Süd vəzi xərçəngi müalicəsindən sonra cinsi həyat - çətinliklər və tövsiyələr

Klinik tədqiqatlar süd vəzi xərçəngi olan qadınların müalicə zamanı və sonrasında müxtəlif cinsi problemlərlə qarşılaşdıqlarını ortaya qoymuşdur. Süd vəzi xərçənginincütlüklərin cinsi həyatına bəzən demək olar travmatik şəkildə mənfi təsir edə bildiyi müşahidə edilmişdir. Kifayət qədər məlumat, məlumatlılıq və düzgün dəstəklə bu prosesdəki çətinlikləri azaltmaq mümkündür.

Süd vəzi xərçənginin müalicəsi cinsi həyata necə təsir edir?

Xərçəng və müalicə prosesi cinsi funksiyalara fiziki təsir göstərə bilər. Sağlam cinsi həyat üçün lazım olan istək, oyanma, orqazm kimi psixoloji və fiziki özünəinam kimi mövzularda çətinliklər yaşana bilər. Bunlara səbəb olan kimyaterapiya kimi xərçəng müalicələrinin yan təsirləri, tamoksifen, süd vəzi əməliyyatı və menopauza kimi amillərlə birbaşa əlaqəli olduğunu demək olar.

Müxtəlif tədqiqatlar xərçəng xəstələrində psixiatrik problemlərin yayğınlığını göstərir. Depressiya, narahatlıq və digər psixiatrik pozuntular süd vəzi xərçəngi xəstələrində daha çox görülə bilər. Depressiya ilə cinsi funksiya pozuntuları arasında mühüm əlaqə vardır. Həmçinin psixiatrik dəstək məqsədli antidepressant müalicələr istəyə, oyanmaya və orqazma mənfi təsir edərək cinsi funksiya pozuntularına yol aça bilər. Bu yan təsirlər antidepressant istifadəçilərinin % 20-40-ında bildirilir. Cinsi problemlər ömür uzunluğu ilə əlaqəli deyil, lakin müalicəyə uyğunlaşmanı zəiflədə və həyat keyfiyyətini azalda bilər. Həqiqətən də, çoxlu psixiatrik dərmanın normal cinsi cavabın üç mərhələsindən birinə və ya bir neçəsinə təsir etdiyini göstərən ardıcıl sübutlar vardır: istək, oyanma və orqazm.

Süd vəzi xərçənginin müalicəsi zamanı və sonrasında fiziki baxımdan daha yaxşı hiss etmək üçün nə etməli?

Süd vəzi xərçəngi müalicəsi alan qadınlar streslə yanaşı fiziki dəyişikliklərlə bağlı da bəzi çətinliklər yaşayırlar. Bəzi dəyişikliklər qısamüddətli ola bilər; məsələn, saç tökülməsi. Lakin hətta bu qısamüddətli dəyişikliklər də qadının özünü necə hiss etməsinə mühüm təsir edə bilər. Parik, papaq, yaylıq və digər aksesuarlar daxil olmaqla saç tökülməsinin öhdəsindən gəlməyə kömək edəcək müxtəlif seçimlər mövcuddur. Digər tərəfdən, bəzi qadınlar süd vəzi xərçəngi barədə məlumatlılığı və özləri ilə barışıq olmağı seçərək bu müvəqqəti saç itkisini örtmürlər.

Marağınızı çəkə bilər:

• Kimyaterapiya və xərçəng müalicələrinə bağlı saç tökülməsi üçün 12 tövsiyə

Əməliyyatdan sonra bir və ya hər iki süd vəzinin bir hissəsinin və ya hamısının itirilməsi kimi dəyişikliklər daha qalıcı təsirlər yaradır. Bəzi qadınlar süd vəzi protezi (silikon) etdirməyi seçə bilər.

Süd vəzi xərçəngindən sonra cinsəllik və tövsiyələr

Süd vəzi xərçəngindən sonra cinsəlliklə bağlı narahatlıqların olması olduqca təbiidir. Fiziki narahatlıqlar, süd vəzisində həddindən artıq həssaslıq və ya hissiyyatsızlıq kimi hallar yaşana bilər. Kimyaterapiya kimi müalicələr hormon səviyyəsini dəyişdirə bildiyinə görə cinsi marağınıza və ya cavabınıza təsir edə bilər. Bu prosesdə yaranan münasibət problemləri də çox mühümdür. Müalicədən sonra qadınların həyat yoldaşları, xüsusilə əməliyyatdan sonra sevgisini göstərməklə bağlı narahat ola bilər. Lakin süd vəzi xərçəngi cütlüklər üçün əlaqələri gücləndirən təcrübə də ola bilər. Bununla bağlı mütəxəssis dəstəyi almaq uyğun olar.

• İndi süd vəzi xərçəngi diaqnozundan əvvəlki vəziyyətlə müalicədən sonrakını müqayisə etməyin. Süd vəzi xərçənginə bağlı dəyişikliklərə uyğunlaşmaq vaxt ala bilər. Səbirli olun.
• Vaginal nəmləndiricilərdən müntəzəm istifadə vaginal quruluğu yüngülləşdirir və ağrının qarşısını almağa kömək edir.
• Bədəninizdəki dəyişiklikləri özünüz kəşf etməyiniz faydalı ola bilər.
• Çanaq dibi məşqləri cinsi bölgədə qan dövranını artırır, cinsi hissləri gücləndirir və bu əzələlərin rahatlamasına kömək edir.
• Xoşunuza gələn mühit yaratmaq rahatlamağınıza və özünəinamınızı artırmağa kömək edə bilər. İşıqlandırma, musiqi və ya aromaterapiya yağları, rahat mühit yaxşı təsir göstərə bilər.
• Bəzi qadınlar çılpaq rahat hiss etməyə bilər və gecə köynəyi geyinməyi seçə bilər. Bəzən içlikli büstqalter geyinmək daha yaxşı hiss etdirə bilər. Qısası, sizi daha rahat və inamlı hiss etdirən şeyləri etmək mühümdür.

Kömək və dəstək almalısınızmı?

Süd vəzi xərçəngi xəstələrinin cinsi və psixoloji problemləri ilə bağlı tədqiqatlar aparılmışdır və müalicədən sonrakı cinsəllik və onun müalicəsi üçün biopsixososial istiqamətləndirməyə ehtiyacın artdığını demək olar.

Yaşadığınız dəyişikliklər nə olursa olsun, onların öhdəsindən gəlməyə kömək edəcək həkimlər, psixoloqlar və digər səhiyyə komandalarının olduğunu unutmayın. Narahatlıqlarınız barədə həkiminiz və ya səhiyyə komandanızın digər üzvləri ilə danışmaq adətən yaxşı başlanğıcdır. Sosial təcrid hiss etməmək üçün müvafiq icmalara qoşula bilərsiniz.

Gənc qadınlar cinsəllik və ya reproduktivlik məsələlərindən daha çox mənfi təsirlənə bilər. Süd vəzi xərçəngi diaqnozundan bəri problem yaşayırsınızsa, bu barədə məsləhətçi və ya dəstək qrupu axtarın.

Başqa bir sual isə süd vəzi xərçəngi olan qadınların hamilə qala bilib-bilməməsidir. Gəncsinizsə, əvvəllər heç uşağınız olmayıbsa və ya uşaq sahibi olmağı çox istəyirsinizsə, müalicədən ən azı 2 il keçdikdən sonra vəziyyəti onkoloqunuzla birlikdə qiymətləndirməlisiniz.

Nəticə etibarilə

Süd vəzi xərçəngi fiziki funksiya dəyişiklikləri və qadınlıq qavrayışı daxil olmaqla cinsəlliyin bir çox tərəfinə təsir edir. Süd vəzi xərçənginin yaratdığı cinsi funksiya pozuntuları çoxsahəli komanda ilə sistemli yanaşma daxilində diaqnoz edilməli və proses idarə olunmalıdır. Səhiyyə mütəxəssisləri tibbi və cərrahi müalicənin süd vəzi xərçəngi xəstələrinin cinsəlliyinə təsirlərini də qiymətləndirməlidir. Tibbi müalicələr süd vəzi xərçəngi olan qadınların sağ qalması və ömrünün uzadılmasında ciddi irəliləyişlər əldə etsə də, cinsi funksiyaların yaxşılaşdırılması üçün daha çox addım atılmalıdır.

Marağınızı çəkə bilər:

• Xərçəngli qadın üçün ən gözəl hədiyyə fikirləri