სენდვიჩი ავოკადოთი და თეთრი ლობიოთი

თეთრი ლობიო სადილისა და ვახშმისთვის ნოყიერი და საკვები ნივთიერებებით მდიდარი არჩევანია. შეგიძლიათ დაკონსერვებული მუხუდოთი ან შავი ლობიოთიც სცადოთ. ეს ვეგეტარიანული სენდვიჩი ბოჭკოს ძალიან მდიდარი წყაროცაა: ავოკადოს, ლობიოს, მწვანილისა და მთლიანი ხორბლის პურის კომბინაცია 15 გრამი ბოჭკოთი ადამიანის დღიური საჭიროების ნახევარს უზრუნველყოფს.

ინგრედიენტები

• 2 საშუალო ზომის ავოკადო
• 425 gr თეთრი ლობიო
• 2 სუფრის კოვზი ლიმონის წვენი
• 1 სუფრის კოვზი ექსტრა ვირჯინ ზეითუნის ზეთი
• 1 კბილი გახეხილი ნიორი
• 1 ჩაის კოვზი ახალი ბეგქონდარა
• 1 ჩაის კოვზი შავი პილპილი
• 8 ნაჭერი ქატოიანი პური
• 1 ჭიქა დაჭრილი წითელი წიწაკა 
• 8 თხელი ნაჭერი ქაშარის ყველი
• 4 ჭიქა ხუჭუჭა სალათის ფოთოლი

მომზადება

საშუალო ჯამში ავოკადო, ლობიო, ლიმონის წვენი, ზეთი, ნიორი, ბეგქონდარა და შავი პილპილი სასურველ კონსისტენციამდე აურიეთ. თანაბრად გაანაწილეთ პურის 4 ნაჭერს შორის (თითოეულზე ½ ჭიქა). ყოველ სენდვიჩს დაუმატეთ ¼ ჭიქა დაჭრილი წითელი წიწაკა, 2 ნაჭერი ქაშარის ყველი, 1 ჭიქა სალათის ფოთოლი და დარჩენილი პურის ნაჭრები დააფარეთ.

1 ულუფის (1 სენდვიჩის) კვებითი ინფორმაცია

• 567 კალორია
• 30 gr ცხიმი (9 gr ნაჯერი)
• 55 gr ნახშირწყალი
• 22 გრამი ცილა
• 15 გრამი ბოჭკო 

დაკავშირებული თემა:

- ავოკადოს სარგებელი, გავლენა ჯანმრთელობაზე და ავოკადოს სალათის რეცეპტი