Bol tərəvəz və meyvə yalnız 2 həftədə psixoloji yaxşılaşma təmin edə bilər

Yeni tədqiqata görə bol meyvə və tərəvəz istehlakı yalnız fiziki deyil, psixoloji sağlamlığa da fayda verir.

Yeni Zelandiyanın Otago Universitetinin psixologiya şöbəsindən Dr. Tamlin Conner və komandası 14 gün daha çox meyvə-tərəvəz yeməyin psixoloji təsirlərini araşdırdı. Müəyyən porsiyalarda meyvə-tərəvəz yeməsi istənilən yetkinlər qrupunun motivasiyası və həyat enerjisinin artdığı, daha xoşbəxt olduğu müşahidə edildi.

Tədqiqatda 18 ilə 25 yaş arasında, adətən az tərəvəz-meyvə yeyən 171 tələbə 2 həftəlik araşdırma üçün 3 qrupa bölündü. Birinci qrup həmişəki qədər meyvə-tərəvəz yedi. İkinci qrup hərəsindən ikişər porsiya yedi. Bunlara kök, alma, kivi və portağal daxil idi. Digər qrupa isə yazılı və gündəlik mesajlarla tez-tez meyvə-tərəvəz yemək xatırladıldı.

Başlanğıcda və sonda qiymətləndirmə testi ilə qrupların emosional əhvalı, motivasiyası, depressiya, narahatlıq və digər psixoloji vəziyyətləri qeydə alınıb əvvəl və sonra müqayisə edildi. Sonda gündəlik 3-4 porsiya meyvə-tərəvəz yeyən qrupda əhəmiyyətli psixoloji inkişaf ortaya çıxdı. Xüsusilə bu qrupdakılar həyat enerjisi və motivasiyasının artdığını, daha yaxşı hiss etdiklərini bildirdilər.

Tədqiqatlar gündə ən azı 2 porsiya meyvə və 3 porsiya tərəvəz tövsiyə edir

Bir porsiya meyvə kimi orta alma, yarım qreypfrut və ya 12-14 albalı yeyilə bilər. Bir porsiya tərəvəz isə bir kök, orta kartof (sobada bişmiş) və ya iri qırmızı bibər sayıla bilər.

Sağlam qidalanmada çox mühüm meyvə-tərəvəzləri hər gün düzgün miqdarda istehlak etməyin piylənmə, tip-2 diabet, ürək xəstəlikləri , iflic və bəzi xərçənglərin riskini azaltmağa kömək edə biləcəyi düşünülür. Xüsusilə səhər yeməyi və ara yeməklərdə seçə biləcəyiniz meyvə-tərəvəzlərin mümkün qədər müxtəlif növ və rəngdə olmasını tövsiyə edirik. Alternativ kimi əvvəl yazdığımız meyvə salatı və zeytun yağlı ənginar dolması reseptlərinə baxa bilərsiniz. Sərin meyvə-tərəvəzlər isti yay günlərinizə rəng qatsın, nuş olsun.