Boyama kitabları incəsənət terapiyasını əvəz etmir

Tədqiqatlar böyüklər üçün boyama kitablarının stresi azalda biləcəyini, lakin yenə də incəsənət terapiyasını əvəz etmədiyini göstərir. Son vaxtlar böyüklər üçün boyama kitabları, hazır mandala şablonları və hətta mobil telefon tətbiqləri də “terapiya” üsulu kimi görülə bilir. Lakin olması gərəkən incəsənət terapiyası yalnız özünü daha yaxşı hiss etməklə bağlı deyil. Aparılmış tədqiqatlar daha sərbəst və yaradıcı fəaliyyətlərin insanlara daha çox qalıcı fayda verdiyini irəli sürür.

Fiqurları rəngləməyin bəzi müsbət təsirlərinin ola bildiyini, lakin incəsənət terapevtinin iştirakı ilə gedən proses qədər güclü olmadığını göstərən tədqiqat Dreksel Universitetində aparılmışdır. Rənglərin stresi, mənfi emosional və zehni halları azaltmaqda effektivliyi müşahidə edilmişdir. Lakin hər hansı başqa fərdi inkişaf kimi əlavə dəyər qazandırmadan nəticələnmişdir.

Tədqiqatda yaşları 19 ilə 67 arasında dəyişən iştirakçılara iki ayrı 40 dəqiqəlik seans keçirildi. Birində yalnız rəngləmə, digərində isə incəsənət terapevtinin birbaşa iştirak etdiyi yaradıcı işlər aparıldı. İştirakçılar rəngləmə, rəsm, üçölçülü işlər və ya modelləşdirmə gili kimi istədikləri incəsənət materiallarından istifadə etdilər. İştirakçılar öz əsərləri üzərində işlədikcə incəsənət terapevtləri də özləri bədii işlər hazırladılar və bu zaman iştirakçılara ehtiyac olduqda kömək etdilər. Hər şəxsin stres səviyyələri və emosiyaları əvvəl və sonra qiymətləndirildi. Aralarında emosiya və stres səviyyələrində nəzərəçarpacaq fərqlər yaradıb-yaratmadığına baxıldı. İncəsənət terapevtlərinin iştirak etdiyi emalatxana fəaliyyətləri şəxslərin həyat keyfiyyətinin yüksəlməsi və əhvalında müsbət dəyişikliklərlə nəticələndi. Mənfi zehni hallarda oxşar səviyyələrdə azalma görüldü. Rəngləmə məşqi digər təsirlər baxımından mühüm dəyişiklik göstərmədi.

İncəsənət terapiyası ilə aparılan emalatxana fəaliyyətləri; incəsənət terapiyası ilə aparılan emalatxana fəaliyyətləri daha yaradıcı seçimlər, ifadə üsulu, məsuliyyət, problem həlli və şəxslərarası qarşılıqlı əlaqə üçün imkan yaradır. Yalnız boyama/rəngləmə mənfi hissləri yüngülləşdirməyə kömək etmişdir, lakin həqiqi incəsənət terapiyasının daha yaxşı hisslərə, yaradıcı ifadə imkanına və yeni kəşflərə imkan verdiyini demək olar. Siz dəyərli xəstələrimizə tövsiyəmiz: incəsənət terapevti ilə fəaliyyət göstərmək imkanınız yoxdursa, özünüz edəcəyiniz işlərdə hazır şablon və ya mandala kimi böyüklər üçün boyama kitabları əvəzinə öz mandalanızı hazırlamağı, ürəyinizdən gəldiyi kimi müxtəlif materiallarla işlər görməyi sınayaraq incəsənətin sağaldıcı gücünü kəşf edə bilərsiniz.