Probiotik nədir? Qatıq kolon xərçəngindən qorunma və bağırsaq mikrobiotası üçün faydalıdırmı?

Probiotik “həyat üçün” mənasını verən sözdür və faydalı bakteriyalar daşıyan mühüm pəhriz dəstəkləyicilərindəndir. Probiotik qidalarda orqanizmimizi zərərli bakteriyalardan qoruyan, infeksiyaların qarşısını almağa kömək edən, immuniteti gücləndirən “dost bakteriyalar” vardır.

Probiotiklər süd və qatıq, kefir, pendir kimi süd məhsullarında və ya pendiraltı su, turşu kimi digər fermentləşdirilmiş yemək və içkilərdə olur. Həmçinin “əlavə” kimi toz və tablet şəklində istifadə edilir. Probiotiklərdəki faydalı bakteriyalar laboratoriyada təmizlənərək bağırsaq pozuntusuna bağlı ishallarda bağırsaq tənzimləyicisi kimi reseptlə verilir. Süd turşusu bakteriyaları və bifidobacterium probiotik kimi ən çox istifadə olunan bakteriyalardır.

Ən təsirli probiotiklərdən qatığın faydaları nələrdir?

Süd məhsullarının əsas qida qruplarından olan qatıq ən qidalı və sağlam qidalar arasındadır, yüksək miqdarda zülal, kalsium, fosfor, yod, flüor və müxtəlif vitaminlər də daşıyır.

• Qatıq istehlakı yüksək probiotik tərkibinə görə, bağırsaq florasını gücləndirərək mədə-bağırsaq (qastrointestinal) sistemini infeksiyalardan qoruyur.
• Antimikrob fəaliyyəti yüksək səviyyədə saxlayır və immun sistemi funksiyalarına dəstək verir.
• Qatıqdakı probiotik bakteriyalar laktazanı aktivləşdirərək laktoza sorulmasını artırır.
• Həmçinin lipid sorulmasını əngəlləyib lipid sintezini azaldaraq qan lipidlərinin azalmasını təmin edirlər.
• Araşdırmalar nəticəsində İmmunoqlobulin A ilə zəngin, B qrupu vitaminləri və fol turşusu sintezinə kömək edən qida olduğu müəyyən edilmişdir.

Qatığın həzmi asanlaşdıran və bağırsaq florasına müsbət təsiri onun kolorektal xərçənglərdən qorunmaq üçün tövsiyə edilən qidalar arasında yer almasını təmin edir

Müntəzəm qatıq yeməyin qəbizliyin qarşısını aldığı və bu nahiyədə xərçəngə yol açan zərərli patogenlərin toplanmasını əngəllədiyi müəyyən edilmişdir. Araşdırmalarda gündəlik müntəzəm qatıq istehlakının yoğun bağırsaq xərçəngi riskini azaltdığı müəyyən edilmişdir.