შვრიის გრანოლას ბატონი: ჯანსაღი შუალედური კვება — წასახემსებელი
კითხვის ხელსაწყოები
წყაროები
ნებისმიერ დროსა და ადგილას თან სატარებელი, დიდხანს შესანახი და მხოლოდ 5 ინგრედიენტის გრანოლას ბატონები მკვებავიცაა, ჯანსაღიც და დაბალკალორიულიც. ჯანსაღი კვების მხარდამჭერი რეცეპტი 10 წუთში მზადდება; შეგიძლიათ მშვიდად მიირთვათ წახემსებისას, ჩაის დროს, ვარჯიშამდე ან შემდეგ, ხანგრძლივი მუშაობისა და მოგზაურობისას.
ინგრედიენტები 12 ბატონისთვის
- 5 სუფრის კოვზი არაქისის კარაქი
- 1 სუფრის კოვზი თაფლი
- 1 ჭიქა შვრიის ფანტელი
- 1 ჭიქა შერეული თხილეული (უმჯობესია გაფცქვნილი, უმარილო და უმი), ჩირი (გასუფთავებული, უკურკო)
- 1 სუფრის კოვზი ქოქოსი
საშუალო თასში არაქისის კარაქი და თაფლი აურიეთ. დაუმატეთ შვრია, თხილეული, ჩირი და ქოქოსი და კარგად აურიეთ.
მინის საცხობ ფორმაში სასურველ სისქეზე გაანაწილეთ (არც ძალიან თხელი, არც სქელი), ხელით მტკიცედ დააწექით და ინგრედიენტები შეკუმშეთ. მაცივარში სულ მცირე 2-3 საათი გააჩერეთ, დაჭერით და მიირთვით.
სავარაუდო კვებითი ღირებულება 1 ულუფისთვის (1 ბატონი):
- კალორია ............. 170
- კალორია ცხიმიდან ............. 90
- ცხიმი ............. 9gr
- გაჯერებული ცხიმი ............. 2,5 gr
- ტრანსცხიმოვანი მჟავა ............. 0 gr
- პოლიუჯერი ცხიმი ............. 3 gr
- მონოუჯერი ცხიმი ............. 4,5 gr
- ქოლესტერინი ............. 0 mg
- ნატრიუმი ............. 50 mg
- ნახშირწყალი ............. 17 gr
- ბოჭკო ............. 3 gr
- შაქარი ............. 8 gr
- ცილა ............. 5 gr
- რა არის ჯანსაღი კვება?
წყაროები
New Healthy Eating Cookbook, The American Cancer Society, 2016.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.