ახალი FDA დამტკიცება მრავლობითი მიელომის მკურნალობაში
20 აგვისტოს 2020 წელს აშშ-ის სურსათისა და წამლების ადმინისტრაციამ (FDA), რეციდიული ან მკურნალობაზე უპასუხო და მანამდე ერთიდან სამამდე ხაზით ნამკურნალები ზრდასრული მრავლობითი მიელომის პაციენტებისთვის კარფილზომიბის და დარატუმუმაბისორივეს დექსამეტაზონთან ერთად გამოყენება დაამტკიცა.
ჩატარებულ ორ კლინიკურ კვლევაშიშეფასდა კარფილზომიბისა და დარატუმუმაბის დექსამეტაზონთან ერთად გამოყენების ეფექტიანობა და შედეგებმა მრავლობითი მიელომისთვის ახალი მკურნალობის დამტკიცება მოიტანა.
ერთ კლინიკურ კვლევაში (CANDOR) სულ 466 პაციენტი ჩაერთო და ორ ჯგუფად გაიყო: 312-ს კარფილზომიბით, დარატუმუმაბითა და დექსამეტაზონით მკურნალობდნენ, 154-ს კი მხოლოდ კარფილზომიბითა და დექსამეტაზონით. ორივე ჯგუფში იყვნენ რეციდიული ან მკურნალობისადმი რეზისტენტული მრავლობითი მიელომის მქონე ზრდასრულები, რომლებსაც მანამდე ერთიდან სამამდე მკურნალობის ხაზი ჰქონდათ მიღებული. ეფექტიანობის დასადგენად პროგრესირების გარეშე გადარჩენის შემფასებელმა გუნდმა ორმაგი მკურნალობის ჯგუფისთვის ეს ხანგრძლივობა 15,8 თვედ განსაზღვრა. მეორე კლინიკურ კვლევაშიც (EQUULEUS) მსგავსი გეგმა გამოიყენეს. სამმაგი მკურნალობის ჯგუფში საერთო პასუხის სიხშირე %81 აღმოჩნდა, ხოლო მკურნალობაზე პასუხის ხანგრძლივობა 27,5 თვე იყო.
კლინიკური კვლევებისას კარფილზომიბითა და დარატუმუმაბით ერთად ნამკურნალებ პაციენტთა სულ მცირე %20-ში ყველაზე ხშირად დაფიქსირებული გვერდითი ეფექტები; ინფუზიასთან დაკავშირებული რეაქციები, ანემია, დიარეა, დაღლილობა, ჰიპერტენზია, სხეულის ტემპერატურის ძლიერი მატება (პირექსია), სასუნთქი გზების ინფექცია, თრომბოციტოპენია, ნეიტროპენია, ლიმფოპენია, ხველა, ქოშინი, უძილობა, თავისა და ზურგის ტკივილი იყო.
წყაროები
fda.gov – 20 August 2020
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.