ფაქტია თუ ქალაქური ლეგენდა? რა უნდა იცოდეთ მოწევის შეწყვეტის შესახებ

თამბაქოს მოხმარება მსოფლიოში თავიდან აცილებადი სიკვდილის მიზეზებს შორის პირველ ადგილზეა; კიბოს, გულ-სისხლძარღვთა დაავადებებისა და ფილტვის ქრონიკული ობსტრუქციული დაავადების მთავარი მიზეზია და ტიპი-2 დიაბეტის მნიშვნელოვანი მიზეზიცაა. მხოლოდ 2018 წელს მოწევის გამო 2.1 მილიონი კიბოს მქონე პაციენტი გარდაიცვალა... მწეველთა თითქმის 70 პროცენტი შეწყვეტის სურვილს აღნიშნავს, მაგრამ ეს შეიძლება რთული იყოს და ხშირად რამდენიმე მცდელობა სჭირდება. არსებობს სხვადასხვა დამტკიცებული წამალი, რომელიც წარმატებით შეწყვეტას ეხმარება. თუმცა ამ საკითხზე მრავალი ქალაქური ლეგენდა / გამოგონილი განცხადება / მითი არსებობს. ამიტომ გვინდოდა მოწევის შეწყვეტის მითებისა და მათ უკან არსებული ფაქტების გაზიარება.

მოწევის შეწყვეტის საუკეთესო გზა უეცრად მიტოვებაა!

არასწორია

მოწევის შესაწყვეტად ერთი „სწორი გზა“ არ არსებობს, თუმცა მრავალი მწეველი უეცრად შეწყვეტას ცდილობს და ვერ აღწევს წარმატებას. კარგი ამბავია, რომ რამდენიმე დამტკიცებული მეთოდი არსებობს. ნიკოტინჩანაცვლებითი პროდუქტები და რეცეპტული წამლები შეწყვეტისას მოხსნის ნიშნებისა და ნიკოტინის სურვილის შემცირებას შეიძლება დაეხმაროს. კვლევები აჩვენებს, რომ წამლების გამოყენებამ წარმატების შანსი შეიძლება გააორმაგოს, ხოლო ქცევითმა მხარდაჭერამ (მაგალითად კონსულტაციამ) გაზარდოს. სხვადასხვა კვლევით წამლისა და ქცევითი მხარდაჭერის ერთად გამოყენება ცალ-ცალკე თითოეულზე ეფექტიანია.

მოწევის შესაწყვეტი ყველა წამალი ერთნაირია.

არასწორია. არსებობს საერთაშორისო დამტკიცების მქონე 3 ტიპის წამალი: ნიკოტინჩანაცვლებითი მკურნალობები, ბუპროპიონი (Zyban) და ვარენიკლინი (Champix). ნიკოტინჩანაცვლებითი წამლები ხუთი ფორმითაა: ინჰალატორი, ცხვირის სპრეი, პლასტირი/ზოლი, საღეჭი რეზინი ან საწუწნი ტაბლეტი. განსხვავდება სხეულზე მოქმედებით, გამოყენების გზითა და ხანგრძლივობით. ზოგი ურეცეპტოდაა, ზოგს ექიმის რეცეპტი სჭირდება. თქვენთვის ყველაზე შესაფერისი არჩევანისთვის ექიმს გაესაუბრეთ.

ელექტრონული სიგარეტები მოწევის შეწყვეტაში დასახმარებლად დამტკიცებული მეთოდი არ არის.

სწორია

ელექტრონული სიგარეტებიმოწევის შეწყვეტაში დამხმარედ დამტკიცებულიარარის და მომხმარებლებს წვადი სიგარეტის კვამლში არსებული იგივე ტოქსიკური/მავნე ქიმიკატების ნაწილის ზემოქმედებას შეიძლება უქმნიდეს. არსებობს შეწყვეტის დამტკიცებული, უსაფრთხო და ეფექტიანი მეთოდები. დასაწყებად ერთ-ერთი გზაა ექიმთან საუბარი თქვენთვის საუკეთესო არჩევანზე. დამატებითი ინფორმაციის, უფასო რჩევებისა და ხელსაწყოებისთვის მოწევის შეწყვეტის ხაზს 171-საც შეგიძლიათ დაურეკოთ.

ნიკოტინი თამბაქოს პროდუქტების უმრავლესობაში კიბოს მთავარი მიზეზი არ არის.

სწორია

ნიკოტინი სიგარეტსა და თამბაქოს სხვა პროდუქტებში, მათ შორის ელექტრონული სიგარეტების უმრავლესობაში, ძირითადი დამოკიდებულების ნივთიერებაა. ნიკოტინი თამბაქოს ბუნებრივი დამოკიდებულების გამომწვევი ქიმიკატია, რომელიც ადამიანებს მოწევას აგრძელებინებს. თუმცა სხეულზე მისი მრავალი ტოქსიკური/მავნე ეფექტის მიუხედავად, ის კიბოსა და მოწევასთან დაკავშირებული სხვა ქრონიკული დაავადებების მთავარი მიზეზი არ არის. კვამლში 7.000-ზე მეტი ქიმიური ნივთიერებაა და მათ 70-ზე მეტი კიბოს გამოწვევა შეუძლია. სიგარეტის ქიმიური კანცეროგენების მაგალითებია თამბაქოს სპეციფიკური ნიტროზამინები, ბენზო-a-პირენი, ბენზოლი და დარიშხანი.

ერთდროულად ერთზე მეტი ნიკოტინჩანაცვლებითი პროდუქტის გამოყენება საშიშია.

არასწორია

მიუხედავად იმისა, რომ თითოეული ნიკოტინჩანაცვლებითი პროდუქტი ინდივიდუალურ თერაპიად (ერთი წამლით) მიიჩნევა, შეწყვეტისას ორი განსხვავებული პროდუქტის ერთად გამოყენება შეიძლება. მაგალითად ზოგი მწეველი მოხსნის ნიშნების ზოგადი შემსუბუქებისთვის პლასტირს იყენებს, შემდეგ კი მოწევის უეცარი მოთხოვნილებისთვის ნიკოტინის საღეჭ რეზინს ან ინჰალატორს. საუკეთესო ვარიანტის პოვნას რამდენიმე მცდელობა შეიძლება დასჭირდეს.

კვლევებით ნიკოტინჩანაცვლებითი მკურნალობა თითქმის ყველა ზრდასრულისთვის უსაფრთხო და ეფექტიანია, მაგრამ ზოგმა ადამიანმა ისარუნდა გამოიყენოს. ორსულები, მოზარდები და გულის დაავადების ან კუჭის წყლულის მსგავსი მძიმე პრობლემების მქონენი გამოყენებამდე ექიმს უნდა გაესაუბრონ. ასევე თუ პროდუქტების კომბინაციას გეგმავთ, ექიმს ჰკითხეთ, თქვენთვის შესაფერისია თუ არა კომბინირებული თერაპია.

ნიკოტინჩანაცვლებითი საღეჭი რეზინი ჩვეულებრივი საღეჭი რეზინისგან განსხვავდება.

სწორია

ჩვეულებრივისგან განსხვავებით, ნიკოტინის საღეჭი რეზინი ყველაზე ეფექტიანია ლოყასა და ღრძილს შორის მოთავსებისას. პირში ჩადებისას ჩხვლეტის შეგრძნებისას, რომელიც ნიკოტინის გამოყოფას მიუთითებს, ღეჭვა უნდა დაიწყოთ. შემდეგ შეწყვიტეთ და ლოყასა და ღრძილს შორის მოათავსეთ. სპეციფიკური გემოს ან ჩხვლეტის შემცირებისას ღეჭვა და ღრძილთან მოთავსება გაიმეორეთ. ეს სხეულს ნიკოტინის შეწოვაში ეხმარება.

ნიკოტინჩანაცვლებითი მკურნალობა მხოლოდ მოკლე პერიოდით შეიძლება გამოიყენებოდეს.

არასწორია

ინსტრუქციაში ჩამოთვლილი ხანგრძლივობა ზოგი მწეველისთვის შესაფერისი შეიძლება იყოს, სხვებისთვის კი არა. თუ გგონიათ, რომ გახანგრძლივება არამოწევაში დაგეხმარებათ, ექიმს გაესაუბრეთ.

თუ წარსულში ნიკოტინჩანაცვლებითი მკურნალობა სცადეთ და არ იმუშავა, ხელახლა შეიძლება სცადოთ.

სწორია

კვლევები აჩვენებს, რომ მწეველთა უმრავლესობას ნიკოტინჩანაცვლებითი თერაპიის მსგავსი დამტკიცებული წამლის გამოყენების დროსაც მრავალი მცდელობა სჭირდება. საუკეთესოა ხელახლა ცდა. რადგან ყოველი ახალი მცდელობისას შეწყვეტის ალბათობა უფრო მაღალია.

დამტკიცებული მეთოდების გარდა არსებობს ალტერნატიული მკურნალობები, რომლებიც შეიძლება დაგეხმაროთ.

სწორია

ჰიპნოზისა და აკუპუნქტურის მსგავსმა ზოგმა ალტერნატიულმა მეთოდმაც მოწევის შეწყვეტაში შეიძლება დაგეხმაროთ. არსებული კვლევები მათ ეფექტზე საშუალო დონის მეცნიერულ მტკიცებულებას იძლევა და უფრო ფართო კვლევები საჭიროა. თუმცა ალტერნატიულად არჩევისას ჯანმრთელობის მხრივ დაბრკოლება არ არის. ჰიპნოზისა და აკუპუნქტურის ერთადერთი ნაკლია ფასი და დროის დათმობის საჭიროება.

ფაქტების ცოდნითა და დამტკიცებული მეთოდებით წარმატების შანსი შეგიძლიათ გაზარდოთ. თუმცა პირველ ცდაზე წარუმატებლობისას გახსოვდეთ, რომ ყოველი მცდელობა მნიშვნელოვანია.

*

- დაკავშირებული თემა: რამდენ ხანს რჩება სხეულში სიგარეტისა და ელექტრონული სიგარეტის ნიკოტინი?