საშვილოსნოს ყელის კიბოში ღია ოპერაციის შედეგები ლაპაროსკოპიულ ან რობოტულ ქირურგიაზე უკეთესი აღმოჩნდა

ადრეული სტადიის საშვილოსნოს ყელის კიბოს სამკურნალოდ ღია ოპერაციის ნაცვლად მინიმალურად ინვაზიური / დახურული (ლაპაროსკოპიული ან რობოტული) ქირურგიით ნამკურნალებ პაციენტებში სიცოცხლის ხანგრძლივობა უფრო მოკლე აღმოჩნდა. დიდი გამოხმაურების მქონე ამ კვლევის შედეგები ონკოლოგიური ოპერაციების სხვა ოპერაციებისგან განსხვავებული დინამიკის აუცილებლობას კიდევ ერთხელ უსვამს ხაზს.

ორ ჯგუფს შორის აშკარა განსხვავების გამო კვლევა ადრე შეწყდა.

საშვილოსნოს ყელის კიბო მსოფლიოში ქალებში სიხშირით 3. კიბოა, ჩვენს ქვეყანაში კი ქალებში გავრცელებით 9. ადგილზეა და ყოველწლიურად დაახლოებით 1500 ქალს უსვამენ ამ დიაგნოზს. დღეს უკვე ცნობილია, რომ საშვილოსნოს ყელის კიბოთა დაახლოებით %99-ის მიზეზია ვირუსი სახელად HPV . Pap-smear და HPV ტესტების გავრცელების შედეგად საშვილოსნოს ყელის კიბოთა დაახლოებით %80 ადრეულ სტადიებზე (ლოკალურ ან ლოკალურად გავრცელებულ სტადიაზე) დიაგნოსტირდება.

1 სტადიის საშვილოსნოს ყელის კიბო საშვილოსნოს ყველა კიბოს დაახლოებით % 40-ს შეადგენს და მისი ძირითადი მკურნალობა ოპერაციაა. 2. სტადიაზე კი ოპერაცია ხშირად შესაფერისი მკურნალობა არ არის და რადიოთერაპია ერთდროულ ქიმიოთერაპიასთან სტანდარტული მკურნალობაა.

ქვემოთ მოცემულ სურათზე საშვილოსნოს ყელის კიბოს 1. სტადიაა გამოსახული:

IA სტადიის საშვილოსნოს ყელის კიბო ჯერ მიკროსკოპული ზომისაა და მხოლოდ სკრინინგისას შეიძლება გამოვლინდეს. IB სტადიაზე კიბო უკვე თვალით ხილულ ზომას აღწევს, თუმცა 4 cm-ზე პატარაა და საშვილოსნოს ყელის ანატომიურ საზღვრებს არ სცდება.

დაკავშირებული თემა:

• საშვილოსნოს ყელის კიბოს სიმპტომები და მკურნალობა (დეტალურად)

კვლევის დეტალები

• კვლევაში ჩაერთნენ IA1 სტადიის (ლიმფოვასკულური ინვაზიით), IA2 სტადიის ან IB1 სტადიის საშვილოსნოს ყელის კიბოს მქონე პაციენტები.
• ჰისტოლოგიური ქვეტიპები იყო ბრტყელუჯრედოვანი კარცინომა, ადენოკარცინომა და ადენოსკვამოზური კარცინომა. პაციენტებს ამ სტადიის სტანდარტული მკურნალობით, ოპერაციით მკურნალობდნენ (მინიმალურად ინვაზიური ქირურგია ან ღია ოპერაცია).
• კვლევის პირველადი (მთავარი) საბოლოო მაჩვენებელი 4.5 წლის ბოლოს დაავადებისგან თავისუფალი გადარჩენა იყო.

კვლევის შედეგები

• 319 პაციენტს მინიმალურად ინვაზიური (დახურული) ოპერაცია ჩაუტარდა, 312 პაციენტს კი ღია ოპერაცია.
• დახურული ოპერაციით ნამკურნალებთა % 84.4-ს ლაპაროსკოპია, % 15.6-ს კი რობოტული ქირურგია ჩაუტარდა.
• პაციენტების საშუალო ასაკი 46 იყო.
• პაციენტთა %91.9-ს IB1 სტადიის საშვილოსნოს ყელის კიბო ჰქონდა.
• კვლევის უმნიშვნელოვანესი შედეგით, 4.5 წლის შემდეგ დაავადებისგან თავისუფალი გადარჩენა დახურული ოპერაციის ჯგუფში %86 იყო, ღია ოპერაციის ჯგუფში კი % 95.6.
• დახურული ოპერაციისას დაავადების განმეორების ან საშვილოსნოს ყელის კიბოთი სიკვდილის რისკის რისკი 3.7-ჯერ უფრო მაღალი აღმოჩნდა.
• გარდა ამისა, დახურულმა ქირურგიამ 3. წელს უფრო დაბალი საერთო გადარჩენა აჩვენა (% 93.8, შედარებით % 99-თან).

დასკვნა

ადრეული საშვილოსნოს ყელის კიბოს მკურნალობის ამ ფართომასშტაბიან შედარებით კვლევაში მინიმალურად ინვაზიურმა ლაპაროსკოპიულმა და რობოტულმა რადიკალურმა ჰისტერექტომიამ ღია ქირურგიასთან შედარებით დაავადებისგან თავისუფალი და საერთო გადარჩენის უფრო დაბალი მაჩვენებლები გამოიწვია.