სასარგებლო რეცეპტი იფთარისთვის: იოგურტსა და სანელებლებში დამარინადებული ქათამი

სანელებლიანი იოგურტის სოუსში დამარინადებული ქათმის მკერდი იფთარზე სასარგებლო, გემრიელ და პრაქტიკულ მთავარ კერძად თქვენც და ოჯახსაც მოგეწონებათ. საყვარელ სალათთან ან ორთქლზე მომზადებულ ბოსტნეულთან ერთად ეს დაბალკალორიული, ნოყიერი და გემრიელი არჩევანია.

ინგრედიენტები 4 ადამიანისთვის:

• 1 ჩაის ჭიქა იოგურტი
• 2 სუფრის კოვზი ქინძი, თუ გაქვთ ახალი
• 1 კბილი ნიორი, კარგად დაჭყლეტილი
• 1/2 ლიმონის წვენი
• 1 დესერტის კოვზი წვრილად დაჭრილი ახალი ჯანჯაფილი
• 1/4 დაჭრილი ხახვი
• 1/2 ჩაის კოვზი ძირა
• 1/2 ჩაის კოვზი იოდირებული სუფრის მარილი
• 1/2 წითელი დაფქული წიწაკა
• 1/4 კურკუმა
• 1/2 kg კანისა და ძვლის გარეშე ქათმის მკერდი, თანაბარი სისქის ნაჭრებად

იოგურტი, ქინძი, ნიორი, ლიმონის წვენი, ჯანჯაფილი, ხახვი, ძირა, მარილი, წითელი წიწაკა და კურკუმა კომბაინში ან ორი ჩანგლით კარგად აურიეთ. სოუსი მჭიდროდ დახურულ მაცივრის პარკში ან მინის ჭურჭელში გადაიტანეთ. მკერდის ნაჭრები კარგად ამოავლეთ და ჰერმეტულად დახურეთ. მაცივარში მინიმუმ 3 საათი გააჩერეთ; შეძლებისდაგვარად დროდადრო გადააბრუნეთ და აურიეთ.

სოუსიდან ამოღებული ქათამი გახურებულ არაწებოვან ტაფაზე ან გრილზე ორივე მხრიდან, თითო მხარეს 4-6 წუთი, მოამზადეთ.

დაახლოებითი კვებითი ღირებულება 1 პორციაში

• კალორია ............. 150
• ცხიმიდან კალორია ............. 25
• ცხიმი ............. 3 gr
• ნაჯერი ცხიმი ............. 1 gr
• ტრანსცხიმოვანი მჟავა ............. 0 gr
• პოლიუჯერი ცხიმი ............. 0,5 gr
• მონოუჯერი ცხიმი ............. 1 gr
• ქოლესტერინი ............. 65 mg
• ნატრიუმი ............. 310 mg
• ნახშირწყალი ............. 3 gr
• ბოჭკო ............. 0 gr
• შაქარი ............. 2 gr
• ცილა ............. 27 gr
• ჩვენი ყველა რეცეპტი