Avokadolu və bananlı çörək resepti

Bu çörək çox dadlı və təəccübləndiricidir! Avokado ilə bananın birləşməsi bu resepti bütün dövrlərin ən sevilən banan çörəyinə çevirir. Bu birləşmə çörəyə eyni zamanda çox şirin olmayan, bir qədər nəmli və yumşaq quruluş verir. Xırtıldayan təzə fındıqlarla mükəmməl uyğunlaşır.

Veqansınızsa və ya yumurtaya allergiyanız varsa, bu reseptdə yumurtanı istifadə etməyə bilərsiniz. Avokado və banan da birləşdirici rol oynayır. Yumurtanı çıxarmaq çörəyə daha sıx quruluş verir.

- Əlaqəli mövzu: Avokadonun faydaları və sağlamlığa təsirləri (ətraflı)

Ölkəmizdə yerli istehsal, olduqca keyfiyyətli bananlar tapa bilirik. Çörəkdə avokado ilə banan istifadə etmək həm sağlam, həm də ağıllı seçimdir. Bu çörəyi hazırlamaq üçün mütləq bir salxım banan və bir neçə avokado alın.

Bu avokadolu bananlı çörək resepti qlüten, taxıl, süd və rafinə şəkər ehtiva etmir. 52 g xalis karbohidrat ehtiva edir; bu, adi çörəkdən aldığınıza nisbətən daha az karbohidrat deməkdir.

Hazırlanması

1. Sobanı əvvəlcədən 180 dərəcəyə qızdırın və 20x10 cm ölçülü orta qaba yağlı kağız yerləşdirin.
2. Böyük qabda badam ununu, qabartma tozunu və duzu qarışdırın.
3. Avokado, banan, zeytun yağı, vanil, bal və yumurtanı mətbəx kombaynında hamar olana qədər qarışdırın.
4. Spatula ilə avokado qarışığını quru ərzaqlarla xəmir konsistensiyasına gələcək şəkildə yüngülcə qarışdırın, sonra fındıq parçalarını əlavə edin. Xəmiri qabda bərabər yayın.
5. 40 - 50 dəqiqədən sonra bıçaqla çörəyin bişib-bişmədiyini yoxlayın (bıçaqda iz qalmırsa, bişib). Təzəliyini qorumaq üçün soyuducuda hava keçirməyən qabda saxlayın. İstəsəniz resepti ikiqat artırıb daha sonra yemək üçün dondura bilərsiniz.

- Bütün yemək reseptlərimiz -