როგორ ვიგრძნო თავი უფრო მხნედ? 5 რეკომენდაცია

ხშირად დაღლილი ხართ? გსურთ მეტი ენერგია და დროის უკეთ გამოყენება? მიზეზები უძილობიდან, სამუშაო სტრესიდან და არასწორი კვებიდან ქრონიკული დაავადების მსგავს რთულ მდგომარეობამდე მერყეობს.
ენერგიის გაზრდა, უფრო ზუსტად, უფრო მხნედ ყოფნა, ხშირად ისე მარტივი არაა, როგორც 2 სიტყვით იწერება. განვიხილავთ ჯანსაღი ჩვევებით ენერგიის გაზრდის 5 მნიშვნელოვან მიდგომას.
1. ყურადღება მიაქციეთ კვებას
ჯანმრთელობისა და ენერგიის ერთ-ერთი მთავარი ნაწილი საკვებია. ჯანსაღი დაბალანსებული დიეტით ენერგიას ვაბალანსებთ. საკვების ენერგია კალორიებით იზომება.
თუ საჭირო კალორიებს არ ვიღებთ, ფიზიკურად ვიღლებით, თითქოს საწვავი გვაკლდეს. ზედმეტისას კი ჭარბი დატვირთვის, ინსულინის სიჭარბის, ცხიმის დაგროვებისა და ანთების გამო სისუსტე შეიძლება ვიგრძნოთ.
მხნეობისა და ენერგიისთვის კალორიები სწორ საკვებში, დაბალანსებულად და საჭირო რაოდენობით უნდა მივიღოთ. იდეალური რაოდენობა სქესს, ასაკს, წონასა და სიმაღლეს ემყარება.
ენერგია არა მხოლოდ კალორიების რაოდენობა, არამედ ხარისხიცაა. ზოგი საკვები ბევრ ენერგიას, მაგრამ თითქმის არანაირ კვებით ღირებულებას იძლევა და ზიანი შეიძლება მოგიტანოთ. ასეთებია კანფეტის, ჩიფსისა და კოლას მსგავსი დამუშავებული პროდუქტები .
-დაკავშირებული თემა: რა არის სახამებელი, ფრუქტოზა და როგორ იქცევა ჭარბი შაქარი ცხიმად?
დაბალი გლიკემიური ინდექსისსაკვებია რეკომენდებული, რომლის შაქარიც ორგანიზმში ნელა იშლება და ენერგიას ხანგრძლივად, თანდათან იძლევა. ასეთია მთლიანი მარცვლეული, თხილეული, ხილი (ყურძენი, ვაშლი, ფორთოხალი, ატამი, მსხალი, გრეიპფრუტი), ბოჭკოვანი ბოსტნეული და პარკოსნები, მათ შორის ბარდა, ლობიო და ფოთლოვანი მწვანილი.
თუ თავს ცუდად გრძნობთ, დარწმუნდით, რომ საკმარის წყალს სვამთ. დაღლილობა არასაკმარისი სითხის ნიშანიცაა; დღის განმავლობაში საკმარისმა წყალმა შეიძლება ის შეამსუბუქოს.
უნდა დავლიოთ ყავა? ბევრისთვის ის გამოფხიზლების საშუალებაა. Harvard-ის მკვლევრებით, ყავაში, ჩაიში და კაკაოში ბუნებრივად არსებული კოფეინი კონცენტრაციას აუმჯობესებს და ტვინს აფხიზლებს.
კოფეინი გულისცემის გაზრდით მყისიერ ენერგიასაც იძლევა. თუმცა ტოლერანტულ, ჩვეულ მომხმარებელში ეფექტი შეიძლება არ გამოჩნდეს. ზოგი გენეტიკური ვარიანტის მქონეში ყავის ნივთიერებებისადმი ჰიპერმგრძნობელობით მეტი გვერდითი მოვლენა შეიძლება იყოს. ყველა ცხელი სასმლის მსგავსად ყავაც ძალიან ცხლად არ უნდა დალიოთ. კოფეინი დამოკიდებულების პოტენციალის მქონე სტიმულატორია.
თუ ყავა აუცილებლად გსურთ, სპეციალისტების პასუხია: დილით 10: 30-ზე ან სულ მცირე 9:30 - 11:30 შუალედში დალიეთ. ახსნა ასეთია: მაშინ მეტაბოლიზმის მარეგულირებელი კორტიზოლის დონე ყველაზე მაღალია და კოფეინის ეფექტს მაქსიმუმამდე გაზრდით.
-დაკავშირებული თემა: რა არის ჯანსაღი კვება?
2. ივარჯიშეთ, იმოძრავეთ
ზოგჯერ დღის განმავლობაში სუსტდებით და აზროვნება ნელდება. ამ დროს სკამიდან ადგომა, გაჭიმვა, ოფისში გავლა და შემდეგ, თუ შეიძლება, მაღალ მაგიდასთან დგომით მუშაობა სასარგებლოა. მცირე მოძრაობა გამოცოცხლებას ეხმარება. Harvard-ის სპეციალისტები ხაზს უსვამენ, რომ ვარჯიში სხეულსა და გონებას მნიშვნელოვანი გზებით ასტიმულირებს.
ჯერ ვარჯიში კუნთებს მეტი ენერგიის წარმოებით აქტივობის შენარჩუნებაში ეხმარება.
ასევე ზრდის ჟანგბადის გადატანის უნარსა და მიმოქცევას, რათა ჟანგბადი სხეულს სწრაფად მიეწოდოს. სტრესის ჰორმონების გამოყოფასაც ასტიმულირებს და უფრო ენერგიულად და ფხიზლად გაგრძნობინებთ.
-დაკავშირებული თემა: კიბოს ყველა პაციენტს ვარჯიში უნდა დაენიშნოს! რატომ?
3. დრო გამოყავით იოგისა და მედიტაციისთვის
იოგასა და მედიტაციას ენერგიის გაზრდა შეუძლია, რადგან ფოკუსირებულია მშვიდი სუნთქვის ხელშემწყობ გაცნობიერებულ სუნთქვით ტექნიკებზე.
თუ დაღლილობას სტრესს უკავშირებთ, მათი ჩვევად ქცევა სტრესორების მიმართ მეტ გამძლეობას შეიძლება მოგცემთ.
გასული წლის კვლევით, იოგისა და მედიტაციის მიმდევრებს ხშირად უკეთესი იმუნური სისტემააქვთ და სტრესისა და შფოთვისადმი მდგრადობას ავითარებენ. სხვა კვლევით იოგა სტრესთან ერთად შფოთვას და დეპრესიასაც ამცირებს.
-დაკავშირებული თემა: რა არის იოგა? კიბოში როდის და როგორ გამოიყენება?
4. ისწავლეთ პასუხისმგებლობების დაბალანსება
შეიძლება ვალდებულებებში ჩაიძიროთ, მარტივი ყოველდღიური საქმეებიდან მნიშვნელოვან სამუშაო პროექტამდე.
თუ ზოგი ვალდებულების გადასანაწილებლად კარგ სტრატეგიას ვერ ვიპოვით, ყოველდღიურობაში დროდადრო მაინც გამოფიტვა და მუდმივი დაღლილობა შეიძლება გამოიწვიოს.
-დაკავშირებული თემა: შეიძლება სისუსტე და დაღლილობა კიბოს პირველი ნიშანი იყოს?
5. გამოიძინეთ
და ბოლოს, დაღლილობის პრევენციისა და დღის დამღლელი, სტრესული ეფექტის მოსაშორებლად ღამით საკმარისი ხარისხიანი ძილი აუცილებელია.
საკმარისი ძილი უპირველესი პრიორიტეტი უნდა იყოს.
კვლევები არარეგულარულ ძილს ნეიროდეგენერაციას, ფსიქიკურ პრობლემებსა და შფოთვისადმი მიდრეკილებას უკავშირებს.
საჭირო ძილი ასაკსა და სხვა ფაქტორებზეა დამოკიდებული, თუმცა ზრდასრულს აღსადგენად საშუალოდ ღამით 7-დან 9 საათამდე სჭირდება.
კოფეინი მოკლევადიანად გაგაფხიზლებთ, მაგრამ ენერგიის მარაგის შესავსებად მოკლე გზა არ არსებობს. საუკეთესოა ჯანსაღი ჩვევების შექმნა, რომლებიც სტრესის დაძლევასა და ენერგიის გამოლევის თავიდან აცილებაში დაგეხმარებათ.
დაკავშირებული თემები
რა არის ხარისხიანი ძილი და როგორ დავიძინოთ კარგად?
წყაროები
How can you boost your energy levels?
medicalnewstoday.com - 25 May 2018
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.