Süni intellekt gözdən qaçan ağciyər şişlərini aşkarlaya bilər
Bu məqalədə
Süni intellekt xüsusilə xərçəngin sürətli və düzgün diaqnozunda böyük ümid verir. Türk alimi Ulaş Bağcı və komandasının hazırladığı süni intellekt sistemi % 95 uğurla kiçik ağciyər şişlərini diaqnoz edə bildi. Müqayisə edilən radiologiya mütəxəssislərində isə bu uğur % 65 səviyyəsində qaldı.
Araşdırma türk alimi Ulaş Bağcının rəhbərlik etdiyi komanda tərəfindən Florida Universitetində aparıldı. Araşdırmada sistemi yaratmaq üçün beynin işi model kimi istifadə edildi. Beynin işini nümunə götürən bu süni intellekt modelinin adı çoxqatlı süni sinir şəbəkələridir (convolutional neural network); bu, eyni zamanda dərin öyrənmə üsulu kimi də tanınır.
Yuxarıdakı şəkildə geniş istifadə olunan və bir-birinə yaxın 3 yeni informatika termininin – süni intellekt, maşın öyrənməsi və dərin öyrənmənin təriflərini və fərqlərini görə bilərsiniz.
Çoxqatlı süni sinir şəbəkələri ilə sistemə kompüter tomoqrafiyası (KT) görüntülərində nəyə baxmalı olduğu öyrədildi. Amerika Milli Tədqiqat İnstitutundan və Mayo Klinikadan alınan 1000-dən çox KT görüntüsü hazırlanmış proqrama daxil edilərək kompüterin şişləri tapması təmin olundu və proqram % 95 uğurla şişləri diaqnoz edə bildi.
Marağınızı çəkə bilər:
Bəs bu araşdırma bizə nə ifadə edir?
- Araşdırma İspaniyada keçirilən 21-ci Medical Image Computing and Computer Assisted Intervention (MICAI 2018) konqresində təqdim edildi.
- Bu sistem sosial mediada görməyə öyrəşdiyimiz üz tanıma sistemi ilə böyük oxşarlıq göstərir (məsələn, Facebook-un şəkillərdəki insanları üzlərindən tanıyıb etiketləməsi kimi). Çoxqatlı süni sinir şəbəkələri modelinə malik bu süni intellekt proqramı müxtəlif ağciyər KT görüntülərini araşdıraraq şişi tanımağa çalışır.
- Süni intellekt sistemlərinin gələcəkdə xərçəng diaqnozunda yüksək uğurla istifadə olunacağına əminliklə baxılır. Lakin müalicə qərarının süni intellekt tərəfindən verilməsi üçün hələ yolun çox əvvəlindəyik.
- Maşınlara qarşı ilk raund həkimlərindir
- IBM Watson-un müalicə tövsiyələri düzgün və təhlükəsiz deyil
- Tibbdə süni intellektin istifadəsinə dair digər xəbərlərimiz
Mənbələr
S4ND: Single-Shot Single-Scale Lung Nodule Detection.
MICCAI 2018 (21st International Conference on Medical Image Computing and Computer Assisted Intervention), 2018 (accepted)
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.
Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.