PIK3CA mutasiyası ilə əlaqəli həddindən artıq böyümə spektrumu üçün alpelisib FDA təsdiqi aldı

Sistemli müalicə tələb edən və ağır əlamətlər göstərən PIK3CA ilə əlaqəli həddindən artıq böyümə spektrumu (PROS) olan yetkinlər və 2 yaşdan böyük pediatrik xəstələr üçün alpelisib (Vijoice, Novartis) adlı hədəfli dərman 5 aprel 2022-ci ildə FDA-nın (ABŞ Qida və Dərman İdarəsi) sürətləndirilmiş təsdiqini alıb.

Alpelisib aktiv maddəsi əvvəl 24 may 2019-cu ildə menopauzaya girmiş, hormon reseptoru pozitiv, HER2 neqativ irəliləmiş və ya metastatik və PIK3CA mutasiyalı döş xərçəngi olan xəstələr üçün hormonal müalicə dərmanı fulvestrant ilə birlikdə Piqray ticarət adı ilə təsdiqlənmişdi (baxın əlaqəli təsdiq).

PIK3CA ilə əlaqəli həddindən artıq böyümə spektrumu nədir?

PIK3CA ilə əlaqəli seqmental həddindən artıq böyümə kimi də tanınan PROS (PIK3CA-Related Overgrowth Spectrum) adətən PIK3CA genindəki somatik mutasiyalar səbəbindən bədən hissələrinin həddindən artıq böyüməsinə gətirən nadir xəstəliklər qrupudur. Tək xəstəlik deyil, xəstəliklər qrupu olduğuna görə “spektrum” adlandırılır. Bu pozuntular bunları əhatə edir;

• Fibroadipoz hiperplaziya (fibroadipoz həddindən artıq böyümə)
• Clove sindromu
• Meqalensefaliya kapilyar malformasiya sindromu (MCAP sindromu)
• Hemihiperplaziya çoxsaylı lipomatoz sindromu (HHML sindromu)
• Hemimeqalensefaliya
• Üzə sızan lipomatoz (üzün bir tərəfinin həddindən artıq böyüməsinə səbəb olan anadangəlmə pozuntu)

PROS əlamətləri yaratdığı vəziyyətə görə dəyişir və normaldan böyük beyinə (meqalensefaliya), aşağı əzələ tonusuna (hipotoniya), tutmalara, əqli məhdudiyyətlərə, qan damarlarında dəyişikliklərə və bədənin bir və ya bir neçə bölgəsinin həddindən artıq böyüməsinə səbəb ola bilər.

PROS üçün alpelisibin effektivliyi

Alpelisibin effektivliyi başqa xəstə qrupuna kömək etmək ümidi ilə genişləndirilmiş çıxış proqramı çərçivəsində alpelisib alan 2 yaşdan böyük xəstələrlə aparılmış təkqollu klinik tədqiqat EPIK-P1-dən əldə edilən real həyat məlumatları ilə qiymətləndirilib.

PROS klinik əlamətləri olan xəstələr müalicə edən həkimlər tərəfindən ağır və ya həyati təhlükəli kimi təsnif edilib. PIK3CA genində mutasiya olduğu barədə hesabatlar da olub.

Alpelisibin effektivliyi ilk dozadan əvvəlki 24 həftə ərzində görüntüləmədə ən azı bir hədəf zədələnməsi müəyyən edilmiş ümumilikdə 37 xəstədə qiymətləndirilib.

Nəticələr

Əsas effektivlik nəticə meyarı kor müstəqil mərkəzi radioloji qiymətləndirməyə görə 24-cü həftədə radioloji cavabı olan xəstələrin payı idi. Bu, sonradan ən azı 1 görüntüləmə qiymətləndirməsi ilə təsdiqlənən, 3 zədələnməyə qədər ölçülə bilən hədəf zədələnmələrinin cəmində başlanğıca görə ≥20% azalma kimi müəyyən edilib. Cavab müddəti əlavə effektivlik nəticə meyarı idi.

• Effektivlik qrupuna daxil edilən 37 xəstənin 27%-sində 24-cü həftədə radioloji cavab olub.
• Cavab verənlərin isə 60%-ı uzunmüddətli cavaba malik olub (12 ay və ya daha çox).

Xəstələrdə yaranan ən geniş yayılmış (≥ %10) yan təsirlər bunlar olub;

• İshal
• Stomatit (ağız iltihabı)
• Hiperqlikemiya

Tövsiyə olunan alpesilib dozası;

• 2 – 18 yaşlı pediatrik xəstələrdə gündə bir dəfə yeməklə ağızdan 50 mg.
• Klinik göstəriş olduqda 6 yaş və daha böyük pediatrik xəstələrdə 24-cü həftədən sonra doza 125 mg-a artırıla bilər.
• 18 yaşdan böyük yetkin xəstələrdə gündə bir dəfə yeməklə ağızdan 250 mg.