Yuxusuzluq və Alzheimer xəstəliyi əlaqəsi
İyul 2017-də Neurology adlı elmi jurnalda dərc edilmiş tədqiqata görə yetərsiz yuxu Alzheimer xəstəliyi riskini artırır. Tədqiqatçılar yuxu pozuntusunun beyin-onurğa beyni mayesində amiloid və tau adlandırılan və Alzheimerlə əlaqələndirilən zülalların toplanmasına səbəb olduğunu düşünürlər.
Tədqiqata görə yuxu problemi orta yaşın sonlarında Alzheimer xəstəliyi riskini artırır. ABŞ-ın Viskonsin ştatında orta yaşı 62.9 olan, %65.3-ü qadın olmaqla cəmi 101 şəxsdə əvvəlcə yuxu keyfiyyəti və rejimi araşdırılmışdır. Yuxu keyfiyyəti nəticələri tibbi yuxu şkalasına görə qiymətləndirilmişdir. Amiloid mübadiləsi, neyron degenerasiyası, neyrofilament işığı nevroloji göstəriciləri, sinaptik funksiya pozuntusu və neyroqranin qiymətləndirmələri aparılmışdır. Yuxu nəticələri bioloji göstəricilər nəzərə alınaraq yaş, cinsiyyət və yuxu vəziyyəti ölçüləri ilə müxtəlif baxımlardan qiymətləndirilmişdir.
Nəticədə pis yuxu keyfiyyəti, müxtəlif yuxu problemləri və gündüz davamlı mürgüləmə halı idrak funksiyalarının zədələnməsi və Alzheimer riskinin artması ilə əlaqələndirilmişdir. Digər tərəfdən, yuxu probleminin mövcud Alzheimer xəstəliyini irəlilədib-irəlilətməməsi və ya xəstəliyin yuxu keyfiyyətinə mənfi təsiri barədə hələ kifayət qədər məlumat əldə edilməmişdir. Sağlam yuxu rejimi üçün erkən yaşlarda görülə biləcək tədbirlər vardır. Yuxu probleminiz varsa, nevrologiya və ya psixiatriya mütəxəssisinə müraciət etməyiniz faydalıdır.
Marağınızı çəkə bilər:
Mənbələr
Poor sleep is associated with CSF biomarkers of amyloid pathology in cognitively normal adults.
July 5, 2017, Neurology
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.
Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.