İdman etməyin özü də beyin məşqinin bir növüdür – yalnız 30 dəqiqə kifayətdir!

Yalnız 30 dəqiqəlik məşqin bədən sağlamlığı ilə yanaşı beynin quruluşunu və idrak funksiyalarını müsbət dəyişdirdiyini bilirdinizmi?

Öyrənmə qabiliyyəti, yaddaşın inkişafı və motor bacarıqlarının koordinasiyası üçün beynin elastikliyi (brain plasticity) çox mühümdür. Buna “beynin özünü yenidən qurma xüsusiyyəti” də deyilir. Klassik biliklərimizə görə beyin hüceyrələri çoxalmır, lakin zamanla mənfi və ya müsbət həyat tərzi amillərinə görə sinir hüceyrələri aralarında daha çox, güclü və ya müsbət əlaqələr quracaq şəkildə özünü yenidən təşkil edə bilər; beyin plastikliyi budur.

Son tədqiqatlara görə intensiv məşqlə beynin quruluşunu müsbət dəyişmək mümkündür. 30 dəqiqəlik intensiv aerob məşq və ya velosiped sürmə kimi idman fəaliyyətlərinin faydaları:

• Beynin elastikliyini artırır,
• Öyrənmə qabiliyyətini inkişaf etdirir,
• Yaddaşı gücləndirir,
• Motor bacarıqlarını inkişaf etdirir,
• Sinir hüceyrələri ilə beynin digər bölgələri arasındakı əlaqələri gücləndirir,
• Beynin quruluşu və fəaliyyəti inkişaf edir,
• Beynin zədələnmiş hissələrini yaxşılaşdırır,
• İflic (insult) riskini azaldır,
• Stres və narahatlığı azaldır,
• Xoşbəxtlik hormonlarını artırır,
• Maddələr mübadiləsini sürətləndirir,
• Bədəndəki artıq yağların yandırılmasını təmin edir.

Nəticədə bu tədqiqatlar artıq çəkidən qurtulmağa çalışarkən çətinliklə edilən idmanın yalnız fiziki deyil, zehni bacarıqlar və beyin funksiyaları üçün də faydasını göstərir. İnsanın bütöv şəkildə zehni və fiziki sağlam olması çoxlarının düşündüyü qədər çətin deyil. Həftədə 3 və ya 4 gün yalnız 30 dəqiqə ayıraraq bədəninizə və ruhunuza ən gözəl yatırımlardan birini edə bilərsiniz.

Aerob məşq: Bu məşq növü əzələlərin uzun müddət orta səviyyədə yüklənməsindən başlayan və yüksək ürək döyüntüsünün saxlandığı məşqləri ifadə edir. Son vaxtlar tez-tez kardio da adlandırılır. Belə məşqlərdə enerji yağların və qlükozanın oksigenlə yandırılmasından təmin olunur.