მეტი ბოსტნეული და ხილი ფსიქოლოგიურ გაუმჯობესებას მხოლოდ 2 კვირაშიც იძლევა

ახალი კვლევით ბევრი ხილ-ბოსტნეული არა მხოლოდ ფიზიკურად, არამედ ფსიქოლოგიურადაც სასარგებლოა.

ახალი ზელანდიის Otago-ს ფსიქოლოგიის დეპარტამენტის დოქტორმა Tamlin Conner-მა და გუნდმა 14 დღის განმავლობაში მეტი ხილ-ბოსტნეულის ფსიქოლოგიური გავლენა შეისწავლეს. განსაზღვრული პორციების მიმღებ ზრდასრულებში მოტივაცია და სასიცოცხლო ენერგია გაიზარდა და თავი უფრო ბედნიერად იგრძნეს.

18-დან 25 წლამდე, ჩვეულებრივ ნაკლები ხილ-ბოსტნეულის მიმღები 171 სტუდენტი 2-კვირიან კვლევაში 3 ჯგუფად გაყვეს. პირველმა ჩვეული რაოდენობა მიიღო, მეორემ ხილისა და ბოსტნეულის ორ-ორი პორცია, მაგალითად სტაფილო, ვაშლი, კივი და ფორთოხალი. მესამეს წერილობით და ყოველდღიური გზავნილებით ხშირად ჭამას ახსენებდნენ.

დასაწყისსა და ბოლოს ტესტებით ემოციური განწყობა, მოტივაცია, დეპრესია, შფოთვა და სხვა ფსიქოლოგიური მდგომარეობები აღირიცხა და შეადარეს. ბოლოს დღეში 3-4 პორციის ჯგუფში მნიშვნელოვანი ფსიქოლოგიური გაუმჯობესება გამოვლინდა. კერძოდ, ენერგიისა და მოტივაციის ზრდასა და უკეთ გრძნობაზე მიუთითებდნენ.

კვლევები დღეში სულ მცირე 2 პორცია ხილსა და 3 პორცია ბოსტნეულს ურჩევს

ხილის პორციაა საშუალო ვაშლი, ნახევარი გრეიპფრუტი ან 12-14 ალუბალი. ბოსტნეულის — სტაფილო, საშუალო ღუმელში გამომცხვარი კარტოფილი ან დიდი წითელი წიწაკა.

ჯანსაღ კვებაში მნიშვნელოვანი ხილ-ბოსტნეულის ყოველდღიური სწორი რაოდენობა, ვარაუდით, სიმსუქნის, ტიპი-2 დიაბეტის, გულის დაავადებების , ინსულტისა და ზოგი კიბოს რისკს ამცირებს. განსაკუთრებით საუზმესა და წახემსებაზე სხვადასხვა სახისა და ფერის არჩევას გირჩევთ. შეგიძლიათ ნახოთ ადრე დაწერილი ხილის სალათის და ზეითუნის ზეთით ფარშირებული არტიშოკის რეცეპტები. გრილმა ხილ-ბოსტნეულმა ზაფხულის ცხელ დღეებს ფერი შემატოს, გემრიელად მიირთვით.