ჯანსაღი და კიბოს გარეშე ცხოვრება ერთ ქმედებაზე მეტს მოითხოვს

არსებობს ძლიერი მტკიცებულება, რომ ცხოვრების წესის მარტივი ცვლილებები კიბოს რისკს მნიშვნელოვნად ამცირებს. 353.150 ადამიანზე 5-წლიანი ახალი კვლევით:

• თამბაქოსა და მისი პროდუქტების არგამოყენების,
• ჯანსაღი სხეულის მასის ინდექსის,
• ალკოჰოლის მცირე მიღების ან არმიღების,
• ფიზიკური აქტივობისა და
• ჯანსაღი კვების შემნარჩუნებელ ადამიანებში კიბოს რისკი მნიშვნელოვნად შემცირდა.

კვლევა აჩვენებს, რომ ჯანსაღი ცხოვრება მხოლოდ მოწევის არქონა ან მხოლოდ ვარჯიში კი არა, ყველა ჩამოთვლილი მარტივი რჩევის ერთობლიობაა.

ამ 5 ჩვევიდან მხოლოდ ერთის ან არცერთის მიმდევრებთან შედარებით ყველა ჯანსაღი ქცევის მქონეებში რისკი დაახლოებით <b<ერთი მესამედით შემცირდა.

ეს ჯანსაღი ცხოვრების სარგებლის პირველი კვლევა არ არის, მაგრამ პირველი ასეთი დიდი ჯგუფითა და მრავალი ჩვევის ერთობლივი გავლენის შეფასებითაა.

შეიძლება ითქვას, რომ ჯანსაღი ცხოვრება ყველა წამალზე უკეთესია და გვერდითი ეფექტი საერთოდ არ აქვს

თითოეული ჩვევა რისკს ამცირებს, თუმცა ყველას ერთად ყურადღებით დაცვას უფრო დიდი გავლენა აქვს.

ჯანსაღი ქცევის კიბოს შემთხვევებზე გავლენის სხვა კვლევებიც განვიხილოთ:

• ASCO-ს პრევენციის კომიტეტმა 2012 წლის განცხადებაში ახალი კიბოების % 5.5-ისა და მსოფლიო ონკოლოგიური სიკვდილის % 5.8-ის მიზეზად ალკოჰოლი დაასახელა. ის პირის ღრუს, ხახის, ხორხის, საყლაპავის, ღვიძლის, ძუძუსა და კოლონის კიბოს უკავშირდება.

• ანალოგიურად, ჭარბი წონისა და სიმსუქნის მთელ რიგ რისკებთან კავშირის მტკიცებულება ძლიერია. საშვილოსნოს ენდომეტრიუმის რისკს 2-დან 4-ჯერ, საყლაპავისას ორჯერ, ღვიძლის, თირკმლის, პანკრეასისა და კოლონისას ორჯერამდე ზრდის; პოსტმენოპაუზური ძუძუს კიბოს ალბათობას კი % 20-დან % 40-მდე ზრდის.
• გავიცნოთ კიბოს, დიაბეტისა და გულ-სისხლძარღვთა დაავადებების მეგობარი — სიმსუქნე
• ჯანსაღი კვებისა და კიბოს კავშირი დიდი ხანია ცნობილია. 1992 – 2000 წლების კვლევაში ხილ-ბოსტნეულის უხვი მიღება ფილტვის, კოლონის, ძუძუს, საშვილოსნოს ყელის, საყლაპავის, პირის, კუჭის, შარდის ბუშტის, პანკრეასისა და საკვერცხის კიბოს ნაკლებ რისკს დაუკავშირდა. მცირე მიღებისას რისკი დაახლოებით ორჯერ მეტი იყო.
• აშშ-სა და ევროპაში 1.44 მილიონი მონაწილის 2016 წლის ფართო ანალიზით, 12 პროსპექტული კოჰორტის მეტაანალიზით, აქტივობა 14 სხვადასხვა კიბოს რისკს ამცირებდა.
• ვარჯიში და მისი მიერ შემცირებული 14 კიბოს რისკი

მცდარია იმის თქმა, რომ მხოლოდ ჯანსაღი ცხოვრება ყველას კიბოს ააცილებს. მემკვიდრეობითი ფაქტორები და შემთხვევითი, ხშირად ასაკთან დაკავშირებული მუტაციები სხვა მიზეზებიცაა. ასევე განსხვავდება თითოეულის დნმ-ის აღდგენის მექანიზმების შესაძლებლობა და იმუნური სისტემის მიერ კიბოს კონტროლი . ამიტომ ზოგი ჯანსაღად მცხოვრებიც ავადდება, მაგრამ ბევრის რისკი მნიშვნელოვნად მცირდება. დასაწყისში ნახსენები 5 ჩვევა ასევე კიბოს განვითარების შემდეგაც სიცოცხლის ხანგრძლივობისა და ხარისხის ზრდის უმნიშვნელოვანესი ფაქტორია.

რისკის შემცირების გარდა, ცხოვრების ხარისხში წვლილის შეტანაც ერთიანი ჯანსაღი წესითაა შესაძლებელი. ცხოვრებისთვის წლების დამატების მსგავსად, წლებისთვის სიცოცხლის დამატებაც მნიშვნელოვანია.