ტენოსინოვიური გიგანტურუჯრედოვანი სიმსივნის მკურნალობისთვის პექსიდარტინიბმა FDA-ს დამტკიცება მიიღო
ამ სტატიაში
2 აგვისტოს 2019 წელს აშშ-ის სურსათისა და მედიკამენტების ადმინისტრაციამ (FDA), სიმპტომური, მძიმე ავადობას ან ფუნქციურ შეზღუდვას გამომწვევი, ოპერაციით ამოუკვეთავი ტენოსინოვიური გიგანტურუჯრედოვანი სიმსივნის (TDHT) მქონე ზრდასრულებისთვის პექსიდარტინიბის (Turalio) კაფსულები დაამტკიცა. ეს TDHT-ის პირველი დამტკიცებული სისტემური მკურნალობაა.
ტენოსინოვიური გიგანტურუჯრედოვანი სიმსივნე (TDHT) ადგილობრივად აგრესიული, თუმცა არაავთვისებიანი იშვიათი სიმსივნეებიდანერთ-ერთია. აზიანებს სინოვიით დაფარულ სახსრებს, ბურსებსა და მყესის გარსებს, იწვევს შეშუპებას, ტკივილს, სიხისტესა და მოძრაობის შემცირებას. ხშირად ახალგაზრდა შრომისუნარიან ზრდასრულებში ვითარდება და დამასუსტებელი შეიძლება იყოს.
მთავარი მკურნალობა ქირურგიაა, რომელიც მძიმე შემთხვევებში შეიძლება მრავალჯერად სინოვექტომიას, სახსრის ჩანაცვლებასა და ამპუტაციასაც მოიცავდეს. საუკეთესო ჩარევის მიუხედავად გავრცელებული TDHT-ის რეციდივის ალბათობა მაღალია.
Turalio-ს დამტკიცება ეფუძნება ოპერაციისთვის შეუსაბამო 120 პაციენტის საერთაშორისო, მრავალცენტრულ, რანდომიზებულ (1: 1), ორმაგად ბრმა, პლაცებო კონტროლირებულ ENLIVEN კვლევაში საერთო პასუხის სიხშირეს. იგი 25-ე კვირას დამოუკიდებელმა კომიტეტმა განსაზღვრა სოლიდური სიმსივნეების შეფასების RECIST 1.1 კრიტერიუმებით.
25-კვირიანი მკურნალობის შემდეგ საერთო პასუხი % 38 იყო: % 15 სრული და % 23 ნაწილობრივი.
პლაცებოს მიმღებ არცერთ პაციენტს პასუხი არ ჰქონია.
23 პაციენტიდან 22-ის პასუხი სულ მცირე 6 თვე გაგრძელდა.
პროცენტულად გაზომილი სახსრის მოძრაობის დიაპაზონი, ყოველი დაზიანებული სახსრისთვის გონიომეტრით შეფასდა. საკმარისი მონაცემების მქონე პაციენტებში პლაცებოსთან შედარებით პექსიდარტინიბით 25 კვირაზე მოძრაობის დიაპაზონის სტატისტიკურად მნიშვნელოვანი გაუმჯობესება დაფიქსირდა.
პექსიდარტინიბის ყველაზე ხშირი გვერდითი ეფექტები იყო ლაქტატდეჰიდროგენაზა (LDH), ასპარტატამინოტრანსფერაზის (AST) მატება, თმის ფერის ცვლილება, ალანინამინოტრანსფერაზის (ALT) და ქოლესტერინის მატება. სხვა ეფექტები იყო ნეიტროპენია, ტუტე ფოსფატაზის (ALP) მატება, ლიმფოციტების დაქვეითება, თვალის შეშუპება, დაბალი ჰემოგლობინი, გამონაყარი, დისგევზია და ფოსფატის დაქვეითება.
დანიშნულების ინფორმაცია შეიცავს მძიმე და პოტენციურად ფატალური ღვიძლის დაზიანების გაფრთხილებას. სპეციალისტებმა ღვიძლის ტესტები დაწყებამდე და პირველი 8 კვირა ყოველკვირეულად, შემდეგ თვეში ყოველ 2 კვირაში, შემდგომ კი ყოველ 3 თვეში უნდა აკონტროლონ. დაზიანებისას დოზა სიმძიმის მიხედვით უნდა შემცირდეს ან შეწყდეს.
პექსიდარტინიბის რეკომენდებული დოზაარის უზმოზე დღეში ორჯერ პერორალურად 400 mg (2 კაფსულა).
როგორია პექსიდარტინიბის მოქმედების მექანიზმი?
პექსიდარტინიბი მცირე მოლეკულური რეცეპტორული თიროზინკინაზის (RTK) ინჰიბიტორის კაფსულაა. იგი უკავშირდება და თრგუნავს ღეროვანი უჯრედის ფაქტორის რეცეპტორის (KIT), კოლონიის მასტიმულირებელი ფაქტორ-1 რეცეპტორის (CSF1R) და FMS-ის მსგავსი თიროზინკინაზა 3-ის (FLT3) ფოსფორილაციას, რამაც შეიძლება სიმსივნური პროლიფერაცია და ოსტეოლიზურ მეტასტაზურ დაავადებაში მონაწილე მაკროფაგები, ოსტეოკლასტები და მასტოციტები დათრგუნოს. FLT3, CSF1R და FLT3 კიბოს მრავალ უჯრედში ზედმეტად ექსპრესირებულია ან მუტირებულია და პროლიფერაციასა და მეტასტაზირებაში მნიშვნელოვან როლს ასრულებს.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.