COVID-19 ინფექციის შედეგები კიბოს პაციენტებში

Annals of Oncologyჟურნალში აღწერილ კვლევაში Zhang-მა და კოლეგებმა ჩინეთის Wuhan-ის სამი საავადმყოფოს კიბოს მქონე 28 პაციენტში COVID-19 ინფექციის თვისებები და შედეგები წარმოადგინეს და მძიმე მოვლენებისა და სიკვდილიანობის შედარებით მაღალი რისკი გამოავლინეს.

COVID-19 დიაგნოზის მქონე კიბოს პაციენტების თვისებები

კიბოს 28 პაციენტი 2020 წლის იანვარ-თებერვალში სამ საავადმყოფოში COVID-19 დიაგნოზის მქონე 1.276 პაციენტს შორის იყო (პაციენტთა % 2.2). ყველას ლაბორატორიული ტესტით დადასტურებული COVID-19 ინფექცია ჰქონდა და სულ რვამ (% 28.6) COVID-19 საავადმყოფოში შეიძინა. კიბოსა და COVID-19 დიაგნოზის მქონეთა დაახლოებით % 61 მამაკაცი იყო (17 პაციენტი), მათი მედიანური ასაკი კი 65. ფილტვის კიბო ყველაზე გავრცელებული იყო (7 პაციენტი, % 25).

15 პაციენტში (% 53.6) მძიმე მოვლენა იყო (ინტენსიურ თერაპიაში მიღება, ინტუბაციით სუნთქვის აპარატზე მიერთება ან სიკვდილი); 8 პაციენტი (% 28.6) ინფექციით გარდაიცვალა. წინა 14 დღეში ქიმიოთერაპიის, იმუნოთერაპიის, მიზნობრივი მკურნალობის ან რადიოთერაპიის ჩათვლით ნებისმიერი კიბოს მკურნალობა მძიმე მოვლენის რისკის მნიშვნელოვან მატებას უკავშირდებოდა (4-ჯერ გაზრდილი რისკი). კომპიუტერულ ტომოგრაფიაზე დაბურული მინის გამოსახულება და COVID-19-ის შესაბამისი მიგნებები მძიმე მოვლენების გაზრდილ რისკს დაუკავშირდა.

საბოლოოდ უნდა ვიცოდეთ, რომ აქტიური მკურნალობის მიმღები კიბოს პაციენტები COVID-19 ინფექციის მაღალი რისკის ქვეშ არიან და მათში COVID-19 უფრო მძიმედ მიმდინარეობს. COVID-19-ზე ტესტირება მნიშვნელოვანია, აგრეთვე უნდა განიხილონ იმუნიტეტის დამთრგუნველი წამლების არიდება ან დოზის შეცვლა.

- დაკავშირებული თემა: Covid-19 დღეებში კიბოს მკურნალობის გადაწყვეტილების მითოლოგიური მაგალითი – Scylla და Charybdis

გარე შინაარსის სანახავად მართეთ პარამეტრები

გარე შინაარსის სანახავად მართეთ პარამეტრები

კომენტარი, ადრეული დაკვირვებები და უპასუხო კითხვები

ანგარიშის კიბოს პაციენტებში COVID-19 ინფექციის სიხშირე იმავე ასაკის ჩინურ მოსახლეობაზე დაახლოებით 1,7-ჯერ მაღალია და სიკვდილიანობა მთლიან COVID-19-ის ანგარიშზე 10-ჯერ მეტია. მიუხედავად სერიოზული შეშფოთებისა, მიგნებები ფრთხილად უნდა განიმარტოს: შემთხვევები ცოტაა და მონაცემები რეტროსპექტულად შეგროვდა. სხვა ქვეყნებზე განზოგადებაც პრობლემურია: ჩინეთის კიბოს გავრცელება დასავლეთისგან განსხვავდება; 28 შემთხვევის 8 საყლაპავის, ღვიძლის, კუჭის ან ნაზოფარინქსის კიბოა, რომლებიც დასავლეთში უფრო იშვიათია. ჰემატოლოგიური ავთვისებიანობის (სისხლისა და ლიმფური კიბოების) პაციენტი საერთოდ არ აღწერილა; მათ სოლიდურ (ორგანულ) სიმსივნეებზე მეტი იმუნური დათრგუნვა შეიძლება ჰქონდეთ. ამბულატორიულ ქიმიოთერაპიულ ცენტრებში კიბოს პაციენტები COVID-19-ით ასე ძლიერად შეიძლება არ ზიანდებოდნენ. მონაწილე საავადმყოფოები COVID-19 რეფერალური ცენტრები იყო და შესაძლოა სხვა ცენტრებზე უფრო კრიტიკული პაციენტები ჰყოლოდათ. შეზღუდვების მიუხედავად Zhang-ისა და კოლეგების ადრეული ანგარიში კიბოს პაციენტებში COVID-19 ინფექციის რისკისა და გავლენის გაგებაში მნიშვნელოვან წვლილს შეიტანს და ონკოლოგებს COVID-19 მკურნალობის კლინიკურ მორგებაში დაეხმარება. სულ მცირე, კიბოს პაციენტებმა სოციალური იზოლაციის წესები მკაცრად უნდა დაიცვან და COVID-19-ის საეჭვო სიმპტომებისთვის (ნიშნებისთვის) ადრეული და სწრაფი შეფასება, ლაბორატორიისა და ფილტვის ტომოგრაფიის ჩათვლით, უნდა მიიღონ.

ყველა ჩვენი სტატია კორონავირუსზე 

გარე შინაარსის სანახავად მართეთ პარამეტრები

გარე შინაარსის სანახავად მართეთ პარამეტრები