მამაკაცის ძუძუს კიბოს გენეტიკა იშიფრება

ბოლო დროს კიბოს მიზნობრივ მკურნალობაშიდიდი წინსვლაა და მკურნალობაზე პასუხები უმჯობესდება. თუმცა მრავალი ტიპის კიბოს გენეტიკა ჯერ ბოლომდე დადგენილი არაა და სამკურნალო სამიზნეები გამოვლენილი არ არის. ერთ-ერთი ასეთი კიბო მამაკაცებში არსებული ძუძუს კიბოარის.

მამაკაცის ძუძუს კიბო ძუძუს ყველა კიბოს %1-ს შეადგენს

ამასთან, მამაკაცის ძუძუს კიბოების დიდი ნაწილი ესტროგენის რეცეპტორის (ER) დადებითია. ეს გვაფიქრებინებს, რომ მამაკაცის ძუძუს კიბო ქალისაზე უფრო ჰომოგენურია და მკურნალობის არჩევანის განსაზღვრა უფრო მარტივი იქნება. მართალია, მის შესახებ ცოდნა საკმაოდ შეზღუდულია, მაგრამ ოჯახური ისტორია და მემკვიდრეობითი მიდრეკილება უაღრესად მნიშვნელოვან რისკფაქტორებადაა ცნობილი.

კვლევებმა აჩვენა, რომ მამაკაცის ძუძუს კიბოს %10-ს მემკვიდრეობითი BRCA2 მუტაცია აქვს. BRCA1 მუტაციის ძალიან მცირე პროცენტით მამაკაცის ძუძუს კიბო ამ მხრივაც განსხვავდება ქალებში არსებულისგან.

რა ვისწავლეთ ახალი კვლევებიდან?

გენომის მასშტაბით ასოციაციის კვლევების (GWAS) ფარგლებში კიბოს გენეტიკის შემსწავლელმა გუნდმა მამაკაცებში ძუძუს კიბოს მიდრეკილების გამზრდელი 2 გენური უბნის გამოვლენის შესახებ განაცხადა. ამ უბნებში ერთეული ნუკლეოტიდური ცვლილებები, DNA აღდგენის გენებში ან სიმსივნის წარმოქმნის დამთრგუნველ გენებში მუტაციების გამოწვევით ძუძუს კიბოს წარმოქმნას იწვევს.

იგივე გენური უბნები ქალებშიც იწვევს მიდრეკილებას, თუმცა მამაკაცებისთვის უფრო სერიოზული რისკფაქტორია. გუნდმა ფართო კვლევისა და მეტი უბნის გამოსავლენად კვლევა მეტი მონაცემით გაიმეორა. წინა კვლევაში ნაპოვნებთან ერთად 3 ახალი უბანი გამოავლინეს. მათში მუტაციები ER გენსა და სიმსივნის წარმოქმნის ხელშემწყობ სისხლძარღვების წარმოქმნას დაუკავშირდა. წინა კვლევის მსგავსად, ეს ქალის ძუძუს კიბოსთანაც დაკავშირებული უბნები მამაკაცებისთვის უფრო სერიოზულ რისკს ქმნის.

დასკვნა

ეს მამაკაცის ძუძუს კიბოს შესახებ ყველაზე ფართომასშტაბიანი გენეტიკური კვლევებია. მიღებული ცოდნა მის გენეტიკაზე არსებული მრავალი უცნობიდან მხოლოდ მცირე ნაწილია, თუმცა შესაბამისი მიზნობრივი მკურნალობის განსაზღვრისთვის უაღრესად მნიშვნელოვანია.