კიბოს ყველა პაციენტს ვარჯიში უნდა დაენიშნოს! რატომ?
მრავალი კვლევის მიხედვით, ვარჯიში კიბოს მქონე პაციენტთა მკურნალობის აუცილებელ რუტინად უნდა იქცეს; ერთ-ერთი უახლესი კვლევა ავსტრალიიდანაა. ონკოლოგებმა და სხვა კიბოს სპეციალისტებმა მკურნალობის პროცესში ვარჯიში დამატებით თერაპიად უნდა განიხილონ და პაციენტები ვარჯიშის სპეციალისტებთან გაგზავნონ.
ვარჯიში თითქმის კიბოს მკურნალობის ნაწილად იქცევა
ავსტრიელი მკვლევრების ამ დამატებითი მკურნალობის საკითხმა მედიის დიდი ინტერესი გამოიწვია და ახლა როგორც ავსტრალიაში, ისე ინგლისში, კიბოთი გამოწვეული დაღლილობის, დეპრესიის მსგავსი გვერდითი ეფექტებისა და სხვა უარყოფითი შედეგების წინააღმდეგ პაციენტებს დამატებით ვარჯიშისკენ მოუწოდებენ.
ვარჯიშის სარგებელი კიბოს პაციენტებისთვის დიდი ხანია ცნობილია, თუმცა რუტინულ მკურნალობაში მისი ჩართვა მრავალი დასავლური ქვეყნისთვისაც ახალი საკითხია.
ავსტრალიის კიბოს პაციენტების ვარჯიშის გზამკვლევის თანახმად პაციენტებმა:
- კვირაში სულ მცირე 150 წუთი საშუალო ტემპის ან 75 წუთი ინტენსიური აერობული ვარჯიში უნდა შეასრულონ.
- ყოველ კვირას კუნთების ძირითადი ჯგუფებისთვის შესაბამისი წინააღმდეგობით მსუბუქი, საშუალო ან ინტენსიური ვარჯიშები უნდა ჩაატარონ.
- ვარჯიში ადამიანის შესაძლებლობების, მკურნალობით გამოწვეული გვერდითი ეფექტების, დაავადების მიმდინარეობისა და ჯანმრთელობის მდგომარეობის მიხედვით უნდა განისაზღვროს.
ზოგი მკვლევრის თქმით, პაციენტების ზედმეტი დაცვა და დასვენების რეკომენდაცია მოძველებული აზრია და ეს კვლევა მას არ უჭერს მხარს.
სხვა კვლევის შედეგების თანახმად, პაციენტებისთვის ფიზიკური ვარჯიშის აკრძალვა სარგებელზე მეტ ზიანს იწვევს.
ავსტრალიის გზამკვლევის ყველაზე მნიშვნელოვანი შედეგებით, ფიზიკური აქტივობა ორგანიზმის მრავალ ფუნქციას აუმჯობესებს (მაგალითად სისხლის მიმოქცევას), კიბოსთან დაკავშირებულ სისუსტეს, დაღლილობასა და ფსიქოლოგიურ პრობლემებს ამცირებს და ცხოვრების ხარისხს ზრდის.
ახალი შედეგებით, კიბოს მკურნალობამდე, მის დროს და/ან შემდეგ ვარჯიში გვერდითი ეფექტების სიმძიმეს და ასევე რეციდივის (დაავადების განმეორების) რისკს ამცირებს.
პოპულაციური დაკვირვებითი კვლევებითაც, ფიზიკური აქტივობა კიბოს განმეორებისა და ზოგ კიბოსთან დაკავშირებული ყველა მიზეზით სიკვდილის რისკს ამცირებს. კვლევათა უმეტესობა ძუძუს, კოლორექტალური (მსხვილი ნაწლავის) და პროსტატის კიბოს მქონე პაციენტებს აკვირდებოდა.
მიმდინარე მრავალი კლინიკური კვლევა კვლავ შეისწავლის ვარჯიშის გავლენას კიბოსას გადარჩენაზე.
წყაროები
Clinical Oncology Society of Australia position statement on exercise in cancer care.
Med J Aust - 7 May 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.