ჯანსაღი კერძის რეცეპტი: ყვავილოვანი კომბოსტოს სუპი

ინგრედიენტები:

• 2 სუფრის კოვზი ზეითუნის ზეთი
• 2 გახეხილი სტაფილო
• 2 ნიახურის ღერო
• 1 ხახვი
• 3 კბილი წვრილად დაჭრილი ნიორი
• 2 ჩაის კოვზი ჯანჯაფილი
• ½ ჩაის კოვზი კურკუმა
• 1 საშუალო ზომის ყვავილოვანი კომბოსტო (პატარა ნაწილებად დაყოფილი)
• 1 შუაზე გაყოფილი კარტოფილი

მომზადება:

ქვაბში 2 სუფრის კოვზ ზეითუნის ზეთს ვაცხელებთ. დაჭრილ ხახვს მითითებული რაოდენობის სტაფილოს, ნიახურის ღეროს, ნივრის, ჯანჯაფილისა და კურკუმის დამატებით ვშუშავთ, სანამ ხახვი მოვარდისფრო გახდება. შემდეგ ვამატებთ პატარა ნაწილებად დაყოფილ ყვავილოვან კომბოსტოსა და კარტოფილს. დაბალ ცეცხლზე ვტოვებთ მოსახარშად. დაახლოებით 20-25 წუთი ვხარშავთ ბოსტნეულის დარბილებამდე. მზა სუპს ბლენდერით დავამუშავებთ და შეგვიძლია მივირთვათ…

გემრიელად მიირთვით.

ყვავილოვანი კომბოსტო

ყვავილოვანი კომბოსტო, რომლის ისტორია 2000 წლის წინ იწყება, ხმელთაშუაზღვის რეგიონის ჩრდილო-აღმოსავლეთში მზარდი ბოსტნეულია. მიეკუთვნება „Brassica oleracea“-ს ოჯახს. იგი ერთმანეთთან მჭიდროდ განლაგებული კრემისფერი კვირტების ჯგუფებისგან შედგება. კვირტების ჯგუფებს მწვანე ფოთლები აკრავს. ყვავილოვანი კომბოსტოს კრემისფერ კვირტებში მცენარისთვის მუქი მწვანე ფერის მიმნიჭებელი ქლოროფილებია.

ყვავილოვანი კომბოსტოს არჩევისას;

• ყურადღება მიაქციეთ, რომ კვირტები კრემისფერი იყოს,
• კვირტების ჯგუფები ერთმანეთისგან დაშორებული არ უნდა იყოს,
• ლაქიანი ან ფერმკრთალი არ უნდა აირჩიოთ,
• მნიშვნელოვანია, გარშემო ფოთლები ახალი იყოს,
• ყვავილოვანი კომბოსტო მაცივარში შესაფერის ჭურჭელში მოუხარშავად 1 კვირამდე ინახება,
• C ვიტამინის, B ვიტამინისა და კაროტინოიდების დაკარგვის თავიდან ასაცილებლად შენახვის პირობებს, მაგალითად ტემპერატურასა და ჰაერთან კონტაქტს, განსაკუთრებული ყურადღება უნდა მიექცეს.

ყვავილოვანი კომბოსტოს შემადგენლობა:

ყვავილოვანი კომბოსტო შეიცავს;

• ძალიან დიდი რაოდენობით C ვიტამინს (54,93mg), K ვიტამინს (17,11mcq), ფოლიუმის მჟავას (54,56 mcq), B5 ვიტამინს (0,63 mg) და B6 ვიტამინს (0,21 mg).
• დიდი რაოდენობით ქოლინს (48,48 mg), ბოჭკოს (2,68 g), ომეგა-3-ს (0,21 g), მანგანუმს (0,16 mg), ფოსფორს (39,68 mg) და ბიოტინს (1,61 mcq).
• საშუალო და მცირე რაოდენობით B1 ვიტამინს (0,05 mg), B2 ვიტამინს (0,06 mg), B3 ვიტამინს (0,51 mg), კალიუმს (176,08 mg), ცილას ( 2,28 mg ) და მაგნიუმს (11,16 mg).

ყვავილოვანი კომბოსტოს მომზადება;

კვლევების შედეგებმა აჩვენა, რომ ყვავილოვან კომბოსტოში ფიტოქიმიკატებად წოდებული გლუკოზინოლატებისა და ფლავონოიდების დაკარგვის თავიდან ასაცილებლად ის მაქსიმუმ 10-15 წუთი უნდა მომზადდეს. ამასთან, დამახასიათებელი სუნის მიმნიჭებელი გოგირდოვანი ნაერთები ხარშვის დროის მატებასთან ერთად გამოიყოფა.

ყვავილოვანი კომბოსტო და მისი სარგებელი:

• ყვავილოვანი კომბოსტო მის დამახასიათებელ სუნზე პასუხისმგებელ გლუკოზინოლატს შეიცავს. გლუკოზინოლატები ჩვენს ორგანიზმში გულ-სისხლძარღვთა სისტემის რეგულარულ მუშაობასა და იმუნური სისტემის გაძლიერებას უზრუნველყოფს. ასევე ტოქსინების გამოდევნით ანტიმიკრობულ ეფექტს ავლენს.
• კიბოს კვლევის მსოფლიო ფონდი, ყვავილოვან კომბოსტოში არსებული ინდოლ-3-კარბინოლისა და გლუკოზინოლატების მეტაბოლიტები (დაშლის პროდუქტები), იზოთიოციანატები კიბოს წარმოქმნისას DNA-ის დაზიანებას აფერხებს.
• შემადგენლობაში არსებული გოგირდოვანი ნაერთების წყალობით გულ-სისხლძარღვთა სისტემის დამცავ ეფექტს ავლენს.
• შეიცავს ინდოლ-3-კარბინოლს, რომელიც ორგანიზმში ქიმიური პროცესებით წარმოქმნილ ანთებებს აკონტროლებს.
• დიდი რაოდენობით C ვიტამინის (დღიური საჭიროების %77-ს აკმაყოფილებს) და K ვიტამინის წყაროა.
• ქოლინის (ცხიმოვანი მჟავის) წყალობით ტვინის განვითარებაში წვლილი შეაქვს.
• მასში არსებული „სულფორაფანი“ კუჭის ზედაპირს ფარავს, დამცავ შრეს ქმნის და Helcobecter pylori სახელწოდების ბაქტერიის წარმოქმნას აფერხებს. მრავალი კვლევის მიხედვით, სულფორაფანის შემცველი ბოსტნეულის მოხმარების რეგულარული ზრდისას ფილტვის, ძუძუს, პროსტატის, მსხვილი ნაწლავის კიბოებისა და არაჰოჯკინის ლიმფომის შემცირება დაფიქსირდა. ასევე სტრეპტოზოცინით (იწვევს როგორც ინსულინდამოკიდებულ, ისე არადამოკიდებულ დიაბეტს) დიაბეტგამოწვეულ თაგვებზე ჩატარებულ კვლევაში ტიპი-1 დიაბეტის პრევენცია გამოვლინდა.
• ყვავილოვანი კომბოსტო ბეტა-კაროტინების, ბეტა-კრიპტოქსანტინის, კოფეინის მჟავას, დარიჩინის მჟავას, ფერულის მჟავასა და კვერცეტინის მსგავსი ფიტოქიმიკატებით ადამიანის ჯანმრთელობისთვის ანტიოქსიდანტად მოქმედებს. ასევე მასში არსებული C ვიტამინი და მანგანუმი ჩვენს ქსოვილებში ანტიოქსიდანტებად მოქმედებს.

ხმელთაშუაზღვის სამზარეულოს ერთ-ერთი ღირებული შემადგენელი, ყვავილოვანი კომბოსტო, უნდა გვახსოვდეს, რომ მთელი სარგებლის მიუხედავად მხოლოდ საკვებია. იგი არასოდეს უნდა აღიქმებოდეს ან გამოიყენებოდეს წამლად თუ სამედიცინო მკურნალობად. ჩვენი სტატია სამეცნიერო მონაცემებთან ერთად ხმელთაშუაზღვის დიეტის სხვადასხვა შემადგენლის სარგებელს წარმოაჩენს.

ამ სტატიაში ჩვენი მიზანია, რასაც ვჭამთ და ვსვამთ, გემოს, სიამოვნებისა და სამეცნიერო ხედვის გაერთიანებით წარმოგიდგინოთ.