რატომ არის მტკიცებულებაზე დაფუძნებული წამლები ძვირი? რატომ ირჩევენ ფიტოთერაპევტები იოლ გზას?

პირველი ნაწილი: რატომ არის მტკიცებულებაზე დაფუძნებული წამლები ძვირი?

შეხსენების გარეშე არ გამოვა!

გავიხსენოთ, რას ნიშნავს ჩვენთვის მეცნიერება… დღეს ცხოვრების ყველა სფეროში ცოდნისა და მისი ხილულად მქცევი მეცნიერების კვალია: ანტონ ვან ლევენჰუკი მიკროსკოპს იგონებს და მედიცინის ისტორია იცვლება; გალილეო ტელესკოპს ქმნის და სამყაროს გაგებას ვიწყებთ; ჯეიმზ უატი თანამედროვე ორთქლის მანქანას იგონებს და ეკონომიკის ისტორია იცვლება; გუტენბერგისა და მარკო პოლოს მეშვეობით ევროპასა და მსოფლიოში გავრცელებული ბეჭდვა მეცნიერების მთელ ისტორიას ცვლის; ალექსანდერ ფლემინგი პენიცილინს აღმოაჩენს და იცვლება მილიონთა ცხოვრება, რომლებიც ადრე უბრალო ინფექციებით იღუპებოდნენ…

ისტორია, ადამიანზე ძველი კიბოს მკურნალობის მცდელობებში ორი უმნიშვნელოვანესი გარდატეხაა რადიოთერაპიისა და ქიმიოთერაპიის აღმოჩენა. კაცობრიობისთვის დიდი ცვლილებების წლებში ვცხოვრობთ. ყველას გვსმენია წინაპრების ამბები, რომელთა სიკვდილის მიზეზიც არ ვიცოდით. არც ისე დიდი ხნის წინ მრავალ დაავადებას „ჭლექის“ მსგავს ზოგად სახელს უწოდებდნენ. დღეს კი ცოდნისა და ტექნოლოგიის წყალობით სიმსივნის ჯერ კიდევ 5 მილიმეტრამდე აღმოჩენა მხოლოდ მეცნიერებსა და ექიმებს კი არა, თითქმის ყველას სურს.

ვიყენებთ, გვინდა, მაგრამ არ გვესმის!

დიახ, ცოდნას ცხოვრების ყველა სფეროში ვიყენებთ და მისგან შექმნილი ტექნოლოგიების მიღება ძლიერ გვსურს, მაგრამ როცა ცოდნის წარმოქმნის გაგებას ეხება საქმე, ვითარება იცვლება. ყველა საკუთარ ცოდნის დონეზე აღიქვამს მოვლენებს. ამიტომ გაუგებარი ცოდნა თითქოს არარსებულად ან ღირებულების არმქონედ აღიქმება.

თანამედროვე მედიცინა და მისი საყრდენი წამლები, ქირურგიული ტექნიკა, გამოსახულებითი ტექნოლოგიები და სხვა ხომ უსაფრთხო, ჯანსაღი და ხანგრძლივი ცხოვრების უმთავრესი გარანტიებია? უნდა გვახსოვდეს, რომ თანამედროვე ქირურგიამდე მრავალი ადამიანი იღუპებოდა აპენდიციტით, რომლის ოპერაციაც დღეს მარტივად ითვლება. მსგავსია სათესლე ჯირკვლის სიმსივნეები, რომელთა სრული განკურნება დღეს თითქმის %90-ზე მეტში მიიღწევა. ცისპლატინის გამოყენებამ ამ დაავადების ისტორია შეცვალა. თუმცა არის თუ არა სამეცნიერო პროგრესი და ახალი მკურნალობის აღმოჩენა ისე მარტივი, როგორც ამ მოკლე ისტორიაში ჩანს?

კიბოს წამლის აღმოჩენა რთული და ძვირი პროცესია. კლინიკურ გამოყენებამდე დაახლოებით 15 წელი და თითქმის 1 მილიარდი დოლარია საჭირო. ლაბორატორიაში „სამეცნიერო მეთოდებით“ გამოცდილი ყოველი 10 ათასი პოტენციური წამლიდან მხოლოდ 1 იღებს ადამიანებზე კლინიკურ კვლევებშიმოხვედრის შესაძლებლობას. რატომ არის წამლების, განსაკუთრებით ონკოლოგიური წამლების, შემუშავება ასეთი ხანგრძლივი და ძვირი?

კიბოს წამლების აღმოჩენათა უმეტესობა სამკურნალო სამიზნეების განსაზღვრითიწყება. თუ მტერს არ იცნობთ, მის დასამარცხებელ იარაღს ვერ შექმნით. კონკრეტულად, ყველა არმიას აქვს ძირითადი საბრძოლო საშუალებები: იარაღი, თვითმფრინავები, გემები, ტანკები. ისინი კლასიკურ ქიმიოთერაპიას შეიძლება შევადაროთ. თუმცა რთულ ბრძოლაში მეტია საჭირო: მიზნობრივი ბალისტიკური რაკეტები, კარგი დაზვერვა, მტრის მდგომარეობის მონიტორინგი/გამოსახვა, აგენტები და სხვ. ისინი მოწინავე რადიოლოგიურ ტექნიკას, ჭკვიან მიზნობრივ წამლებსა და იმუნოთერაპიასშეიძლება შევადაროთ. უკეთესი სამიზნის აღმოჩენასა და განადგურებას მეტი „ცოდნის“ შემცველი ძვირი საშუალებები სჭირდება. მაგალითი საყოფაცხოვრებო ტექნიკასა და მობილურებსაც მიესადაგება. ცხოვრების ყველა სფეროში ცოდნაზე დაფუძნებულ ტექნოლოგიასთან მეგობრობისას გვიჭირს სიცოცხლის გადამრჩენ სამედიცინო „კარგ“ ქიმიკატებთან მტრობის გაგება.

კიბოს წამლის შემუშავების სირთულეებს რომ დავუბრუნდეთ;

მტერი (კიბოს უჯრედები) თვალით უხილავია და ადამიანს უხილავის უარყოფისკენ მიდრეკილება აქვს (გავიხსენოთ, რომ მიკროორგანიზმები მიკროსკოპის, პლანეტები კი ტელესკოპის შემდეგ აღიარეს). წამლის შექმნის უდიდესი სირთულე უჯრედული ზომის კიბოს გაცნობაა. ეს მხოლოდ ბიოლოგიისა და გენეტიკის განვითარებითაა შესაძლებელი. კიბოს ბიოლოგიისა და გენეტიკის გაგება, როგორც ეფექტიანი ასევე უსაფრთხო წამლების შექმნა და მედიცინის „უპირველესად არ ავნო“ პრინციპის დაცვა, ცხადია, ძალიან რთული, ხანგრძლივი და ძვირი პროცესია.

ასეთ ვითარებაში, როდესაც კიბო ათასობით წელია ჩვენთანაა და განსაკუთრებით შორსწასულ სტადიაზე რთულად სამკურნალოა, რატომ ირჩევენ ფიტოთერაპიის სპეციალისტები იოლ გზას და აცხადებენ, რომ მცენარეებით / სპეციალური მეთოდებით / კურსებით კიბოს მკურნალობა შეუძლიათ? სტატიის მეორე ნაწილში ამას ავხსნით...