Təkrarlayan və ya metastatik adenoid kistik karsinomada lenvatinib

Adenoid kistik karsinomalar əsasən tüpürcək vəzindən yaranan bədxassəli, nadir şişlərdəndir. Erkən mərhələdə əsas əməliyyat və, adjuvant (əməliyyatsonrası qoruyucu) radioterapiyadır; təkrar və ya, metastaz vermiş adenoid kistik karsinomanın gedişi dəyişkəndir, müalicə azdır. Kimyaterapiyanın çox effektiv olmadığı məlumdur. Son vaxtlar çoxhədəfli tirozin kinaza inhibitoru ağızdan antixərçəng maddələr mülayim təsir, %0 ilə %11 obyektiv cavabla seçilmişdir. Bu məqsədlə araşdırılanlardan biri də lenvatinibdir.

Ağızdan ağıllı dərman, lenvatinib, tiroid (2015), böyrək (2016), qaraciyərdə (2018), FDA təsdiqləri alıb.

Journal of Clinical Oncology jurnalında 2 aprel 2019 Tchekmedyian və həmkarlarının tək mərkəzli, faza 2 işindəlenvatinibin irəliləyən təkrar/metastatik adenoid kistikdə aktivliyi göstərildi.

Təfərrüatlar

Memorial Sloan Kettering Xərçəng Mərkəzində aparılan araşdırmada təkrarlayan və ya metastatik adenoid kistik karsinomalı 32 xəstə ağızdan gündə 24 mg lenvatinib ilə müalicə edildi. Lenvatinib istisna olmaqla istənilən əvvəlki müalicəyə icazə verildi.

Əsas ölçülən sonlanım ümumi cavab idi. 32 xəstədən 4 və ya çoxunda cavab olarsa iş müsbət sayılacaqdı. Ümumilikdə % 78-də adenoid kistik karsinoma tüpürcək vəzində, % 96.9-da uzaq metastaz vardı.

Tapıntılar

• Beşdə (% 15.6) obyektiv cavab, 24-də (% 75) sabit xəstəlik vardı.
• Median proqressiyasız 17.5 ay idi.
• 8-də irəliləmə, 5-də yan təsirə çəkilmə oldu.

Yan təsirlər

Ümumilikdə 23 xəstə üçün ən azı bir doza dəyişikliyi (azaldılması) lazım oldu və 32 xəstədən 18-ində (% 56) dərmana bağlı yan təsirlər səbəbindən lenvatinib dayandırıldı. Ən çox görülən ciddi (3-cü və ya 4-cü dərəcəli) yan təsir hipertoniya (% 28.1) və ağız ağrısı (% 9.4) idi. 4-cü dərəcəli yan təsirlərə miokard infarktı (ürək tutması), posterior geri dönən ensefalopatiya sindromu və kəllədaxili (beyin) qanama daxil idi.

Nəticə

İş təkrarlayan və ya metastatik adenoid kistik xəstələrdə lenvatiniblə əhəmiyyətli cavab alınmasını göstərərək əsas sonlanım hədəfini ödəyir. Yan təsirlər əvvəlki işlərə oxşardır, izləmə-müalicə tələb edir.