İftar süfrələri üçün sağlam yemək resepti: qatıq və ədviyyatlarla marinadlanmış toyuq

Ədviyyatlı qatıq sousunda marinadlanmış toyuq döşünü iftar süfrələrində sağlam, dadlı və praktik əsas yemək kimi həm siz, həm ailəniz çox sevəcəksiniz. Yanında sevdiyiniz salat və ya buxarda bişmiş tərəvəzlə tamamlaya biləcəyiniz bu yemək az kalorili, doyumlu və dadlı seçimdir.

4 nəfərlik inqrediyentlər:

• 1 çay stəkanı qatıq
• 2 xörək qaşığı keşniş (varsa təzə)
• 1 diş sarımsaq, yaxşı əzilmiş
• 1/2 limonun suyu
• 1 desert qaşığı çox xırda doğranmış təzə zəncəfil
• 1/4 yeməklik doğranmış quru soğan
• 1/2 çay qaşığı zirə
• 1/2 çay qaşığı yodlu süfrə duzu
• 1/2 qırmızı toz bibər
• 1/4 sarıkök
• 1/2 kg dərisiz, sümüksüz toyuq döşü (bərabər qalınlıqda dilimlənmiş)

Qatıq, keşniş, sarımsaq, limon suyu, zəncəfil, soğan, zirə, duz, qırmızı toz bibər və sarıkökü varsa mətbəx robotunda, yoxdursa iki çəngəllə yaxşı qarışdırın. Sousu ağzı möhkəm bağlanan soyuducu paketinə və ya şüşə qaba köçürün. Toyuq döşü dilimlərini sousda yaxşı qarışdırıb hava keçirməyəcək bağlayın. Soyuducuda ən az 3 saat saxlayın, mümkünsə bu müddətdə arada çevirib qarışdırın.

Toyuqları sousdan çıxarıb qızdırılmış yapışmayan tavada və ya varsa qrildə hər tərəfi 4-6 dəqiqə olmaqla iki üzünü də bişirin.

1 porsiya üçün təxmini qida dəyərləri

• Kalori ............. 150
• Yağdan alınan kalori ............. 25
• Yağ ............. 3 gr
• Doymuş yağ ............. 1 gr
• Trans yağ turşusu ............. 0 gr
• Çoxdoymamış yağ ............. 0,5 gr
• Təkdoymamış yağ ............. 1 gr
• Xolesterin ............. 65 mg
• Natrium ............. 310 mg
• Karbohidrat ............. 3 gr
• Lif ............. 0 gr
• Şəkər ............. 2 gr
• Zülal ............. 27 gr
• Bütün yemək reseptlərimiz