებითში ქიმიოთერაპიას სამიზნე წამალს ვუმატებთ, უარყოფით Her2-ს ორ ქვეტიპად ვყოფთ. Her2 უარყოფითი, ძუძუს კიბო ჰორმონმგრძნობიარე და სამმაგად უარყოფითია. პირველი, Her2 უარყოფითი, მარტივად იმართება, სამმაგი კი უფრო აგრესიულია.

აქ Her2 უარყოფით, ჰორმონმგრძნობიარე და სამმაგად უარყოფით პაციენტთა მნიშვნელოვანი კვლევაა.

მკურნალობისას ჩვენ ორ მთავარ ინფორმაციას ვითვალისწინებთ: ზემოთ აღწერილ სიმსივნურ ბიოლოგიას და დაავადების გავრცელებას. გავრცელებას დაახლოებით სამად ვყოფთ — ადრეულ, ადგილობრივად შორსწასულ და მეტასტაზურ, ანუ გვიან სტადიად. აქ განხილული ჯგუფი Her2 უარყოფითია, ადგილობრივად შორსწასული სიმსივნით, პირდაპირი ოპერაციისთვის შეუსაბამო და შემამცირებელი ქიმიოთერაპიის შემდეგ ნაოპერაციები.

NEJM-ის 1 ივნისის 2017 წლის ნომრის კვლევაში ადგილობრივად შორსწასული her2 უარყოფითი, ქიმიოთერაპიის შემდეგ ნაოპერაციები ნარჩენი სიმსივნითა და მაღალი რეციდივის რისკით 910 პაციენტი ჩაერთო. მათ 6 თვე პერორალური კაპეციტაბინი პროფილაქტიკურად მისცეს.

კაპეციტაბინის მიმღებ ძუძუს კიბოს პაციენტებში რეციდივის მაჩვენებელი %32-დან %26-მდე შემცირდა; ამავდროულად 5 წლიანი გადარჩენა %83-დან %89-მდე გაიზარდა.

მათ შორის, სამმაგად უარყოფითმა ძუძუს კიბოს ამ ჯგუფმა უფრო მეტი სარგებელი მიიღო. სამმაგად უარყოფითებში კაპეციტაბინის შემდეგ 5 წელში რეციდივი %44-დან %30-მდე შემცირდა. 5 წლიანი გადარჩენა %70-დან %79-მდე გაიზარდა. განსაკუთრებით ამ პაციენტებში 5 წელიწადში დამატებით თითქმის 10 პროცენტის სიცოცხლის გადარჩენა მეტად სასიხარულოა.

მონაცემები ყოველდღიური სტრატეგიის შემცვლელია. მართვადი ქიმიოთერაპიის სწორად დამატება ცხოვრებას მნიშვნელოვნად ცვლის. მეცნიერება ყოველდღე ახალ შესაძლებლობასა და სინათლეს გვთავაზობს.