აღმოაჩინეს კიბოს უჯრედების იმუნოთერაპიისადმი რეზისტენტობის მექანიზმი
ამ სტატიაში
იმუნოთერაპიები თანამედროვე კიბოს მკურნალობაში რევოლუციას ქმნის. მათი მიზანია იმუნური სისტემის მიერ კიბოს უჯრედების „მეგობრად აღქმის“ შეჩერება. თუმცა ზოგ პაციენტში მოსალოდნელ შედეგს ვერ იძლეოდა. Cancer Discovery-ში გამოქვეყნებული კვლევით, გარკვეული გენების მუტაციები იმუნოთერაპიაზე პასუხს განსაზღვრავს.
იმუნოთერაპიების ძირითადი პრინციპია PD1 და PD-L1 ცილების ურთიერთქმედების შეწყვეტა. კიბოს უჯრედის 10 ძირითადი თვისებაერთ-ერთი მათგანია იმუნური სისტემისთვის უხილავად დარჩენის უნარი. ამას ზედაპირზე „PDL-1“ რეცეპტორის ტარებით ახერხებს, რომელიც იმუნურ უჯრედებს მის მეგობრად აღქმას აიძულებს. იმუნური უჯრედის „PD1“ ცილა „PD-L1“-ს უკავშირდება და კიბოს უჯრედს „მეგობრად“ წარმოაჩენს. იმუნური საკონტროლო წერტილის მარეგულირებელთა (immune checkpoint inhibitors = immune checkpoint regulators) ჯგუფის Pembrolizumab-ის მიზანი ამ შეკავშირების შეჩერებაა. Pembrolizumab-ით კარგი შედეგების მიუხედავად, ზოგ პაციენტში წარმატება დაბალი იყო. მკვლევრები გენეტიკის დახმარებით პაციენტების იმუნოთერაპიისა და მის შემდგომი სიმსივნის ნიმუშების ანალიზით მიზეზის გაგებას ცდილობდნენ.
კვლევის შედეგებით:
- სიმსივნის უჯრედებში JAK1 / JAK 2 გენების მუტაციები PD-L1 ცილას არააქტიურს ხდიდა. JAK1/JAK2 მუტაციების მქონე სიმსივნის პაციენტები იმუნოთერაპიას არ პასუხობდნენ.
უნდა აღინიშნოს, რომ JAK გენები იმუნური სისტემის მიერ კიბოს უჯრედების ამოცნობის გზებში მონაწილეობს. იმუნური T უჯრედები ინტერფერონ გამა ამ მოლეკულას გამოყოფს და კიბოს უჯრედების ამოცნობას ცდილობს. ამ იმუნოთერაპიების მიზანია anti-PD1 ან anti-PD-L1 ანტისხეულებით T უჯრედებს კიბოს უჯრედის სპეციფიკური ამოცნობა და მის წინააღმდეგ ინტერფერონ გამას გამოყოფა შეაძლებინოს. ინტერფერონ გამას კიბოს წინააღმდეგ იმუნური პასუხის ჩამოყალიბებაში ძალიან მნიშვნელოვანი ადგილი აქვს. კიბოს უჯრედებმა საპასუხოდ მისი სასიგნალო გზების მუტაციით იმუნოთერაპიის შემდეგ გააქტიურებული T უჯრედების შეტევა შეაჩერეს. ამგვარად, PD-L1 ექსპრესიისა და ინტერფერონის გზების არააქტიურობით პირველადი რეზისტენტობა განვითარდა.
რას ნიშნავს ეს კვლევა კლინიკურად?
- გენეტიკური ანალიზით შესაბამისი მუტაციების გამოვლენამ შეიძლება იმუნოთერაპიისთვის ყველაზე შესაფერისი პაციენტების არჩევა უზრუნველყოს.
- რეზისტენტობის გარკვევას დიდი მნიშვნელობა აქვს მასში მონაწილე ცილების საწინააღმდეგო ინჰიბიტორების (დამთრგუნველების) შესაქმნელად.
წყაროები
Primary Resistance to PD-1 Blockade Mediated by JAK1/2 Mutations,
Cancer Discov February 2017
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.