Sağlam qəlyanaltılar və ara yemək nümunəsi: quru meyvəli enerji topları

Bədən niyə şirniyyat istəyir?

Dad duyğumuzun təqdim etdiyi seçimlərdən olan şirinlik hissinin əksər insanlarda müsbət və rahatladıcı hisslər yaratdığı sübut olunub. Müasir insanın şirin qida istehlakının ən mühüm səbəbi bu zövqü yaşamaqdır. Pis tərəfi hər gözəl şeyin bir bədəlinin olmasıdır. Şirin qidalar yüksək karbohidrat və yağ tərkibinə görə ilk növbədə çəki artırır, ürək-damar sağlamlığına mənfi təsir edir. Mövzunu uzatmadan belə demək olar: istər ənənəvi, istər müasir mətbəxlərin şirniyyatları ani xoşbəxtlikdən başqa insan bədəninə fayda vermir. Əksinə, çox istehlakı sağlamlığa zərərlidir.

Qidalanma mövzularından biri də qəlyanaltılar və ara yeməklərdir. Bunlar gün ərzində adətən yeməklər arasında və ya günün yorğunluğunu çıxarmağa çalışdığımız axşam saatlarında qəbul etdiyimiz qida qrupudur. Bu qidalar adətən meyvələr, çoxu sağlamlığımızı təhdid edən zərərli qəlyanaltılar, qabıqlı və qabıqsız çərəzlər, xoşbəxtlik verən şirniyyatlar ola bilər. Bu gün artıq çəki / piylənmə çox geniş yayılıb, bir çox pəhriz proqramı yarışır, həmçinin cəmiyyətlərin sağlam qidalanma meyli artır. İmtina etməkdə çətinlik çəkdiyimiz qəlyanaltılar sağlam qidalanmanın və ya pəhriz proqramlarının hissəsinə çevrilə bilər. Lakin burada mühüm məqam düzgün qəlyanaltını seçməkdir.

Düzgün qəlyanaltılarla həm keyfiyyətli qida qəbul edir, həm şirinlik istəyimizi azaldır, həm də qəlyanaltı vərdişimizi qarşılayırıq. Bütün bu xüsusiyyətləri birlikdə daşıyan qidaya ən gözəl nümunə quru meyvələrdir. Hətta quru meyvələr çiy çərəzlərlə yeyiləndə həm çox ləzzətli, həm də sağlam seçim olur. Şirniyyatın verdiyi xoşbəxtliyi yaşada bilən, eyni zamanda sağlam resept təqdim edəcəyik. Lakin əvvəl həyatda hər hal üçün keçərli olan azı qərar, çoxu zərər prinsipini və sağlam qidalarla olsa belə, axşam qəlyanaltı vərdişinin tam tərk edilməli olduğunu xatırlatmaq istəyirik.

Quru meyvəli enerji topları

Ərzaqlar

• 50 gr quru ərik
• 100 gr xurma
• 1 xörək qaşığı küncüt
• 50 gr qurudulmuş gilas
• 2 xörək qaşığı zeytun yağı

Hazırlanması (6 nəfərlik)

Quru ərik, xurma və quru gilas bir-birinə qarışana qədər əzilərək qarışdırılır. Sonra qabda zeytun yağı ilə qarışdırılır. Alınan qarışıqdan qoz böyüklüyündə toplar hazırlanır, küncütdə yuvarladılaraq xaricinin küncütlə örtülməsi təmin edilir. Gün ərzində ara yeməklərdə qəlyanaltı kimi yeyilə bilər.

Nuş olsun :)

Hər porsiyada (qida dəyəri);

• Kalori: 113 kcal
• Yağ: 3 gr
• Doymuş yağ: 1 gr
• Karbohidrat: 21 gr
• Şəkər: 18 gr
• Qida lifi: 2 gr
• Zülal: 2 gr
• Duz: 0 gr

Ara yeməklərin qidalanmada əhəmiyyəti

1. Gündəlik kalorinin günə yayılaraq tarazlanmasını təmin edir.
2. Qan şəkərinə nəzarəti təmin edərək aclıq tutmalarına mane olur.
3. Gün ərzində qidalanma müxtəlifliyini artırır.
4. Az və tez-tez qidalanıldığı üçün bağırsaq hərəkətliliyini artırır.
5. Psixoloji aclığa nəzarətə kömək edərək həddindən artıq qida qəbul etməməyimizə yardım edir.
6. Yaxşı sağlam ara yeməyin kalorisi 100-200 kalori arasında dəyişir.
7. Yaxşı ara yemək yüksək lifli, az yağlı, aşağı kalorili və qidalandırıcı olmalıdır.
8. Xüsusilə diabet xəstələri və mədə problemləri yaşayanlar ara yemək qəbul etməlidirlər.