რა არის TP53 გენი და p53 ცილა? რას ნიშნავს კიბოში TP53 მუტაციის დადებითობა?
TP53 გენი შეიცავს ინსტრუქციას (გენეტიკურ კოდს) სიმსივნური ცილა p53-ის შესაქმნელად. ეს ცილა, სიმსივნის დამთრგუნველად მუშაობს; ზრდასა და გამრავლებას აკონტროლებს (მაგალითად, მეტისმეტად სწრაფ გამრავლებას უშლის ხელს).
P53 პირდაპირ DNA-ს უკავშირდება და ყოველი უჯრედის ბირთვშია. როდესაც DNA ტოქსიკური ქიმიკატის, რადიაციის ან მზის ულტრაიისფერი (UV) სხივების მსგავსი, კანცეროგენით ზიანდება, p53 წყვეტს, DNA აღდგეს თუ დაზიანებული უჯრედი დაპროგრამებულ სიკვდილში (აპოპტოზში) გადავიდეს. აღდგენის შესაძლებლობისას p53 სხვა გენებს ააქტიურებს. შეუძლებლობისას გაყოფას აჩერებს და აპოპტოზის სიგნალს იძლევა. მუტირებული ან დაზიანებული DNA-ის გაყოფის დაბლოკვით p53 სიმსივნის პრევენციას ეხმარება.
P53 გაყოფის რეგულირებასა და სიმსივნის პრევენციაში მეტად მნიშვნელოვანია და ამიტომ, DNA-ის მცველი ეწოდა.
ყველა კიბოს %50-ზე მეტში TP53 სიმსივნის დამთრგუნველი გენის მუტაცია გვხვდება. ყველაზე ხშირად ბუშტის, სანაღვლე გზების, თავ-კისრის კიბოებში, საკვერცხის კიბოსა და ლი-ფრაუმენის სინდრომში TP53 მუტაცია გვხვდება.
აღმოჩენის 1979 წლიდან ყველაზე შესწავლილი ონკოლოგიური გენის მიუხედავად TP53-ის სამიზნე წამალი ჯერ ვერ შეიქმნა. სხვადასხვა ძუძუმწოვარში TP53-ის ასლების განსხვავებული რაოდენობა კიბოს სიხშირესაც ცვლის; სპილოებში კიბოს იშვიათობის მიზეზია TP53-ის ასლების ადამიანზე დაახლოებით 20-ჯერ მეტი რაოდენობა.
ძუძუს, თავ-კისრის, ღვიძლის, სისხლისა და ძვლის ტვინის კიბოებში TP53 მუტაციები ცუდ პროგნოზს უკავშირდება.
დაკავშირებული თემა
შეიძლება გენები ეგოისტური იყოს? მემკვიდრეობითი კიბოები და მათი გენები
წყაროები
Genetics Home Reference
2. Ana I. Robles and Curtis C. Harris.
Clinical Outcomes and Correlates of TP53 Mutations and Cancer.
Cold Spring Harb Perspect Biol. 2010 March
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.