რჩევები ძუძუს კიბოს შემდეგ მენოპაუზის ჩივილებისთვის
ძუძუს კიბოს მკურნალობის გვერდითი მოვლენის სახით შეიძლება მენოპაუზის ნიშნები გამოვლინდეს. ძუძუს კიბოსთან დაკავშირებული მენოპაუზა ბუნებრივზე უფრო ხანგრძლივი და მძიმე შეიძლება იყოს. ამ სირთულეების მქონე ქალების ჩივილების შესამსუბუქებლად რამდენიმე რჩევას მოგცემთ.
ბუნებრივი მენოპაუზის მქონე ქალებში ჰორმონჩანაცვლებითი თერაპიით ალები ან ჭარბი ოფლიანობა შეიძლება შემსუბუქდეს; თუმცა ძუძუს კიბოების უმეტესობის ჰორმონმგრძნობელობის გამო ძუძუს კიბოს პაციენტებში ჰორმონჩანაცვლებითი თერაპია არ გამოიყენება.
ქალებს, რომლებსაც მენოპაუზა კიბოს მკურნალობის გვერდით მოვლენად უვითარდებათ, ჩვეულებრივ ბუნებრივ მენოპაუზაში შესულებზე უფრო ხანგრძლივი და მძიმე ჩივილები აქვთ. რადგან მოკლე დროში ესტროგენის დონე სწრაფად ეცემა, ბუნებრივად კი მენოპაუზისკენ ნორმალური გადასვლა წლების განმავლობაში ხდება.
ვაგინალური სიმშრალე და ვაგინალური ატროფია (ქსოვილების შემცირება)
ვაგინალური დამატენიანებლები
არაჰორმონული ვაგინალური დამატენიანებლებით შეიძლება ჩივილის შემცირება, სექსუალური აქტივობისთვის უკეთესი პირობების შექმნა და ვაგინალური ქსოვილის ელასტიკურობის აღდგენა. სქესობრივი აქტისას ლუბრიკანტებთან ერთადაც შეიძლება გამოიყენოთ.
არხის ფიზიკური გაფართოების მკურნალობა
ვაგინალური დილატატორის (გამაფართოებლის) თერაპია გულისხმობს სხვადასხვა ზომის დილატატორის მოთავსებას ქსოვილის ნაზად გასაჭიმად და ელასტიკურობის შესანარჩუნებლად. დილატატორები ჩვეულებრივ სქესობრივი აქტის ტკივილს ამცირებს. ყოველდღიურად ათწუთიანი გამოყენებაა რეკომენდებული.
მენჯის (საზარდულის) კეგელის ვარჯიშები
სქესობრივი აქტისა და გინეკოლოგიური გასინჯვისას მენჯის (საზარდულის) ფსკერის კუნთების გაჭიმვა, მოდუნება, კონტროლისა და ძალის გაზრდაც ტკივილის შემცირებას ეხმარება. როგორც დილატატორის თერაპიამ, ისე ფიზიოთერაპიამ საზარდულის არეში უკეთესი სისხლის მიმოქცევა და აღგზნება შეიძლება წაახალისოს. ვაგინალური კუნთების მოდუნების სასწავლად ამ ვარჯიშების სწორად შესრულებაზე სპეციალისტ ექიმს ან სექსუალური ჯანმრთელობის ფიზიოთერაპევტს შეგიძლიათ მიმართოთ.
დაბალდოზიანი ადგილობრივი ჰორმონული თერაპია
დაბალდოზიანი ესტროგენის ტაბლეტები ვაგინალურ ქსოვილზე მიწოდებისთვის საშოში თავსდება. ეს უფრო ახალი მიდგომაა, ვიდრე მთელ ორგანიზმზე ესტროგენის მიმწოდებელი მაღალდოზიანი ჰორმონული მკურნალობა. კვლევის პაციენტები სქესობრივი ფუნქციისა და კმაყოფილების მხრივ ზოგადად უკეთ ყოფნას აღწერდნენ.
ალების შემსუბუქება
შეიძლება არაჰორმონული პრეპარატების განხილვა. ესტროგენშემცველი წამლები ბევრი ქალის ალებს ამსუბუქებს, თუმცა ძუძუს კიბოს ისტორიის მქონეთათვის რეკომენდებული არ არის. არსებობს ალტერნატივები; დაბალდოზიანი ანტიდეპრესანტები, როგორიცაა ვენლაფაქსინი, სერტრალინი და პაროქსეტინი, ზოგ ქალში ალების რაოდენობისა და სიმძიმის შესამცირებლად ეფექტიანია. ასევე აკუპუნქტურა ძუძუს კიბოს მკურნალობით გამოწვეული ალების სამკურნალოდ დამტკიცებული ეფექტიანობის ვარიანტია.
ფსიქოთერაპია და რეგულარული ვარჯიში ემოციური პრობლემებისთვის
კიბოს მკურნალობასთან დაკავშირებულმა მენოპაუზამ შეიძლება ემოციური არასტაბილურობა გამოიწვიოს; შფოთავდეთ, სევდიანად გრძნობდეთ თავს და ამასთან ლიბიდოც (სქესობრივი სურვილი) უარყოფითად შეიცვალოს. ფსიქოთერაპია ამასთან გამკლავებაში გეხმარებათ.
ასევე რეგულარული სეირნობა, იოგა, პილატესის მსგავსი რეგულარული ვარჯიშებიც ემოციურად და ფიზიკურად უკეთ ყოფნასა და ჯანმრთელობაში გეხმარებათ.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.